DMK ಯಾವಾಗಲೂ ಮುಸ್ಲಿಮರೊಂದಿಗೆ ನಿಲ್ಲುತ್ತದೆ: ಬಿಜೆಪಿ ವಿರುದ್ಧ ತಮಿಳುನಾಡು ಸಿಎಂ ಸ್ಟಾಲಿನ್​ ವಾಗ್ದಾಳಿ| CM Stalin

CM Stalin: ಡಿಎಂಕೆ (ದ್ರಾವಿಡ ಮುನ್ನೇತ್ರ ಕಳಗಂ) ಮುಸ್ಲಿಮರ ಹಕ್ಕುಗಳ ದೃಢ ರಕ್ಷಕನಾಗಿ ಉಳಿಯುತ್ತದೆ ಎಂದು ತಮಿಳುನಾಡು CM ಎಂ.ಕೆ. ಸ್ಟಾಲಿನ್ ಭಾನುವಾರ (ಸೆಪ್ಟೆಂಬರ್,22) ಹೇಳಿದ್ದಾರೆ. ಅಲ್ಲದೆ, ಬಿಜೆಪಿ ಮತ್ತು ಎಐಡಿಎಂಕೆ ಮೇಲೆ ತೀವ್ರ ವಾಗ್ದಾಳಿ ನಡೆಸಿದ್ದಾರೆ.

ಈ ಬಗ್ಗೆ ತಮಿಳುನಾಡಿನಲ್ಲಿ ಪ್ರವಾದಿ ಮುಹಮ್ಮದ್​ರ 1,500 ನೇ ಜನ್ಮ ದಿನಾಚರಣೆಯಂದು ನಡೆದ ಕಾರ್ಯಕ್ರಮದಲ್ಲಿ ಮಾತನಾಡಿದ ಸ್ಟಾಲಿನ್, ಮುಸ್ಲಿಂ ಸಮುದಾಯದೊಂದಿಗಿನ DMK ಪಕ್ಷದ ಐತಿಹಾಸಿಕ ಸಂಬಂಧಗಳನ್ನು ನೆನಪಿಸಿಕೊಂಡಿದ್ದಾರೆ. ಅಲ್ಲದೆ, ನಮ್ಮ ಸರ್ಕಾರ ಪ್ರವಾದಿ ಮುಹಮ್ಮದ್‌ಗೆ ಸಂಬಂಧಿಸಿದ ವಿಷಯಗಳನ್ನು ಈಗಾಗಲೇ ತಮಿಳುನಾಡು ಶಾಲಾ ಪಠ್ಯಕ್ರಮದಲ್ಲಿ ಸೇರಿಸಲಾಗಿದೆ ಎಂದು ಸ್ಟಾಲಿನ್​ ಹೇಳಿದರು.

ಇದನ್ನೂ ಓದಿ: POK ಮೇಲೆ ಪಾಕ್​ ವಾಯುಪಡೆ ಬಾಂಬ್ ದಾಳಿ: 30 ಮಂದಿ ಬಲಿ| Pakistan Air Force

ಕೇಂದ್ರದ ವಕ್ಫ್ ತಿದ್ದುಪಡಿ ವಿರುದ್ಧ DMK ಹೋರಾಟ: ಸ್ಟಾಲಿನ್

ವಕ್ಫ್ ಕಾನೂನು ತಿದ್ದುಪಡಿಯು ಡಿಎಂಕೆ ಮತ್ತು ಇತರರ ಕಾನೂನು ಹೋರಾಟದಿಂದಾಗಿ, ಆ ವಿವಾದಾತ್ಮಕ ತಿದ್ದುಪಡಿ ಕಾಯ್ದೆಯ ನಿಬಂಧನೆಗಳ ಮೇಲೆ ಸುಪ್ರೀಂ ಕೋರ್ಟ್‌ನಿಂದ ತಡೆಯಾಜ್ಞೆ ಸಿಕ್ಕಿದೆ ಎಂದು ಸ್ಟಾಲಿನ್ ತಿಳಿಸಿದ್ದಾರೆ.

ಸಿಎಎ (ತಿದ್ದುಪಡಿ) ವಿರುದ್ಧ ನಿಜವಾದ ಸ್ನೇಹ ಮನೋಭಾವದಿಂದ ಹೋರಾಡಿದ್ದು ಡಿಎಂಕೆ ಪಕ್ಷ ಎಂದು ಸ್ಟಾಲಿನ್​ ಹೇಳಿದ್ದಾರೆ. ಎಐಎಡಿಎಂಕೆ ಆಳ್ವಿಕೆಯಲ್ಲಿ ಕಾನೂನಿನ ವಿರುದ್ಧದ ಪ್ರತಿಭಟನೆಗಳ ಸಂದರ್ಭದಲ್ಲಿ ಮುಸ್ಲಿಮರ ಮೇಲೆ ಲಾಠಿ ಚಾರ್ಜ್ ಮಾಡಲಾಯಿತು ಎಂದು ಸ್ಟಾಲಿನ್​ ಆರೋಪಿಸಿದ್ದಾರೆ. ಅಲ್ಲದೆ, ಸಿಎಎ ವಿರುದ್ಧ ಪ್ರತಿಭಟಿಸಿದ್ದಕ್ಕಾಗಿ ಮುಸ್ಲಿಮರ ಮೇಲೆ ಲಾಠಿ ಚಾರ್ಜ್ ಮಾಡಲಾಯಿತು ಎಂಬುದು ನಿಮಗೆ ಚೆನ್ನಾಗಿ ತಿಳಿದಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಬಿಜೆಪಿ ಪಕ್ಷದ ಮೇಲೆ ಮತಗಳ್ಳತನ ಆರೋಪ! ಸಹಿಸಂಗ್ರಹ ಅಭಿಯಾನಕ್ಕೆ ಕಾಂಗ್ರೆಸ್ ಚಾಲನೆ

