ಸಾಕಷ್ಟು ನೆಗೆಟಿವ್​ ಪ್ರಚಾರದ ಮಧ್ಯೆಯೂ ಬಾಕ್ಸ್​ಆಫೀಸ್​ನಲ್ಲಿ ಕಂಗುವಾ ಕಮಾಲ್​! 4 ದಿನದಲ್ಲಿ ಗಳಿಸಿದ್ದೆಷ್ಟು? Kanguva

Kanguva : ಕಾಲಿವುಡ್​ ಸೂಪರ್​ಸ್ಟಾರ್​ ಸೂರ್ಯ ಅಭಿನಯದ ಬಹು ನಿರೀಕ್ಷಿತ ಕಂಗುವಾ ಸಿನಿಮಾ ಕಳೆದ ವಾರ ಬಿಡುಗಡೆಯಾಗಿದೆ. ಸಿರುತೈ ಶಿವ ನಿರ್ದೇಶನದ ಈ ಚಿತ್ರವನ್ನು ಸ್ಟುಡಿಯೋ ಗ್ರೀನ್ ಜ್ಞಾನವೇಲ್ ರಾಜ ನಿರ್ಮಿಸಿದ್ದಾರೆ. ಬಿಗ್​ ಬಜೆಟ್‌ನಲ್ಲಿ ತಯಾರಾಗಿರುವ ಈ ಚಿತ್ರ ಬಿಡುಗಡೆಯಾದ ಮೊದಲ ದಿನದಿಂದಲೇ ಮಿಶ್ರ ಪ್ರತಿಕ್ರಿಯೆಗಳನ್ನು ಪಡೆಯುತ್ತಿದೆ. ಕೆಲವರು ಚಿತ್ರದ ಬಗ್ಗೆ ನೆಗಿಟಿವ್​ ಪ್ರಚಾರಗಳನ್ನು ಮಾಡುತ್ತಿದ್ದಾರೆ.

ನೆಗೆಟಿವ್​ ಪ್ರಚಾರವನ್ನು ಖಂಡಿಸಿ ನಟಿ ಹಾಗೂ ಸೂರ್ಯ ಪತ್ನಿ ಜ್ಯೋತಿಕಾ ಕೂಡ ಪೋಸ್ಟ್ ಹಾಕಿದ್ದರು. ಉದ್ದೇಶಪೂರ್ವಕವಾಗಿ ಕಂಗುವಾ ಚಿತ್ರದ ಬಗ್ಗೆ ನಕಾರಾತ್ಮಕ ವಿಮರ್ಶೆಗಳನ್ನು ಹಾಕಲಾಗಿದೆ ಎಂದಿದ್ದಾರೆ. ಆದರೆ, ಜ್ಯೋತಿಕಾರನ್ನು ಸಹ ಜಾಲತಾಣದಲ್ಲಿ ಟ್ರೋಲ್​ ಮಾಡುತ್ತಿದ್ದಾರೆ. ಕೆಲವರು ನೆಗೆಟಿವ್​ ಪ್ರಚಾರ ಮಾಡಿದರೆ, ಇನ್ನು ಕೆಲವರು ಸಿನಿಮಾ ಚೆನ್ನಾಗಿದೆ ಎನ್ನುತ್ತಿದ್ದಾರೆ. ಫ್ಯಾಮಿಲಿ ಆಡಿಯನ್ಸ್​ ಕೂಡ ಸಿನಿಮಾ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡುತ್ತಿದ್ದಾರೆ.

ಸಾಕಷ್ಟು ನೆಗೆಟಿವ್​ ಪ್ರಚಾರದ ನಡುವೆಯೂ ಕಂಗುವಾ ಸಿನಿಮಾ ಬಾಕ್ಸ್​ಆಫೀಸ್​ನಲ್ಲಿ ಧೂಳೆಬ್ಬಿಸುತ್ತಿದೆ. ಮೂರೇ ದಿನಕ್ಕೆ ಈ ಸಿನಿಮಾ 100 ಕೋಟಿ ರೂ. ಕ್ಲಬ್​ಗೆ ಸೇರಿದೆ. ನಿರ್ಮಾಣ ಸಂಸ್ಥೆ ಸ್ಟುಡಿಯೋ ಗ್ರೀನ್​ ತನ್ನ ಅಧಿಕೃತ ಎಕ್ಸ್​ ಖಾತೆಯಲ್ಲಿ ಹಂಚಿಕೊಂಡಿರುವ ಮಾಹಿತಿ ಪ್ರಕಾರ ಈ ಸಿನಿಮಾ ಮೂರೇ ದಿನದಲ್ಲಿ ವಿಶ್ವದಾದ್ಯಂತ 127 ಕೋಟಿ ರೂ. ಗಳಿಕೆ ಮಾಡಿದೆ.

ಇದನ್ನೂ ಓದಿ: ಫ್ರೆಂಡ್ಸ್​ ಆಗಿದ್ದ ಧನುಷ್​-ನಯನತಾರಾ ಈಗ ಕಿತ್ತಾಡಿಕೊಳ್ಳುತ್ತಿರುವುದ್ದೇಕೆ? ಆ ಒಂದು ಸಿನಿಮಾನೇ ಇದಕ್ಕೆಲ್ಲ ಕಾರಣ | Nayanthara

ಇನ್ನು ಸಿನಿಮಾ ಮೂಲಗಳ ಪ್ರಕಾರ ಕಂಗುವಾ ಸಿನಿಮಾ 4 ದಿನದಲ್ಲಿ 140 ಕೋಟಿ ರೂ.ಗೂ ಅಧಿಕ ಹಣ ಗಳಿಕೆ ಮಾಡಿದೆ. ಓಪನಿಂಗ್​ ದಿನದಲ್ಲಿ ಅಬ್ಬರಿಸಿದ್ದ ಕಂಗುವಾ ಎರಡನೇ ದಿನದಲ್ಲಿ ಗಳಿಕೆಯಲ್ಲಿ ಕೊಂಚ ಇಳಿಕೆ ಕಂಡಿತ್ತು. ಆದರೆ, ಮೂರನೇ ದಿನ ಮತ್ತೆ ಬಾಕ್ಸ್​ಆಫೀಸ್​ನಲ್ಲಿ ಚೇತರಿಸಿಕೊಂಡಿದ್ದು, ಯಶಸ್ಸಿನತ್ತ ಸಾಗುತ್ತಿದೆ. ಸಾಕಷ್ಟು ನೆಗೆಟಿವ್​ ಪ್ರಚಾರದ ನಡುವೆ ಕಂಗುವಾ ಜನರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ.

ಶಿವ ನಿರ್ದೇಶನದ ಈ ಬೃಹತ್ ಆಕ್ಷನ್ ಚಿತ್ರದಲ್ಲಿ ದಿಶಾ ಪಟಾನಿ ಮತ್ತು ಬಾಬಿ ಡಿಯೋಲ್ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/samanthas-14-year-old-video-is-viral-see-how-it-looks

https://www.vijayavani.net/why-not-eat-food-with-left-hand-what-are-the-benefits-of-eating-with-the-right-hand