ರಕ್ತ ಚಂದ್ರಗ್ರಹಣ ಸಮಯದಲ್ಲಿ ಯಾವ ಕೆಲಸಗಳನ್ನು ಮಾಡಬೇಕು? ಮಾಡಬಾರದು? ಇಲ್ಲಿದೆ ಪೂರ್ಣ ಮಾಹಿತಿ | Lunar Eclipse

Lunar Eclipse: ಇದೇ ಸೆ.7ರಂದು ಆಗಸದಲ್ಲಿ ಗೋಚರಿಸುವ ರಕ್ತ ಚಂದ್ರ ಗ್ರಹಣಕ್ಕೆ ದಿನಗಣನೆ ಆರಂಭಗೊಂಡಿದೆ. ಈ ಬಗ್ಗೆ ಜನರು ತೀವ್ರ ಕುತೂಹಲ ಹೊಂದಿದ್ದಾರೆ. ಭಾದ್ರಪದ ಪೌರ್ಣಮಿಯ ದಿನದಂದು ರಾಹುವಿನ ಕಾರಣದಿಂದಾಗಿ ಸಂಪೂರ್ಣ ಚಂದ್ರಗ್ರಹಣ ಸಂಭವಿಸುತ್ತದೆ. ಈ ಸಮಯದಲ್ಲಿ ಚಂದ್ರನು ಕೆಂಪು ಬಣ್ಣದಲ್ಲಿ ಕಾಣಿಸಿಕೊಳ್ಳುತ್ತಾನೆ. ಗ್ರಹಣ, ಕೇವಲ ಖಗೋಳಶಾಸ್ತ್ರದ ವಿಷಯವಲ್ಲ. ಇದು ಭಾರತೀಯ ಸಂಸ್ಕೃತಿ ಮತ್ತು ಜ್ಯೋತಿಷ್ಯದಲ್ಲಿ ವಿಶೇಷ ಮಹತ್ವವನ್ನು ಹೊಂದಿದೆ.

ಇದನ್ನೂ ಓದಿ: ದಸರಾ ಉದ್ಘಾಟಕರಿಗೆ ಸಂಪ್ರದಾಯ ಪಾಲಿಸುವ ಬುದ್ಧಿ ಕೊಡಲಿ: ಕೇಂದ್ರ ಸಚಿವ ವಿ. ಸೋಮಣ್ಣ

ಗ್ರಹಣಗಳ ಬಗ್ಗೆ ಜನರಿಗೆ ಹಲವು ಅನುಮಾನಗಳು, ತಪ್ಪು ಕಲ್ಪನೆಗಳು ಮತ್ತು ಸಾಕಷ್ಟು ಗೊಂದಲಗಳಿವೆ. ವಿಶೇಷವಾಗಿ ಹಿಂದೂಗಳು ಹಲವಾರು ನಂಬಿಕೆಗಳನ್ನು ಹೊಂದಿದ್ದಾರೆ. ಕೆಲವರು, ಗ್ರಹಣ ಸಮಯಗಳನ್ನು ಅಶುಭವೆಂದು ಪರಿಗಣಿಸುತ್ತಾರೆ. ಮುಖ್ಯವಾಗಿ, ಆ ಸಮಯದಲ್ಲಿ ಕೆಲವು ಕೆಲಸಗಳನ್ನು ಮಾಡಬಾರದು ಎಂದು ಅಭಿಪ್ರಾಯಿಸುತ್ತಾರೆ. ಈ ಬಗ್ಗೆ ಜ್ಯೋತಿಷಿಗಳು ಸಹ ಒಂದಷ್ಟು ವಿಚಾರಗಳನ್ನು ಹಂಚಿಕೊಳ್ಳುತ್ತಾರೆ. ಅಷ್ಟಕ್ಕೂ ಈ ಸಮಯದಲ್ಲಿ ಏನು ಮಾಡಬೇಕು? ಏನು ಮಾಡಬಾರದು? ಎಂಬುದನ್ನು ಇಲ್ಲಿ ವಿವರವಾಗಿ ತಿಳಿಯೋಣ.

