ಗಾಂಧಿ ವೃತ್ತ ಅಭಿವೃದ್ಧಿಗೆ ₹1.50 ಕೋಟಿ

ಮಾಗಡಿ: ಪಟ್ಟಣದಲ್ಲಿನ ಗಾಂಧಿ ವೃತ್ತವನ್ನು 1.50 ಕೋಟಿ ರೂ. ವೆಚ್ಚದಲ್ಲಿ ಅಭಿವೃದ್ಧಿಪಡಿಸಿ, 36 ಲ ರೂ. ವೆಚ್ಚದ ನಿಂತಿರುವ ಭಂಗಿಯ ಪ್ರತಿಮೆಯನ್ನು ಪ್ರತಿಷ್ಠಾಪಿಸಲಾಗುವುದು ಎಂದು ಶಾಸಕ ಎಚ್​.ಸಿ.ಬಾಲಕೃಷ್ಣ ತಿಳಿಸಿದರು.

ಇಲ್ಲಿನ ಪುರಸಭೆಯಲ್ಲಿ ಹಮ್ಮಿಕೊಂಡಿದ್ದ ಸಾಮಾನ್ಯ ಸಭೆಯಲ್ಲಿ ಮಾತನಾಡಿದ ಅವರು, ಪಟ್ಟಣದ ಹೊಸಪೇಟೆ ವೃತ್ತದ ಅಭಿವೃದ್ಧಿಗೂ ಒತ್ತು ನೀಡಲಾಗಿದ್ದು, ಈ ವೃತ್ತಕ್ಕೂ ಸಾಧಕರ ಹೆಸರಿಡಲಾಗುವುದು. ತಿರುಮಲೆ ಶ್ರೀನಿವಾಸಸ್ವಾಮಿ ವೃತ್ತದಲ್ಲಿ ಮಾಂಡವ್ಯ ಮಹರ್ಷಿಗಳ ಪ್ರತಿಮೆ ಸ್ಥಾಪಿಸಿ, ಪುರಸಭೆ ಆವರಣದಲ್ಲಿರುವ ಕೆಂಪೇಗೌಡ ಪ್ರತಿಮೆಯನ್ನು ನಿಯಮಾನುಸಾರ ಬದಲಾವಣೆ ಮಾಡಲಾಗುವುದು. ಇದರಲ್ಲಿ ಯಾವುದೇ ಗೊಂದಲಕ್ಕೆ ಅವಕಾಶವಿಲ್ಲ, ಈ ಸಂಬಂಧ ಮುಂಜಾಗ್ರತಾ ಕ್ರಮದಿಂದ ನೋಟಿಸ್​ ಬೋರ್ಡ್​ನಲ್ಲಿ ಪ್ರಕಟಣೆಗೆ ಅಧಿಕಾರಿಗಳಿಗೆ ತಿಳಿಸಲಾಗಿದೆ.

ನಮಗೂ ಕೆಂಪೇಗೌಡರ ಮೇಲೆ ಅಭಿಮಾನವಿದೆ. ಈ ವಿಚಾರವಾಗಿ ಮತ್ತೊಮ್ಮೆ ಸಭೆ ಕರೆದು ಸೂಕ್ತ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಶಾಸಕರು ಹೇಳಿದರು. ಈ ವೇಳೆ ಯಾವುದೇ ದುರ್ಟನೆಗೆ ಅವಕಾಶ ಬೇಡ. ಎಲ್ಲರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಪ್ರತಿಮೆ ಸ್ಥಳಾಂತರಗೊಳಿಸಬೇಕು ಎಂದು ಸದಸ್ಯ ಎಂ.ಎನ್​.ಮಂಜುನಾಥ್​ ಸಲಹೆ ನೀಡಿದರು. ಹಾಗೆಯೇ ಅಗ್ನಿಬನ್ನಿಗರಾಯಸ್ವಾಮಿ, ಡಾ.ಸಿದ್ದಲಿಂಗಯ್ಯ, ಎಚ್​.ಎಂ.ರೇವಣ್ಣ ಅವರ ಹೆಸರನ್ನು ಒಂದೊಂದು ವೃತ್ತಕ್ಕೆ ನಾಮಕರಣ ಮಾಡಲು ಮನವಿ ಮಾಡಿದರು. ಆಗ ಬಾಲಕೃಷ್ಣ ಉದ್ಯಾನವನ್ನು 5 ಕೋಟಿ ರೂ. ವೆಚ್ಚದಲ್ಲಿ ಅಭಿವೃದ್ಧಿ ಗೊಳಿಸಲಾಗುತ್ತಿದ್ದು, ಈ ಉದ್ಯಾನವನಕ್ಕೆ ಇಟ್ಟಿರುವ ನನ್ನ ಹೆಸರನ್ನು ತೆಗೆದು ಬೇರೆ ಗಣ್ಯರ ಹೆಸರಿಡಲು ಶಾಸಕರು ಸೂಚಿಸಿದರು.