ಕೇಂದ್ರವು ತ್ರಿವಳಿ ತಲಾಖ್ ಕಾನೂನನ್ನು (ಮುಸ್ಲಿಂ ಮಹಿಳೆಯರು - ವಿವಾಹದ ಹಕ್ಕುಗಳ ರಕ್ಷಣೆ - ಕಾಯ್ದೆ, 2019) ತಂದಾಗ ಎಐಎಡಿಎಂಕೆ ಅಳವಡಿಸಿಕೊಂಡ ದ್ವಿಮುಖ ನೀತಿಗಳ ಬಗ್ಗೆ ಎಲ್ಲರಿಗೂ ತಿಳಿದಿದೆ. ಇದಕ್ಕಾಗಿಯೇ ಅನ್ವರ್ ರಾಜಾರಂತಹ ನಾಯಕರು ಎಐಎಡಿಎಂಕೆಗೆ ದ್ರೋಹ ಬಗೆದು ಡಿಎಂಕೆ ಸೇರಿದರು ಸ್ಟಾಲಿನ್ ಆರೋಪಿಸಿದ್ದಾರೆ.

ಗಾಜಾ ಮೇಲೆ ಕ್ರಮ ಕೈಗೊಳ್ಳಲು ಕೇಂದ್ರಕ್ಕೆ ಸ್ಟಾಲಿನ್​ ಒತ್ತಾಯ

ಗಾಜಾದಲ್ಲಿನ ಪರಿಸ್ಥಿತಿಯ ಬಗ್ಗೆ ದುಃಖ ವ್ಯಕ್ತಪಡಿಸಿದ ಸ್ಟಾಲಿನ್, ಕೇಂದ್ರವು ದೃಢವಾಗಿ ಕಾರ್ಯನಿರ್ವಹಿಸುವಂತೆ ಒತ್ತಾಯಿಸಿದರು. ಪ್ಯಾಲೆಸ್ಟೀನಿಯನ್ನರು ಎದುರಿಸುತ್ತಿರುವ ದೌರ್ಜನ್ಯಗಳಿಗೆ ತಕ್ಷಣ ಅಂತ್ಯ ಹಾಡಬೇಕು ಮತ್ತು ಕೇಂದ್ರ ಸರ್ಕಾರವು ಈ ನಿಟ್ಟಿನಲ್ಲಿ ದೃಢ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಹೇಳಿದ್ದಾರೆ. ಅಲ್ಲದೆ, ಯಾವಾಗಲೂ, ಡಿಎಂಕೆ ನಿಮ್ಮಲ್ಲಿ ಒಂದಾಗಿರುತ್ತದೆ. ಡಿಎಂಕೆ ಯಾವಾಗಲೂ ಮುಸ್ಲಿಂ ಜನರ ಹಕ್ಕುಗಳನ್ನು ರಕ್ಷಿಸುತ್ತದೆ ಮತ್ತು ಮುಸ್ಲಿಂ ಜನರ ಹಕ್ಕುಗಳನ್ನು ಸುರಕ್ಷಿತಗೊಳಿಸುತ್ತದೆ ಎಂದು ಭರವಸೆ ನೀಡಿದ್ದಾರೆ.

ಈ ಬಗ್ಗೆ ಎಕ್ಸ್​ನಲ್ಲಿ ಪೋಸ್ಟ್​ ಮಾಡಿದ್ದ ಸ್ಟಾಲಿನ್, ನಾನು ಪ್ರವಾದಿ ಮುಹಮ್ಮದ್​ರ1500 ನೇ ಜನ್ಮ ದಿನಾಚರಣೆಯಲ್ಲಿ ಭಾಗವಹಿಸಿ ಪ್ರೀತಿ ಪ್ರಪಂಚದಾದ್ಯಂತ ಹರಡಬೇಕು ಮತ್ತು ಶಾಂತಿ ನೆಲೆಸಬೇಕು ಎಂಬ ಭಾವನೆಯನ್ನು ವ್ಯಕ್ತಪಡಿಸಿದೆ. ಅಲ್ಪಸಂಖ್ಯಾತರು ಕಷ್ಟಗಳನ್ನು ಎದುರಿಸಿದಾಗಲೆಲ್ಲಾ, ದ್ರಾವಿಡ ಮುನ್ನೇತ್ರ ಕಳಗಂ ಯಾವಾಗಲೂ ಅವರ ಗುರಾಣಿಯಾಗಿ ನಿಲ್ಲುತ್ತದೆ ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/congresss-mentality-has-harmed-the-northeastern-states-pm-modi-lashes-out