ಟೂರ್ನಮೆಂಟ್​​ ನಡುವೆ ಕ್ರಿಕೆಟಿಗರ S*X ಜೀವನ ಹೇಗಿರುತ್ತೆ? ಶಾಕಿಂಗ್ ಉತ್ತರ ನೀಡಿದ KKR ಸಹಾಯಕ ಕೋಚ್​!

ನವದೆಹಲಿ: ಕಳೆದ ತಿಂಗಳಷ್ಟೇ ಮುಕ್ತಾಯಗೊಂಡ 17ನೇ ಐಪಿಎಲ್​ ಸೀಸನ್​ನಲ್ಲಿ ಕೋಲ್ಕತ್ತ ನೈಟ್ ರೈಡರ್ಸ್ (ಕೆಕೆಆರ್) ತಂಡ ಟ್ರೋಫಿ ಗೆದ್ದಿದ್ದು ಎಲ್ಲರಿಗೂ ತಿಳಿದೇ ಇದೆ. ಈ ಗೆಲುವಿನ ಹಿಂದಿನ ಪ್ರಮುಖ ವ್ಯಕ್ತಿಗಳಲ್ಲಿ ಅಭಿಷೇಕ್ ನಾಯರ್ ಕೂಡ ಒಬ್ಬರು. ಟ್ರೋಫಿ ಗೆದ್ದ ನಂತರ ಹರ್ಷ ಭೋಗ್ಲೆ ಸಂದರ್ಶನ ಮಾಡುವಾಗ, ವರುಣ್ ಚಕ್ರವರ್ತಿ ಮತ್ತು ವೆಂಕಟೇಶ್ ಅಯ್ಯರ್ ಅವರು ಸಹಾಯಕ ಕೋಚ್ ಅಭಿಷೇಕ್ ನಾಯರ್ ನಿರ್ವಹಿಸಿದ ಪಾತ್ರ ಮತ್ತು ಕ್ರಿಕೆಟ್​ನಲ್ಲಿ ಅವರಿಗಿರುವ ಅಗಾಧ ಜ್ಞಾನದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.

ಇತ್ತೀಚೆಗಷ್ಟೇ ಅಭಿಷೇಕ್​ ನಾಯರ್​ ಅವರು ಯೂಟ್ಯೂಬರ್ ರಣವೀರ್ ಅಲ್ಲಾಬಾಡಿಯಾ ನಡೆಸಿದ ಪಾಡ್‌ಕ್ಯಾಸ್ಟ್‌ನಲ್ಲಿ ಕಾಣಿಸಿಕೊಂಡರು. ಈ ವೇಳೆ ಅವರು ಎದುರಿಸಿದ ಪ್ರಶ್ನೆ ಹಾಗೂ ಅವರು ನೀಡಿದ ಉತ್ತರ ಇದೀಗ ಎಲ್ಲೆಡೆ ವೈರಲ್​ ಆಗುತ್ತಿದೆ ಮತ್ತು ಬಹಳ ಚರ್ಚೆಯಾಗುತ್ತಿದೆ.

ಕ್ರಿಕೆಟ್‌ನಲ್ಲಿ ಅಂತಿಮ ವಿಷಯವೆಂದರೆ ಅದು ಲೈಂಗಿಕತೆ, ಇದು ಆಟಗಾರರ ಜೀವನದಲ್ಲಿ ಒಂದು ಅಂಶವೇ? ತುಂಬಾ ಬಿಜಿಯಾಗಿರುವ ಕ್ರಿಕೆಟಿಗರ ಜೀವನದಲ್ಲಿ ಸೆಕ್ಸ್ ಹೇಗಿರುತ್ತದೆ? ಎಂದು ಯೂಟ್ಯೂಬರ್ ರಣವೀರ್ ಅಲ್ಲಾಬಾಡಿಯಾ, ಅಭಿಷೇಕ್​​ ನಾಯರ್ ಅವರನ್ನು ಕೇಳಿದರು.

