ಇನ್ನು ಮುಂದೆ ರಕ್ಷಣೆ ಇಲ್ಲ, ಇನ್ನೇನಿದ್ರು ಯುದ್ಧವೇ... ಸೆನ್ಷೆಷನಲ್​ ಹೇಳಿಕೆ ನೀಡಿದ ಡೊನಾಲ್ಡ್​ ಟ್ರಂಪ್​! Donald Trump

Donald Trump : ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಮ್ಮ ಆಡಳಿತದಲ್ಲಿ ಮತ್ತೊಂದು ಸಂಚಲನಾತ್ಮಕ ನಿರ್ಧಾರವೊಂದನ್ನು ತೆಗೆದುಕೊಂಡಿದ್ದಾರೆ. ಅದೇನೆಂದರೆ, ಅಮೆರಿಕದ ರಕ್ಷಣಾ ಇಲಾಖೆಯನ್ನು 'ಯುದ್ಧ ಇಲಾಖೆ' ಎಂದು ಮರುನಾಮಕರಣ ಮಾಡಲು ನಿರ್ಧರಿಸಿದ್ದಾರೆ. ಈ ಕುರಿತಾದ ಕಾರ್ಯಕಾರಿ ಆದೇಶ ಶೀಘ್ರದಲ್ಲೇ ಅಂಗೀಕಾರವಾಗಲಿದೆ. ಈ ಆದೇಶ ಜಾರಿಯಾದ ಬಳಿಕ ಪ್ರಸ್ತುತ ರಕ್ಷಣಾ ಕಾರ್ಯದರ್ಶಿಯಾಗಿರುವ ಪೀಟ್ ಹೆಗ್ಸೆತ್ ಅವರನ್ನು ಯುದ್ಧ ಇಲಾಖೆಯ ಮಂತ್ರಿ ಎಂದು ಕರೆಯಲಾಗುತ್ತದೆ.

ಶ್ವೇತಭವನದ ಹೇಳಿಕೆಯ ಪ್ರಕಾರ, ಟ್ರಂಪ್ ಶೀಘ್ರದಲ್ಲೇ ಈ ಕಾರ್ಯಕಾರಿ ಆದೇಶಕ್ಕೆ ಸಹಿ ಹಾಕಲಿದ್ದಾರೆ. ಹೀಗಾಗಿ, 'ಯುದ್ಧ ಇಲಾಖೆ' ಎಂಬ ಪದವನ್ನು ಅಧಿಕೃತವಾಗಿ ಬಳಸಲಾಗುವುದು. ಇದರ ಜೊತೆಗೆ, ವಿಶ್ವದ ಅತ್ಯಂತ ಶಕ್ತಿಶಾಲಿ ರಕ್ಷಣಾ ವ್ಯವಸ್ಥೆಯಾದ ಪೆಂಟಗನ್‌ನ ಅಧಿಕೃತ ಪೋರ್ಟಲ್‌ಗಳು, ಮಿಲಿಟರಿ ಸಂಬಂಧಿತ ಮಂಡಳಿಗಳು ಮತ್ತು ಮಾಧ್ಯಮ ಕೊಠಡಿಗಳು ಸಹ ಈ ಬದಲಾವಣೆಗೆ ಅನುಗುಣವಾಗಿ ಕಾರ್ಯನಿರ್ವಹಿಸುವುದನ್ನು ಮುಂದುವರಿಸಲಿವೆ.

ಈ ಬಗ್ಗೆ ಟ್ರಂಪ್ ಮತ್ತು ರಕ್ಷಣಾ ಕಾರ್ಯದರ್ಶಿ ಪೀಟ್ ಹೆಗ್ಸೆತ್ ಮಾಧ್ಯಮಗಳೊಂದಿಗೆ ಮಾತನಾಡಿದರು. 'ಯುದ್ಧ ಇಲಾಖೆ' ಎಂಬ ಹೆಸರಿನಲ್ಲಿ ಅಮೆರಿಕ ಈ ಹಿಂದೆ ವಿಶ್ವ ಯುದ್ಧಗಳಲ್ಲಿ ವಿಜಯಗಳನ್ನು ಗಳಿಸಿದೆ. ಆದರೆ, 'ರಕ್ಷಣಾ ಇಲಾಖೆ' ಎಂದು ಹೆಸರು ಬದಲಾದ ನಂತರ ಹೋರಾಟದ ಮನೋಭಾವ ಕಡಿಮೆಯಾಗಿದೆ. ನಮಗೆ ಡಿಫೆನ್ಸ್​ ಮಾಡಲೂ ಗೊತ್ತು ಅದೇ ರೀತಿ ಅಫೆನ್ಸ್​ ಕೂಡ ಗೊತ್ತಿದೆ ಎಂದು ಟ್ರಂಪ್​ ಹೇಳಿದರು.