ಸದಸ್ಯರಾದ ಎಚ್​.ಜೆ.ಪುರುಶೋತ್ತಮ್​, ಹೇಮಲತಾ, ನಾಗರತ್ನಮ್ಮ, ಕಾಂತರಾಜು, ರಾಮು, ಅನಿಲ್​ಕುಮಾರ್​, ಜಯರಾಮ್​, ರೇಖಾ, ಭಾಗ್ಯಮ್ಮ, ವಿಜಯಲ್ಮ, ಶಿವರುದ್ರಮ್ಮ, ಮಮತಾ, ಇಂಜಿನಿಯರ್​ ಪ್ರಶಾಂತ್​, ಲೆಕ್ಕಾಧಿಕಾರಿ ನಾಗೇಂದ್ರ, ನಾಗರಾಜು, ಮೋಹನ್​, ಜಯಶ್ರೀ ಇದ್ದರು.

ನೀರಿನ ಸಮಸ್ಯೆ ನಿವಾರಣೆಗಿಂತ ಖರ್ಚು ಜಾಸ್ತಿ ಪಟ್ಟಣದಲ್ಲಿ 6 ಸಾವಿರ ನೀರಿನ ಸಂಪರ್ಕಗಳಿವೆ. 9 ಸಾವಿರ ಖಾತೆದಾರರಿದ್ದು, ಕುಡಿಯುವ ನೀರಿನ ಸಮಸ್ಯೆಗಳು ತಪ್ಪಿಲ್ಲ. ಆದರೂ ಮೋಟರ್​ ಪಂಪ್​ ರಿಪೇರಿಗೆ ಲಾಂತರ ರೂ. ಹಣವನ್ನು ಹೊಳೆಯಂತೆ ಖರ್ಚು ಮಾಡಲಾಗುತ್ತಿದೆ. ಅಧಿಕಾರಿಗಳ ರ್ನಿಲಕ್ಷ$್ಯದಿಂದ ನೀರಿನ ತೆರಿಗೆ ವಸೂಲಿಯೂ ಆಗುತ್ತಿಲ್ಲ, ಟ್ರೇಡ್​ ಲೈಸೆನ್ಸ್​ ಕೊಡುತ್ತಿಲ್ಲ, ಹೀಗಾದರೆ ಪುರಸಭೆ ವಾರ್ಡ್​ಗಳ ಅಭಿವೃದ್ಧಿಗೆ ಎಲ್ಲಿಂದ ಹಣ ಕ್ರೋಡಿಕರಣಗೊಳಿಸುವುದು ? ಎಂದು ಸದಸ್ಯ ಎಂ.ಎನ್​.ಮಂಜುನಾಥ್​ ಶಾಸಕರನ್ನು ಪ್ರಶ್ನಿಸಿದರು. ಸದಸ್ಯ ರಂಗಹನುಮಯ್ಯ, ಆಶ್ವತ್ಥ ಧ್ವನಿಗೂಡಿಸಿದರು. ನೀರಿನ ಪೈಪ್​ಲೈನ್​ ಟೆಂಡರ್​ ಕೊಟ್ಟ ಮೇಲೆ ಆ ವಾರ್ಡ್​ನ ಸದಸ್ಯರ ಗಮನಕ್ಕೆ ತಾರದೆ ಕಾಮಗಾರಿ ನಡೆಸಿದರೇ ಹೇಗೆ? ಎಂದು ಸದಸ್ಯ ಪುರುಶೋತ್ತಮ್​ ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡು, ತಾರತಮ್ಯ ಮಾಡುವುದನ್ನು ಬಿಡಿ ಎಂದು ಅಸಮಾಧಾನ ವ್ಯಕ್ತಪಡಿಸಿದರು. ಮಧ್ಯೆ ಪ್ರವೇಶಿಸಿದ ಶಾಸಕರು, ವಾರ್ಡ್​ವಾರು ನೀರಿನ ಮತ್ತು ಯುಜಿಡಿ ತೆರಿಗೆ ವಸೂಲಿ ಮಾಡಬೇಕು. ಜತೆಗೆ ಉದ್ದಿಮೆದಾರರ ಪರವಾನಿಗೆಯನ್ನು ನವೀಕರಿಸಲು ಕ್ರಮವಹಿಸಬೇಕು ಎಂದು ಮುಖ್ಯಾಧಿಕಾರಿ ಶ್ರೀನಿವಾಸ್​ಗೆ ತಾಕೀತು ಮಾಡಿದರು. ಚರ್ಚಿತ ವಿಷಯ ದಾಖಲಾಗಲಿ ಪುರಸಭೆಯಲ್ಲಿನ ಸಭೆಗಳಲ್ಲಿ ನಾವು ಚರ್ಚಿಸಿದ ವಿಷಯಗಳ ಬಗ್ಗೆ ಅಧಿಕಾರಿಗಳು ರೆಕಾರ್ಡ್​ ಮಾಡುತ್ತಿಲ್ಲ. ಇದರಿಂದ ಯಾವ್ಯಾವ ವಿಷಯ ಚರ್ಚೆಯಾಯಿತು ಎಂಬುದೇ ಗೊತ್ತಾಗುವುದಿಲ್ಲ. ಸಭೆಯಲ್ಲಿ ಚರ್ಚೆಯಾದ ವಿಷಯಗಳನ್ನು ಕಡ್ಡಾಯವಾಗಿ ರೆಕಾರ್ಡ್​ ಮಾಡಿಸಬೇಕೆಂದು ಸದಸ್ಯ ಎಂ.ಎನ್​.ಮಂಜುನಾಥ್​ ಶಾಸಕರ ಗಮನ ಸೆಳೆದಾಗ, ಎಲ್ಲ ವಿಚಾರಗಳನ್ನು ರೆಕಾರ್ಡ್​ ಮಾಡುವಂತೆ ಅಧಿಕಾರಿಗಳಿಗೆ ಶಾಸಕರು ತಾಕೀತು ಮಾಡಿದರು. ಐಡಿಎಸ್​ಎಂಟಿ ನಿವೇಶನ ಬಹಿರಂಗ ಹರಾಜು ಪಟ್ಟಣದ ತಿರುಮಲೆಯಲ್ಲಿ ಕಳೆದ 30 ವರ್ಷಗಳ ಹಿಂದೆ ನಿರ್ಮಿಸಿರುವ ಐಡಿಎಸ್​ಎಂಟಿ ಬಡಾವಣೆಯ ಖಾಲಿ ನಿವೇಶನಗಳನ್ನು ಸರ್ಕಾರದ ನಿಯಮಾನುಸಾರ ಹರಾಜು ನಡೆಸಲು ಸಭೆಯಲ್ಲಿ ಚರ್ಚಿಸಿ ತೀರ್ಮಾನ ಕೈಗೊಳ್ಳಲಾಗಿದೆ ಎಂದು ಶಾಸಕರು ತಿಳಿಸಿದರು. ಪಟ್ಟಣದ ಕಲ್ಯಾಗೇಟ್​ ಬಳಿ ಚರಂಡಿ ನಿರ್ಮಿಸದಿರುವುದರಿಂದ ಒಳಚರಂಡಿಯ ಕಲುಷಿತ ನೀರು ಒಂದು ತಿಂಗಳಿನಿಂದ ರಸ್ತೆ ಮೇಲೆ ಹರಿಯುತ್ತಿದೆ. ಈ ಸಂಬಂಧ ದುರಸ್ತಿಗೆ ಹಲವು ಬಾರಿ ಅಧಿಕಾರಿಗೆ ಲಿಖಿತ ಮನವಿ ಮಾಡಿದರೂ ಪ್ರಯೋಜನವಾಗಿಲ್ಲ. ಪರಿಣಾಮ ಈ ಭಾಗದ ಜನ ಮೂಗು ಮುಚ್ಚಿಕೊಂಡು ಓಡಾಡುವಂತಾಗಿದೆ. ಇದರಿಂದ ವಾರ್ಡ್​ ಸದಸ್ಯನಾದ ನನಗೂ ಜನ ಹಿಡಿಶಾಪ ಹಾಕುತ್ತಿದ್ದಾರೆ ಎಂದು ಸದಸ್ಯ ಮಂಜು ಆರೋಪಿಸಿದರಲ್ಲದೇ ಗುತ್ತಿಗೆದಾರ ನಾಪತ್ತೆಯಾಗಿದ್ದಾನೆ. ಆತ ಬಂದ ನಂತರ ಕ್ರಮ ಕೈಗೊಳ್ಳಲಾಗುವುದಾಗಿ ಅಧಿಕಾರಿಗಳು ಹೇಳುತ್ತಾರೆ. ಹೀಗಾದರೆ ಹೇಗೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.