ಎಡಗೈಯಿಂದ ಏಕೆ ತಿನ್ನಬಾರದು? ಬಲಗೈನಲ್ಲಿ ತಿನ್ನುವುದರಿಂದ ಏನು ಪ್ರಯೋಜನ? ಇಲ್ಲಿದೆ ಉಪಯುಕ್ತ ಮಾಹಿತಿ... Left Hand

Left Hand : ಭಾರತೀಯ ಸಂಪ್ರದಾಯಗಳ ಪ್ರಕಾರ ಚಮಚದ ಬದಲು ಕೈಯಿಂದ ಆಹಾರವನ್ನು ಸೇವಿಸುವುದು ಉತ್ತಮ. ಕೈಗಳಿಂದ ಆಹಾರವನ್ನು ಸೇವಿಸುವುದರಿಂದ ಐದು ಬೆರಳುಗಳ ಶಕ್ತಿಯು ನಮ್ಮ ದೇಹವನ್ನು ಪ್ರವೇಶಿಸುತ್ತದೆ ಎಂದು ನಂಬಲಾಗಿದೆ. ಅಲ್ಲದೆ, ಕೈಗಳಿಂದ ತಿನ್ನುವುದು ದೇಹವನ್ನು ಆರೋಗ್ಯಕರವಾಗಿ ಮತ್ತು ಜೀರ್ಣಾಂಗ ವ್ಯವಸ್ಥೆಯನ್ನು ಸುಸ್ಥಿತಿಯಲ್ಲಿಡಲು ಸಹಾಯ ಮಾಡುತ್ತದೆ ಎಂದು ನಂಬಲಾಗಿದೆ. ಆದರೆ, ಕೈಯಿಂದ ಊಟ ಮಾಡುವಾಗಲೂ ಸರಿಯಾದ ಕ್ರಮದಲ್ಲಿ ತಿನ್ನಬೇಕು. ವಿಶೇಷವಾಗಿ ಬಲಗೈಯಿಂದ ತಿನ್ನಿರಿ. ಹಿಂದು ಧರ್ಮದಲ್ಲಿ ಎಡಗೈಯಿಂದ ಊಟ ಮಾಡುವುದನ್ನು ನಿಷೇಧಿಸಲಾಗಿದೆ. ಅಷ್ಟಕ್ಕೂ ಬಲಗೈನಲ್ಲೇ ಏಕೆ ತಿನ್ನಬೇಕು? ಎಡಗೈನಲ್ಲಿ ತಿಂದರೆ ಏನಾಗುತ್ತದೆ? ಎಂಬ ಪ್ರಶ್ನೆಗಳು ಇವೆ. ಅದಕ್ಕೆ ಉತ್ತರ ಇಲ್ಲಿದೆ.

ಅಂದಹಾಗೆ ಕೈಯಿಂದ ತಿನ್ನುವ ಅಭ್ಯಾಸವು ನಮ್ಮ ಇಂದ್ರಿಯಗಳನ್ನು ಸಕ್ರಿಯಗೊಳಿಸುತ್ತದೆ. ನಿಮ್ಮ ಕೈಗಳಿಂದ ನೀವು ಆಹಾರವನ್ನು ಸ್ಪರ್ಶಿಸಿದಾಗ, ನಿಮ್ಮ ಸ್ಪರ್ಶ, ವಾಸನೆ, ದೃಷ್ಟಿ, ಶ್ರವಣ ಮತ್ತು ರುಚಿಯ ಎಲ್ಲ ಇಂದ್ರಿಯಗಳು ಸಕ್ರಿಯಗೊಳ್ಳುತ್ತವೆ. ಬೆರಳುಗಳಲ್ಲಿರುವ ನರಗಳು ಆಹಾರದ ವಿನ್ಯಾಸವನ್ನು ಗ್ರಹಿಸಿದ ತಕ್ಷಣ, ಅದು ಮೆದುಳಿಗೆ ಸಂಕೇತವನ್ನು ಕಳುಹಿಸುತ್ತದೆ. ಆಹಾರವು ಬಾಯಿಯನ್ನು ಪ್ರವೇಶಿಸಲಿದೆ ಎಂದು ನಾಲಿಗೆಗೆ ಹೇಳುತ್ತದೆ. ಹಸಿವಾದಾಗ, ನೀವು ಯಾವಾಗಲೂ ಆಹಾರವನ್ನು ರುಚಿ ನೋಡುವ ಮೊದಲು ವಾಸನೆ ಗ್ರಹಿಸುತ್ತೀರಿ. ಇದು ವಾಸನೆಯ ಇಂದ್ರಿಯನ್ನು ಸಕ್ರಿಯಗೊಳಿಸುತ್ತದೆ.

