ಬ್ಯಾಕ್ಟೀರಿಯಾಗಳು ಕರಗಿಸುವ ಸ್ವಭಾವ ಹೊಂದಿರುವುದರಿಂದ ಮೃತದೇಹದಲ್ಲಿ ಅನಿಲಗಳು ಉತ್ಪತ್ತಿಯಾಗಿ, ಪ್ರತಿ ಹಂತದಲ್ಲಿಯೂ ದೇಹದ ಬಣ್ಣ ನೀಲಿ, ಹಸಿರು ಮತ್ತು ಕೊನೆಯದಾಗಿ ಕೆಂಪು ಬಣ್ಣಕ್ಕೆ ಬದಲಾಗುತ್ತಿರುತ್ತದೆ. ಈ ಸಂದರ್ಭದಲ್ಲಿ ಉತ್ಪತ್ತಿಯಾಗುವ ಅನಿಲಗಳು ಮೂಗು ಮತ್ತು ಬಾಯಿಯ ಮುಖಾಂತರ ಹೊರ ಬರುತ್ತವೆ. ಆದ್ದರಿಂದಲೇ ಹೆಣದ ಮೂಗಿಗೆ ಹತ್ತಿ ಮತ್ತು ಬಾಯಿಗೆ ಎಲೆ- ಅಡಿಕೆ, ಅಕ್ಕಿಯನ್ನು ಹಾಕುವುದು. ಮೊದಲ ಹತ್ತು ದಿವಸದೊಳಗೆ ಮೆದುವಾದ ಅಂಗಾಂಗಗಳು ಕರಗುತ್ತವೆ ನಂತರ ಗಟ್ಟಿಯಾಗಿರುವ ಮೂಳೆ ಮತ್ತು ಕೆರಾಟಿನ್ ಪೊ›ಟೀನ್ನಿಂದ ಮಾಡಲ್ಪಟ್ಟ ಕೂದಲು, ಚರ್ಮ ಮತ್ತು ಉಗುರುಗಳು ಕರಗುವುದಕ್ಕೆ ಅಂದಾಜು ಆರು ತಿಂಗಳಿಂದ ಕೆಲವು ವರ್ಷಗಳವರೆಗೆ ಆಗುತ್ತದೆ. ನಾವು ಬದುಕಿರಬೇಕೆಂದರೂ ಬ್ಯಾಕ್ಟೀರಿಯಾ ಬೇಕು, ಸತ್ತ ನಂತರ ನಮ್ಮ ದೇಹ ಕರಗಬೇಕೆಂದರೂ ಬ್ಯಾಕ್ಟೀರಿಯಾ ಬೇಕು.
