ರೈಲಿನ ಕೊನೆಯ ಬೋಗಿ ಹಿಂದೆ ಇರುವ 'X' ಚಿಹ್ನೆಯ ಅರ್ಥವೇನು?

ನವದೆಹಲಿ: ನಾವು ದೂರದ ಪ್ರದೇಶಗಳಿಗೆ ಪ್ರಯಾಣ ಮಾಡುತ್ತಿರುವಾಗ ಸ್ಥಳ, ಪ್ರಯಾಣ ಮಾಡುವ ವಾಹನ ಹೀಗೆ ಹಲವು ವಿಚಾರ ಕುರಿತಾಗಿ ಮುಂಜಾಗೃತ ಕ್ರಮವನ್ನು ತೆಗೆದುಕೊಳ್ಳುತ್ತೇವೆ. ರೈಲುಗಳಲ್ಲಿ ಪ್ರಯಾಣಿಸುವಾಗ ಕೆಲವರು ಬಹಳಷ್ಟು ವಿಷಯಗಳನ್ನು ಗಮನಿಸುತ್ತಾರೆ. ಅವುಗಳಲ್ಲಿ ರೈಲಿನ ಸ್ಥಿತಿ, ಒದಗಿಸಿದ ಸೇವೆಗಳು, ವಿವಿಧ ರೀತಿಯ ಪ್ರಯಾಣಿಕರು ಅವರ ಗಮನಕ್ಕೆ ಬರುತ್ತಾರೆ.

ರೈಲಿನ ಕೊನೆಯ ಬೋಗಿಯ ಹಿಂದೆ ಇರುವ 'X' ಚಿಹ್ನೆಯನ್ನು ಗಮನಿಸಿರುತ್ತಿರ. ಆದರೆ ಯಾಕೆ ಈ 'X' ಚಿಹ್ನೆ ಇರುತ್ತೆ ಎಂದು ತಿಳಿದಿರೋದಿಲ್ಲ. ಈ ಬಗ್ಗೆ ರೈಲ್ವೇ ಸಚಿವಾಲಯ ಟ್ವಿಟರ್‌ನಲ್ಲಿ ಮಾಹಿತಿ ನೀಡಿದ್ದು, ಅಂತಿಮವಾಗಿ ಉತ್ತರವನ್ನು ಕಂಡು ಅನೇಕ ಬಳಕೆದಾರರು ನಿರಾಳರಾಗಿದ್ದಾರೆ.

ಇದನ್ನೂ ಓದಿ:  ಜೈಲಿನಲ್ಲಿದ್ದುಕೊಂಡೇ ಜಾಕ್ವೆಲಿನ್ ಫರ್ನಾಂಡಿಸ್​ಗೆ ಲವ್ ಲೆಟರ್ ಬರೆದ ಸುಕೇಶ್ ಚಂದ್ರಶೇಖರ್

ರೈಲ್ವೇ ಸಚಿವಾಲಯದ ಅಧಿಕೃತ ಟ್ವಿಟ್ಟರ್ ಖಾತೆಯ ಪೋಸ್ಟ್ ಪ್ರಕಾರ, ನಿಮಗೆ ತಿಳಿದಿದೆಯೇ? ರೈಲಿನ ಕೊನೆಯ ಕೋಚ್‌ನಲ್ಲಿರುವ 'X' ಅಕ್ಷರವು ಯಾವುದೇ ಕೋಚ್‌ಗಳನ್ನು ಬಿಡದೆ ರೈಲು ಹಾದುಹೋಗಿದೆ ಎಂದು ಸೂಚಿಸುತ್ತದೆ.' ಎಂದು ಬರೆಯಲಾಗಿದೆ.

ಕೊನೆಯ ರೈಲು ಬೋಗಿಯ ಹಿಂದೆ ಇರುವ ಹಳದಿ 'X' ಚಿಹ್ನೆಯು ಇದೇ ರೈಲಿನ ಕೊನೆಯ ಬೋಗಿಯಾಗಿದ್ದು, ಯಾವುದೇ ಕೋಚ್‌ಗಳನ್ನು ಬಿಡದೆ ರೈಲು ಹಾದುಹೋಗಿದೆ ಎಂದು ಸೂಚಿಸುತ್ತದೆ. ಚಿಹ್ನೆಯ ಉಪಸ್ಥಿತಿಯು ಯಾವುದೇ ಕೋಚ್‌ಗಳನ್ನು ಬೇರ್ಪಡಿಸದೆ ರೈಲು ಸಂಪೂರ್ಣವಾಗಿ ಹಾದುಹೋಗಿದೆ ಎಂಬ ದೃಢೀಕರಣವನ್ನು ಪಡೆಯಲು ರೈಲ್ವೆ ಅಧಿಕಾರಿಗಳಿಗೆ ಸಹಾಯ ಮಾಡುತ್ತದೆ.

https://www.vijayavani.net/congress-vs-bjp-over-women-bodybuilders-posing-in-front-of-hanumans-image/