ಹೆಗ್ಸೆತ್ ಅವರು ಮಾತನಾಡಿ, ಈ ಬದಲಾವಣೆಯನ್ನು ಸಾಂಸ್ಕೃತಿಕ ಬದಲಾವಣೆ ಎಂದು ಬಣ್ಣಿಸಿದರು. ನಾವು ಕೇವಲ ರಕ್ಷಣಾ ಇಲಾಖೆಯಲ್ಲ. ನಾವು ದಾಳಿಗಳನ್ನು ಸಹ ನಡೆಸುತ್ತೇವೆ. ಅವುಗಳಿಗೆ ಅನುಗುಣವಾದ ಹೆಸರುಗಳನ್ನು ಹೊಂದಿರುವುದು ಬಹಳ ಮುಖ್ಯ ಎಂದು ಹೇಳಿದರು.

ಇದನ್ನೂ ಓದಿ: ಸಂಭೋಗದ ವೇಳೆ 66 ವರ್ಷದ ವೃದ್ಧನ ಸಾವು: ಪರಿಹಾರ ನೀಡುವಂತೆ ಗರ್ಲ್​ಫ್ರೆಂಡ್​ಗೆ ಕೋರ್ಟ್​ ಆದೇಶ! Old Man

1949 ರವರೆಗೆ, ಅಮೆರಿಕವು 'ಯುದ್ಧ ಇಲಾಖೆ' ಎಂಬ ಹೆಸರಿನಲ್ಲಿ ಮಿಲಿಟರಿ ವ್ಯವಹಾರಗಳನ್ನು ನಿರ್ವಹಿಸುತ್ತಿತ್ತು. ನಂತರ, ರಾಷ್ಟ್ರೀಯ ಭದ್ರತಾ ಕಾಯ್ದೆಯ ಮೂಲಕ ಅದನ್ನು 'ರಕ್ಷಣಾ ಇಲಾಖೆ' ಎಂದು ಬದಲಾಯಿಸಲಾಯಿತು. ಈಗ, ಟ್ರಂಪ್ ಆಡಳಿತವು ಆ ಐತಿಹಾಸಿಕ ಹೆಸರನ್ನು ಮರಳಿ ತರುವ ಬಗ್ಗೆ ಯೋಚಿಸುತ್ತಿದೆ. ಈ ಬದಲಾವಣೆಯು ಅಮೆರಿಕದ ರಾಜಕೀಯ ಮತ್ತು ಮಿಲಿಟರಿ ನೀತಿಗಳಲ್ಲಿ ಹೊಸ ದಿಕ್ಕನ್ನು ಸೂಚಿಸುತ್ತದೆಯೇ ಎಂಬುದನ್ನು ಕಾಲವೇ ಉತ್ತರಿಸಬೇಕಿದೆ.

ರಕ್ಷಣಾ ಇಲಾಖೆಯ ಹೆಸರನ್ನು ಯುದ್ಧ ಇಲಾಖೆ ಎಂದು ಬದಲಾಯಿಸುವುದು ಟ್ರಂಪ್ ಅವರ ತಂತ್ರವಾಗಿದೆ ಎಂಬ ಅಭಿಪ್ರಾಯಗಳಿವೆ. ಯುದ್ಧ ಇಲಾಖೆಯಲ್ಲಿ 'ಯುದ್ಧ' ಎಂಬ ಪದವು ರಕ್ಷಣೆಗಿಂತ ದಾಳಿ ಮತ್ತು ಶಕ್ತಿಯನ್ನು ಸೂಚಿಸುತ್ತದೆ. ಅದೇ ಸಮಯದಲ್ಲಿ, ಇದನ್ನು ಪ್ರಪಂಚದ ಮುಂದೆ ದೇಶದ ಯುದ್ಧ ಸಾಮರ್ಥ್ಯಗಳ ಸಾರ್ವಜನಿಕ ಪ್ರದರ್ಶನವೆಂದು ಪರಿಗಣಿಸಬಹುದಾಗಿದೆ. ಈ ಹೆಸರು ಬದಲಾವಣೆಯು ರಾಜಕೀಯ ನಾಯಕನಾಗಿ ರಾಷ್ಟ್ರೀಯ ಭದ್ರತೆಯ ಮೇಲಿನ ಅವರ ಗಮನವನ್ನು ಪ್ರತಿಬಿಂಬಿಸಬಹುದು. ಟ್ರಂಪ್ ಈ ಬದಲಾವಣೆಯನ್ನು ಪ್ರಸ್ತಾಪಿಸಿದಾಗ, ಅವರು ಯುಎಸ್ ಮಿಲಿಟರಿಗೆ ಹೆಚ್ಚಿನ ಬಲವನ್ನು ನೀಡುವುದು ಅವರ ಉದ್ದೇಶ ಎಂದು ಹೇಳಿದರು. ಯುದ್ಧವನ್ನು ಉತ್ತೇಜಿಸುವ ಟ್ರಂಪ್​ ಅವರ ಕ್ರಮಗಳಲ್ಲಿ ಇದು ಒಂದು ಭಾಗ ಎಂದು ಇತರರು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/trump-and-modi-relationship-this-is-a-lesson-for-everyone-boltons-sensational-comments

https://www.vijayavani.net/do-you-take-too-long-to-bathing-but-you-should-know-these-things