ಮುಂಬೈ: ಆನ್ಲೈನ್ ಆಹಾರ ವಿತರಣಾ ಕಂಪನಿಯಾದ ಜೊಮಾಟೊ ಷೇರು ಬೆಲೆ ಏರಿಕೆಯಾಗುತ್ತಲೇ ಇದೆ. ಶುಕ್ರವಾರ ಬಿಎಸ್ಇಯಲ್ಲಿ ಜೊಮಾಟೊ ಷೇರುಗಳ ಬೆಲೆ 1.49% ರಷ್ಟು ಏರಿಕೆ ಕಂಡು ಹೊಸ ದಾಖಲೆಯ ಗರಿಷ್ಠ ಬೆಲೆಯಾದ ರೂ. 199.75ಕ್ಕೆ ತಲುಪಿದೆ. ಸತತ ಆರನೇ ವಹಿವಾಟಿನ ದಿನದಲ್ಲಿ ಜೊಮಾಟೊ ಷೇರುಗಳ ಬೆಲೆ ಏರಿಕೆಯಾಗಿದೆ.
ಇದೇ ಸಮಯದಲ್ಲಿ, ಷೇರುಗಳ ಬಗ್ಗೆ ತಜ್ಞರು ಸಹ ಬುಲ್ಲಿಷ್ ಆಗಿದ್ದಾರೆ. ಜೆಎಂ ಫೈನಾನ್ಶಿಯಲ್ ಬ್ರೋಕರೇಜ್ ಸಂಸ್ಥೆಯ ಅಂದಾಜಿನ ಪ್ರಕಾರ ಷೇರುಗಳ ಬೆಲೆ 32% ಕ್ಕಿಂತ ಹೆಚ್ಚು ಏರಿಕೆಯಾಗಬಹುದು.
ಜೆಎಂ ಫೈನಾನ್ಶಿಯಲ್ ಬ್ರೋಕರೇಜ್ ಸಂಸ್ಥೆಯು ಜೊಮಾಟೊ ಸ್ಟಾಕ್ನಲ್ಲಿ ‘ಖರೀದಿ’ ರೇಟಿಂಗ್ ನೀಡಿದೆ. ಇದರ ಗುರಿ ಬೆಲೆಯನ್ನು ಹಿಂದಿನ ರೂ. 200 ರಿಂದ ಪ್ರತಿ ಷೇರಿಗೆ ರೂ. 260 ಕ್ಕೆ ಹೆಚ್ಚಿಸಿದೆ. ಷೇರಿನ ಬೆಲೆಯು ಮೂರು ವರ್ಷಗಳಲ್ಲಿ ರೂ. 400 ಕ್ಕೆ ಏರುತ್ತದೆ ಎಂದು ಅಂದಾಜಿಸಿದೆ.
ಹೈಪರ್ಲೋಕಲ್ ವಿತರಣಾ ವ್ಯವಹಾರಗಳಲ್ಲಿ ಕಂಪನಿಯು ಪ್ರಬಲವಾಗಿದೆ ಎಂದು ಬ್ರೋಕರೇಜ್ ನಂಬುತ್ತದೆ. ಡಿಸೆಂಬರ್ 2023ರ ಹೊತ್ತಿಗೆ ಇದರ ಬ್ಯಾಲೆನ್ಸ್ ಶೀಟ್ ರೂ. 12,000 ಕೋಟಿ ನಗದು ಜೊತೆಗೆ ದೃಢವಾಗಿ ಉಳಿದಿದೆ.
ಒಂದು ತಿಂಗಳಲ್ಲಿ ಜೊಮಾಟೊ ಷೇರುಗಳ ಬೆಲೆ 27% ಕ್ಕಿಂತ ಹೆಚ್ಚಳವಾಗಿದೆ. ಇದೇ ಸಮಯದಲ್ಲಿ, ಇದು ಈ ವರ್ಷ ಇಲ್ಲಿಯವರೆಗೆ 61% ಕ್ಕಿಂತ ಹೆಚ್ಚಿನ ಆದಾಯ ನೀಡಿದೆ. ಕಳೆದ ಒಂದು ವರ್ಷದಲ್ಲಿ ಜೊಮಾಟೊ ಷೇರುಗಳ ಬೆಲೆ ಶೇ. 274ಕ್ಕಿಂತ ಹೆಚ್ಚು ಏರಿಕೆಯಾಗಿದೆ. ಇದರ ಐಪಿಒ 2021 ರಲ್ಲಿ ಬಂದಿತ್ತು. ಜೊಮಾಟೊ ಷೇರುಗಳ ಐಪಿಒ ಬೆಲೆ 76 ರೂ. ಆಗಿತ್ತು.
ಬ್ಯಾಂಕ್ ಷೇರು 1518 ರಿಂದ 2000 ರೂಪಾಯಿಗೆ ಏರಿಕೆ ಸಾಧ್ಯತೆ: ಖರೀದಿಗೆ 39 ತಜ್ಞರ ಸಲಹೆ
ಷೇರು ಸೂಚ್ಯಂಕ ಒಂದು ಲಕ್ಷದತ್ತ ಸಾಗುವ ಮೊದಲೇ ಖರೀದಿಸಬಹುದಾದ 10 ಪ್ರಮುಖ ಸ್ಟಾಕ್ಗಳ ಪಟ್ಟಿ ಇಲ್ಲಿದೆ…
3 ವರ್ಷಗಳಲ್ಲಿ 1 ಲಕ್ಷವಾಯ್ತು 2.92 ಕೋಟಿ: 3 ರೂಪಾಯಿಯ ಷೇರು ಹೂಡಿಕೆದಾರರ ಅದೃಷ್ಟವನ್ನೇ ಬದಲಾಯಿಸಿತು…