ಗಟಾರದಲ್ಲಿ ಮಳೆ ನೀರು ಸರಾಗವಾಗಿ ಹರಿಯಲೆಂದು ತುರ್ತು ಕಾಮಗಾರಿಯಡಿ ಹಿಟಾಚಿ ಬಳಸಿ ಗಟಾರದ ಕಲ್ಲು ಮಣ್ಣು ತೆಗೆದು ಪಕ್ಕದಲ್ಲೇ ಡಾಂಬರು ರಸ್ತೆಗೆ ತಾಗಿ ರಾಶಿ ಹಾಕಲಾಗಿತ್ತು. ಬಳಿಕ ಉಳಿದ ಎಲ್ಲ ಕಡೆಗಳಲ್ಲಿ ಗಟಾರದಿಂದ ತೆಗೆದ ಹೂಳನ್ನು ತೆರವುಗೊಳಿಸಿದರೂ ಜೀವ ವಿಮಾ ನಿಗಮದ ಎದುರು ಮಾತ್ರ ಹಾಗೆಯೇ ಬಿಡಲಾಗಿದೆ. ಇದರಿಂದ ರಾ. ಹೆದ್ದಾರಿಯ ಅಂಚಿಗೆ ಪಾದಚಾರಿ ಮಾರ್ಗವೇ ಇಲ್ಲದಂತಾಗಿದೆ. ವಾಹನಗಳು ಓವರ ಟೇಕ್ ಮಾಡುವ ಸಂದರ್ಭದಲ್ಲಿ ಪಾದಚಾರಿ ಮಾರ್ಗಕ್ಕೆ ಇಳಿಯುವ ವಾಹನಗಳು ಅಪಘಾತಕ್ಕೆ ಈಡಾಗುತ್ತಿವೆ. ಮುಖ್ಯವಾಗಿ ದ್ವಿಚಕ್ರ ವಾಹನ ಸವಾರರು ಹಗಲಿನಲ್ಲೂ ಬಿದ್ದು ಪೆಟ್ಟು ಮಾಡಿಕೊಳ್ಳುತ್ತಿದ್ದಾರೆ. ಸಂಬಂಧಪಟ್ಟ ಅಧಿಕಾರಿಗಳು ಇದನ್ನೆಲ್ಲ ಪ್ರತಿನಿತ್ಯ ನೋಡಿಕೊಂಡು ತಿರುಗುತ್ತಿದ್ದರೂ ಸ್ವಚ್ಛಗೊಳಿಸುವ ಪ್ರಯತ್ನ ಮಾಡಿಲ್ಲ.