ಈ ಪ್ರಶ್ನೆಗೆ ಉತ್ತರಿಸಿದ ನಾಯರ್​, ನೀವಿದನ್ನು ಪಾಸಿಟಿವ್​ ರೀತಿಯಲ್ಲಿ ಕೇಳುತ್ತಿದ್ದೀರಾ? ಅಥವಾ ನೆಗೆಟಿವ್​ ರೀತಿಯಲ್ಲಿ ಕೇಳುತ್ತಿದ್ದೀರಾ? ಏಕೆಂದರೆ ನೀವು ತುಂಬಾ ಮುಕ್ತವಾದ ಪ್ರಶ್ನೆಯನ್ನು ಕೇಳಿದ್ದೀರಿ. ಎಲ್ಲರಂತೆ ಕ್ರಿಕೆಟಿಗರ ಜೀವನದಲ್ಲಿಯೂ ಸೆಕ್ಸ್ ಇದೆ. ಸೆಕ್ಸ್​ ಇಲ್ಲದೆ ಯಾವ ಮನುಷ್ಯ ತಾನೇ ಇರುತ್ತಾನೆ ಹೇಳಿ ಎಂದು ಪ್ರಶ್ನಿಸಿದರು. ಮಾತು ಮುಂದುವರಿಸಿದ ನಾಯರ್​, ಕ್ರಿಕೆಟಿಗರಿಗೆ ಬಿಜಿ ಶೆಡ್ಯೂಲ್ ಇದ್ದಾಗ ಸೆಕ್ಸ್​ ಒಳ್ಳೆಯದೇ? ಅಥವಾ ಕೆಟ್ಟದೇ? ಎಂದು ನೀವು ಕೇಳುತ್ತಿದ್ದೀರಾ? ಅಥವಾ ಅವರು ಎಷ್ಟು ಬಾರಿ ಸೆಕ್ಸ್​ ಮಾಡುತ್ತಾರೆ ಎಂಬುದು ನಿಮ್ಮ ಪ್ರಶ್ನೆಯೇ ಎಂದು ನಾಯರ್​ ಕೇಳಿದರು.

ಈ ವೇಳೆ ಪ್ರತಿಕ್ರಿಯಿಸಿದ ರಣವೀರ್​, ನಾನು ಇದಕ್ಕೆ ಉತ್ತರಿಸಲು ಬಯಸುತ್ತೇನೆ. ಆದರೆ, ನೀವು ಏನು ಉತ್ತರಿಸುತ್ತೀರಿ ಎಂದು ಕೇಳಲು ನಾನು ಬಯಸುತ್ತೇನೆ ಎಂದರು. ಬಳಿಕ ಮಾತನಾಡಿದ ನಾಯರ್​, ಪ್ರತಿಯೊಬ್ಬರ ಜೀವನದಲ್ಲೂ ಸೆಕ್ಸ್​ ಸಹಜ ಎಂದರು. ಆದರೆ, ಸೆಕ್ಸ್​ ಪ್ರತಿಯೊಬ್ಬರಿಗೂ ವಿಭಿನ್ನವಾಗಿರುತ್ತದೆ. ಪ್ರತಿಯೊಬ್ಬ ಕ್ರಿಕೆಟಿಗನ ಮನಸ್ಸಿನಲ್ಲಿಯೂ ಇದರ ಬಗ್ಗೆ ಗೊಂದಲವಿದೆ. ಕೆಲವರು ಸೆಕ್ಸ್​ ಅನ್ನು ಇಷ್ಟಪಡುತ್ತಾರೆ ಮತ್ತು ಇನ್ನು ಕೆಲವರು ಅದರಿಂದ ದೂರವಿರುತ್ತಾರೆ. ಆದರೆ, ಎಲ್ಲ ಆಟಗಾರರು ಹೀಗೆ ಎಂದು ಹೇಳಲು ಸಾಧ್ಯವಿಲ್ಲ ಎಂದು ನಾಯರ್ ಹೇಳಿದರು.

ಇನ್ನು ನಾಯರ್​ ಬಗ್ಗೆ ಹೇಳುವುದಾದರೆ, ಕೆಕೆಆರ್ ತಂಡದಲ್ಲಿ ಪ್ರತಿಭಾವಂತ ಯುವ ಭಾರತೀಯ ಆಟಗಾರರನ್ನು ರೂಪಿಸವಲ್ಲಿ ಮಹತ್ವದ ಪಾತ್ರವನ್ನು ವಹಿಸಿದ್ದಾರೆ. ಸಹಾಯಕ ತರಬೇತುದಾರರಲ್ಲದೆ ನಾಯರ್​ ಅವರು ಕೆಕೆಆರ್ ಅಕಾಡೆಮಿಯ ಮಾರ್ಗದರ್ಶಕ ಮತ್ತು ಮುಖ್ಯ ಕೋಚ್ ಆಗಿದ್ದಾರೆ. (ಏಜೆನ್ಸೀಸ್​)

https://www.vijayavani.net/drowned-in-sea-saw-jesus-actress-jayasudha-on-embracing-another-religion

https://www.vijayavani.net/affair-with-actress-poorna-actor-ravi-babu-gave-clarity