ರೂ. 488ರ ಷೇರಿಗೆ ರೂ. 118 ಲಾಭಾಂಶ ಸಿಗಲು ಸಾಧ್ಯವೇ?: ಬೃಹತ್​ ಡಿವಿಡೆಂಡ್​ ಘೋಷಿಸುತ್ತಿದ್ದಂತೆಯೇ ಸ್ಟಾಕ್​ ಬೆಲೆ ಗಗನಕ್ಕೆ ಜಿಗಿತ

ಮುಂಬೈ: ಆಸ್ಪತ್ರೆ ಉದ್ಯಮಕ್ಕೆ ಸಂಬಂಧಿಸಿದ ಎಸ್ಟರ್ ಡಿಎಂ ಹೆಲ್ತ್‌ಕೇರ್ (Aster DM Healthcare) ಕಂಪನಿಯು ತನ್ನ ಹೂಡಿಕೆದಾರರಿಗೆ ದೊಡ್ಡ ಉಡುಗೊರೆಯನ್ನು ಘೋಷಿಸಿದೆ. ತನ್ನ ಹೂಡಿಕೆದಾರರಿಗೆ ಪ್ರತಿ ಷೇರಿನ ಮೇಲೆ 118 ರೂಪಾಯಿಯ ವಿಶೇಷ ಲಾಭಾಂಶವನ್ನು ಕಂಪನಿ ನೀಡುತ್ತದೆ. ಇದಕ್ಕಾಗಿ ದಾಖಲೆ ದಿನಾಂಕವನ್ನು ಏಪ್ರಿಲ್ 23, 2024 ಎಂದು ನಿಗದಿಪಡಿಸಲಾಗಿದೆ.

ಶುಕ್ರವಾರದಂದು ಕಂಪನಿಯ ಷೇರುಗಳ ಬೆಲೆ 488.20 ರೂ. ತಲುಪಿದವು. ಕಳೆದ ಒಂದು ತಿಂಗಳಲ್ಲಿ ಷೇರುಗಳ ಬೆಲೆ 18% ಹೆಚ್ಚಾಗಿದೆ.

30 ದಿನಗಳೊಳಗೆ ವಿಶೇಷ ಲಾಭಾಂಶವನ್ನು ಪಾವತಿಸಲಾಗುವುದು ಎಂದು ಆಸ್ಟರ್ ಡಿಎಂ ಹೆಲ್ತ್‌ಕೇರ್ ಕಂಪನಿಯ ನಿರ್ದೇಶಕರ ಮಂಡಳಿಯು ಷೇರು ಮಾರುಕಟ್ಟೆಗೆ ತಿಳಿಸಿದೆ.

ಕಂಪನಿಯು ಲಾಭಾಂಶವನ್ನು ಘೋಷಿಸಿದ ದಿನಾಂಕದಿಂದ 30 ದಿನಗಳಲ್ಲಿ ವಿಶೇಷ ಲಾಭಾಂಶವನ್ನು ಪಾವತಿಸುತ್ತದೆ. ಪ್ರಸ್ತುತ, 2023-24 ರ ಹಣಕಾಸು ವರ್ಷಕ್ಕೆ ಮಧ್ಯಂತರ ಲಾಭಾಂಶವನ್ನು ಘೋಷಿಸದಿರಲು ಮಂಡಳಿಯು ನಿರ್ಧರಿಸಿದೆ.

2023-24ರ ಆರ್ಥಿಕ ವರ್ಷದ ಲೆಕ್ಕಪರಿಶೋಧಕ ಹಣಕಾಸು ಫಲಿತಾಂಶಗಳನ್ನು ಅನುಮೋದಿಸುವ ಮಂಡಳಿಯ ಸಭೆಯಲ್ಲಿ ಕಂಪನಿಯ ಮಂಡಳಿಯು ಅಂತಿಮ ಲಾಭಾಂಶವನ್ನು ಘೋಷಿಸಬಹುದು.

ಕಂಪನಿಯ ಷೇರುಗಳ ಬೆಲೆ 1 ವರ್ಷದಲ್ಲಿ 95% ಏರಿಕೆಯಾಗಿದೆ. ಕಂಪನಿಯ ಷೇರುಗಳ ಬೆಲೆ 13 ಏಪ್ರಿಲ್ 2023 ರಂದು ರೂ 249.45 ರಷ್ಟಿತ್ತು, ಇದು 12 ಏಪ್ರಿಲ್ 2024 ರಂದು ರೂ 488.20 ಕ್ಕೆ ತಲುಪಿದೆ. ಕಳೆದ 4 ವರ್ಷಗಳಲ್ಲಿ ಷೇರುಗಳ ಬೆಲೆಯಲ್ಲಿ 381% ರಷ್ಟು ತೀವ್ರ ಏರಿಕೆ ಕಂಡುಬಂದಿದೆ. ಈ ಷೇರುಗಳ 52 ವಾರಗಳ ಗರಿಷ್ಠ ಬೆಲೆ 500.60 ರೂ. ಹಾಗೂ ಕನಿಷ್ಠ ಬೆಲೆ 238.90 ರೂ. ಇದೆ.

https://www.vijayavani.net/no-fii-short-position-investors-in-the-stock-market-should-fear-now-what-do-experts-say

https://www.vijayavani.net/countrys-largest-it-company-tcs-up-9-in-profit-declares-dividend-of-rs-45-per-share

https://www.vijayavani.net/zomato-stock-rises-continuously-for-6-days-rs-brokerage-says-it-will-reach-260