ಮಾಡಬೇಕಾದ ಕೆಲಸಗಳು

• ಈ ಸಮಯದಲ್ಲಿ, ಧ್ಯಾನಿಸಬೇಕು ಅಥವಾ ಮಂತ್ರಗಳನ್ನು ಪಠಿಸಬೇಕು.
• ದೈವಿಕ ಹೆಸರನ್ನು ನೆನಪಿಸಿಕೊಳ್ಳುವುದು ಶುಭ.
• ಗ್ರಹಣದ ಸಮಯದಲ್ಲಿ, ವಿಷ್ಣು, ಶಿವ ಅಥವಾ ಹನುಮಂತನ ಮಂತ್ರಗಳನ್ನು ಪಠಿಸಬಹುದು.
• ಮನಸ್ಸನ್ನು ಶಾಂತವಾಗಿಡಲು ಪ್ರಯತ್ನಿಸಬೇಕು.
• ಗ್ರಹಣದ ನಂತರ, ಎಲ್ಲಾ ವಸ್ತುಗಳ ಮೇಲೆ ಗಂಗಾ ಜಲವನ್ನು ಸಿಂಪಡಿಸಿ ಅವುಗಳನ್ನು ಶುದ್ಧೀಕರಿಸಬೇಕು. ಗ್ರಹಣದ ನಂತರ, ದಾನ ಮಾಡಬೇಕು.
• ಇದು ಚಂದ್ರಗ್ರಹಣವಾಗಿರುವುದರಿಂದ, ಬಿಳಿ ವಸ್ತುಗಳನ್ನು ದಾನ ಮಾಡುವುದು ಶುಭದ ಸಂಕೇತ.
• ಹಾಲು, ಅಕ್ಕಿ ಮತ್ತು ಸಕ್ಕರೆಯನ್ನು ನಿರ್ಗತಿಕರಿಗೆ ದಾನ ಮಾಡಬೇಕು.
• ಮನೆಯಲ್ಲಿರುವ ಎಲ್ಲಾ ವಸ್ತುಗಳ ಮೇಲೆ ದರ್ಭೆ ಅಥವಾ ತುಳಸಿಯನ್ನು ಇಡಬೇಕು.
• ಗ್ರಹಣದ ಸಮಯದಲ್ಲಿ, ಆಹಾರ ಪದಾರ್ಥಗಳು ಕಲುಷಿತವಾಗದಂತೆ ತಡೆಯಲು ದರ್ಭೆ ಅಥವಾ ತುಳಸಿ ಎಲೆಗಳನ್ನು ಇಡಬೇಕು.
• ಇವು ನಕಾರಾತ್ಮಕ ಶಕ್ತಿಗಳನ್ನು ಹೀರಿಕೊಳ್ಳುವ ಶಕ್ತಿಯನ್ನು ಹೊಂದಿವೆ ಎಂಬುದು ನಂಬಿಕೆ.
• ಗುರುಗಳು ಹೇಳುವ ಮಂತ್ರ, ಸಲಹೆಗಳನ್ನು ಅಥವಾ ಪೂರ್ವಜರು ತಿಳಿಸಿರುವ ಪೂಜೆಯನ್ನು ಮಾಡುವುದು ಒಳಿತು.
• ಮಂತ್ರ ಪಠನೆಯಿಂದ ಮಾನಸಿಕ ಶಕ್ತಿಯನ್ನು ಸೃಷ್ಟಿಸಿಕೊಳ್ಳಬಹುದು. ಇದು ಮನಸ್ಸಿನಲ್ಲಿರುವ
• ನಕಾರಾತ್ಮಕತೆಯನ್ನು ದೂರವಿಡುತ್ತದೆ.
• ಗ್ರಹಣ ಮುಗಿದ ಬಳಿಕ ಸ್ನಾನ ಮಾಡಿ.
• ಸ್ವಚ್ಛವಾದ ಬಟ್ಟೆಗಳನ್ನು ಧರಿಸಿ.
• ಮನೆಯನ್ನು ಸ್ವಚ್ಛಗೊಳಿಸಿ.
• ಗ್ರಹಣದ ಸಮಯದಲ್ಲಿ ಬಳಸುವ ವಸ್ತುಗಳು ಮತ್ತು ಅಡುಗೆ ಪಾತ್ರೆಗಳನ್ನು ಸ್ವಚ್ಛಗೊಳಿಸಿ.

ಮಾಡಬಾರದ ಕೆಲಸಗಳು

• ಗ್ರಹಣದ ಸಮಯದಲ್ಲಿ ಪೂಜೆ ಬೇಡ.
• ಆರ್ಥಿಕ ಅಥವಾ ಭಾವನಾತ್ಮಕ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಡಿ.
• ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಡಿ.
• ಭಾವನಾತ್ಮಕವಾಗಿ ವರ್ತಿಸಬೇಡಿ.
• ಗ್ರಹಣದ ಸಮಯದಲ್ಲಿ ಏನನ್ನೂ ಸೇವಿಸಬೇಡಿ ಅಥವಾ ಕುಡಿಯಬೇಡಿ. (ವೃದ್ಧರು, ಗರ್ಭಿಣಿಯರು, ಪುಟ್ಟ ಮಕ್ಕಳು ಮತ್ತು ದೀರ್ಘಕಾಲದ ಕಾಯಿಲೆಗಳಿಂದ ಬಳಲುತ್ತಿರುವವರನ್ನು ಹೊರತುಪಡಿಸಿ)
• ಈ ಸಮಯದಲ್ಲಿ ಯಾವುದೇ ಶುಭ ಚಟುವಟಿಕೆಗಳನ್ನು ಮಾಡಬೇಡಿ.
• ಅಡುಗೆ ಬೇಡ

https://www.vijayavani.net/wife-beats-husband-over-samosa-video-viral