ಇದನ್ನೂ ಓದಿ: ಫ್ರೆಂಡ್ಸ್​ ಆಗಿದ್ದ ಧನುಷ್​-ನಯನತಾರಾ ಈಗ ಕಿತ್ತಾಡಿಕೊಳ್ಳುತ್ತಿರುವುದ್ದೇಕೆ? ಆ ಒಂದು ಸಿನಿಮಾನೇ ಇದಕ್ಕೆಲ್ಲ ಕಾರಣ | Nayanthara

ಕೆಲವು ಲೋಳೆಯ ಜೊತೆಗೆ ಉತ್ತಮ ಪ್ರಮಾಣದ ಲಾಲಾರಸದ ಕಿಣ್ವಗಳು ಉತ್ಪತ್ತಿಯಾದಾಗ, ಆರೋಗ್ಯಕರ ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ಇಂದ್ರಿಯಗಳನ್ನು ನರಗಳ ಪ್ರತಿಫಲಿತದಿಂದ ಸಕ್ರಿಯಗೊಳಿಸಲಾಗುತ್ತದೆ. ಇದೊಂದು ಅನೈಚ್ಛಿಕ ಕ್ರಿಯೆಯಾಗಿದ್ದು, ಈ ಚಟುವಟಿಕೆಯು ಮೆದುಳನ್ನು ಉತ್ತೇಜಿಸುತ್ತದೆ. ಇದರಿಂದ ನಿಮ್ಮ ನಾಲಿಗೆಗೆ ಮಾತ್ರವಲ್ಲದೆ ನಿಮ್ಮ ಹೊಟ್ಟೆಗೂ ಸಂಕೇತಗಳನ್ನು ಕಳುಹಿಸುತ್ತದೆ.

ಬಲಗೈಯಿಂದ ಏಕೆ ತಿನ್ನಬೇಕು?

ಬಲಗೈ ಸೂರ್ಯನ ನಾಡಿಯನ್ನು ಪ್ರತಿನಿಧಿಸುತ್ತದೆ. ಆದ್ದರಿಂದ ಬಲಗೈಯನ್ನು ಹೆಚ್ಚು ಶಕ್ತಿಯ ಅಗತ್ಯವಿರುವ ಕೆಲಸಗಳನ್ನು ಮಾಡಲು ಬಳಸಲಾಗುತ್ತದೆ. ಇದಲ್ಲದೆ, ಎಡಗೈ ಚಂದ್ರನ ನಾಡಿಯನ್ನು ಪ್ರತಿನಿಧಿಸುತ್ತದೆ. ಇದಕ್ಕೆ ಕಡಿಮೆ ಶಕ್ತಿಯ ಅಗತ್ಯವಿರುತ್ತದೆ. ಆದ್ದರಿಂದ ಕಡಿಮೆ ಶಕ್ತಿ ಇರುವ ಎಲ್ಲ ಕಾರ್ಯಗಳನ್ನು ಎಡಗೈಯಿಂದ ಮಾಡಲಾಗುತ್ತದೆ. ಇನ್ನು ಎಲ್ಲ ಮಂಗಳಕರ ಮತ್ತು ಪವಿತ್ರ ಕಾರ್ಯಗಳನ್ನು ಬಲಗೈಯಿಂದ ಮಾತ್ರ ಮಾಡಲಾಗುತ್ತದೆ. ಆದ್ದರಿಂದ ಆಹಾರವನ್ನು ಬಲಗೈಯಿಂದ ಮಾತ್ರ ತೆಗೆದುಕೊಳ್ಳಲಾಗುತ್ತದೆ. ಒಬ್ಬರ ಆರೋಗ್ಯಕ್ಕೆ ಇದು ತುಂಬಾ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಇದು ದೇಹದಲ್ಲಿ ಧನಾತ್ಮಕ ಶಕ್ತಿಯನ್ನು ಕಾಪಾಡಿಕೊಳ್ಳಲು ಸಹ ಸಹಾಯ ಮಾಡುತ್ತದೆ.

ಎಡಗೈಯನ್ನು ಸ್ವಚ್ಛಗೊಳಿಸಲು ಬಳಸಲಾಗುತ್ತದೆ

ಸಾಮಾನ್ಯವಾಗಿ, ಎಡಗೈಯನ್ನು ಯಾವಾಗಲೂ ದೇಹವನ್ನು ಸ್ವಚ್ಛಗೊಳಿಸಲು ಬಳಸಲಾಗುತ್ತದೆ. ಮಲವಿಸರ್ಜನೆ ಸೇರಿದಂತೆ ಇತ್ಯಾದಿ ಕೆಲಸಗಳಿಗೆ ಎಡಗೈಯನ್ನು ಬಳಸಲಾಗುತ್ತದೆ. ಹೀಗಾಗಿ ಈ ಕೈಯಿಂದ ತಿನ್ನುವುದನ್ನು ಅಶುದ್ಧವೆಂದು ಪರಿಗಣಿಸುವುದರಿಂದ ನಿಷೇಧಿಸಲಾಗಿದೆ.

ಹಕ್ಕು ನಿರಾಕರಣೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

https://www.vijayavani.net/banana-is-eating-banana-good-for-health-in-winter