ಸಿಲಿಕಾನ್ ಸಿಟಿಯಲ್ಲಿ ಅಂದಾಜು 2 ಲಕ್ಷಕ್ಕೂ ಅಧಿಕ ಆಟೋಗಳಿವೆ. ಆ್ಯಪ್ ಆಧಾರಿತ ಸೇವೆ ನೀಡಲು ಸರ್ಕಾರ ಅನುಮತಿ ಕೊಟ್ಟಿದೆ. ಹೀಗಾಗಿ, ಚಾಲಕರು ದುಬಾರಿ ಬೆಲೆ ಕೇಳುವುದು ಮತ್ತು ನಿಗದಿತ ಸ್ಥಳಕ್ಕೆ ಬರುವುದಿಲ್ಲ ಎಂಬ ಕಾರಣಕ್ಕೆ ರಾಜಧಾನಿಯ ಬಹುತೇಕ ಜನರು ಆ್ಯಪ್ನಲ್ಲಿ ಆಟೋರಿಾ ಬುಕಿಂಗ್ ಮಾಡುತ್ತಾರೆ. ಆದರೆ, ಓಲಾ, ಊಬರ್,ರ್ಯಾಪಿಡೋ, ಹಾಗೂ "ನಮ್ಮ ಯಾತ್ರಿ' ಸೇರಿ ಇತ್ಯಾದಿ ಅಗ್ರಿಗೇಟರ್ ಆ್ಯಪ್ಗಳಿಂದ ಸೇವೆ ನೀಡುತ್ತಿರುವ ಆಟೋಗಳು, ಸರ್ಕಾರ ನಿಗದಿಪಡಿಸಿದ ದರಕ್ಕಿಂತ ಹೆಚ್ಚು ವಸೂಲಿ ಮಾಡುವ ಮುಖೇನ ಪ್ರಯಾಣಿಕರಿಗೆ ಕಿರುಕುಳ ನೀಡುತ್ತಿವೆ. ಅಲ್ಲದೆ, ಬರೀ ಬುಕಿಂಗ್ ಸೇವೆ ಒದಗಿಸುವ ಅಗ್ರಿಗೇಟರ್ ಕಂಪನಿಗಳು ಕಮಿಷನ್ ಪಡೆಯುವ ಹಣವನ್ನು ಪ್ರಯಾಣಿಕರ ಮೇಲೆ ವಿಧಿಸಿ ಕೋಟ್ಯಂತರ ರೂ.ಅದಾಯ ಮಾಡಿಕೊಳ್ಳುತ್ತಿವೆ. ಆ್ಯಪ್ ಮೂಲಕ ಸೇವೆ ನೀಡುವ ಆಟೋಗಳಿಗೆ ಇಂತಿಷ್ಟು ದರ ನಿಗದಿಗೊಳಿಸಿದರೂ ನಿಯಮ ಪಾಲನೆಯಾಗುತ್ತಿಲ್ಲ. ಕೆಲವೊಮ್ಮೆ ಸಾರಿಗೆ ಇಲಾಖೆಯು ಎಚ್ಚರಿಕೆ ನೀಡಿದ್ದರೂ ಪ್ರಯೋಜನವಾಗಿಲ್ಲ.
