ಹರನಗಿರಿ ಗ್ರಾಪಂನಲ್ಲಿ ಅವ್ಯವಹಾರ?

ರಾಣೆಬೆನ್ನೂರ: ತಾಲೂಕಿನ ಹರನಗಿರಿ ಗ್ರಾಮದಲ್ಲಿ ಘನತ್ಯಾಜ್ಯ ಘಟಕ ನಿರ್ವಣದ ಸ್ಥಳಕ್ಕಾಗಿ ಗ್ರಾಮಸ್ಥರ ನಡುವೆ ಜಟಾಪಟಿ ಶುರುವಾಗಿದೆ. ಆದರೆ, ಅಚ್ಚರಿ ಎಂದರೆ ಕಾಮಗಾರಿ ಮಾಡುವ ಮುನ್ನವೇ ಗ್ರಾಪಂ ಪಿಡಿಒ ನರೇಗಾ ಕಾರ್ವಿುಕರ ಹೆಸರಿನಲ್ಲಿ ಸಂಪೂರ್ಣ ಹಣ ಡ್ರಾ ಮಾಡಿಕೊಂಡಿದ್ದಾರೆ ಎನ್ನುವ ಆರೋಪ ಕೇಳಿಬಂದಿದೆ.

ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ ಸೂಚನೆ ಮೇರೆಗೆ ಕಳೆದ ಜೂನ್ ತಿಂಗಳಲ್ಲಿ ಗ್ರಾಪಂ ವತಿಯಿಂದ ಮಹಾತ್ಮಗಾಂಧಿ ಉದ್ಯೋಗ ಖಾತ್ರಿ ಯೋಜನೆಯಡಿ 44,500 ರೂಪಾಯಿ ವೆಚ್ಚದಲ್ಲಿ ಗ್ರಾಮದಲ್ಲಿ ಘನತ್ಯಾಜ್ಯ ಘಟಕ ನಿರ್ವಣಕ್ಕೆ ಸ್ಥಳ ಗುರು ತಿಸಲಾಗಿತ್ತು. ಆದರೆ, ಗ್ರಾಪಂ ಗುರುತಿಸಿದ ಜಾಗದ ಅಕ್ಕಪಕ್ಕದ ಕೆಲವರು ‘ಘನತ್ಯಾಜ್ಯ ಘಟಕ ದಿಂದ ದುರ್ವಾಸನೆ ಬರುತ್ತದೆ. ಇಲ್ಲಿ ಮಾಡಬೇಡಿ’ ಎಂದು ತರಕಾರು ಅರ್ಜಿ ಸಲ್ಲಿಸಿದ್ದರು. ಇದರಿಂದಾಗಿ ಘಟಕ ನಿರ್ಮಾಣ ಕಾರ್ಯವನ್ನು ಕೈ ಬಿಡಲಾಗಿತ್ತು. ಆದರೆ, ಗ್ರಾಪಂ ಪಿಡಿಒ ಘನತ್ಯಾಜ್ಯ ಘಟಕ ಕಾಮಗಾರಿ ಮಾಡಲಾಗಿದೆ ಎಂದು ಹೇಳಿ, ಸರ್ಕಾರದಿಂದ ಬಂದ ಹಣವನ್ನು ಕಾರ್ವಿುಕರ ಖಾತೆಗೆ ವರ್ಗಾಯಿಸಿದ್ದಾರೆಂಬ ಆರೋಪ ಕೇಳಿ ಬಂದಿದೆ.

ಕೂಲಿ ಕಾರ್ವಿುಕರ ಖಾತೆಗೆ ಹಣ: ಗ್ರಾಮ ದಲ್ಲಿ ಘನತ್ಯಾಜ್ಯ ಘಟಕ ನಿರ್ವಿುಸದಿದ್ದರೂ 21 ಜನ ನರೇಗಾ ಕೂಲಿ ಕಾರ್ವಿುಕರ ಖಾತೆಗೆ ಹಣ ಜಮೆ ಮಾಡಲಾಗಿದೆ. 21 ಜನ ತಲಾ ಏಳು ದಿನ ಹಾಗೂ ಒಟ್ಟು 154 ಮಾನವ ದಿನಗೂಲಿ ಹೆಸರಲ್ಲಿ ಹಣ ವರ್ಗಾವಣೆ ಮಾಡಲಾಗಿದೆ. ಅಲ್ಲದೆ, ಕಾರ್ವಿುಕರ ಖಾತೆಗೆ ಜಮಾ ಆಗಿರುವ ಹಣವನ್ನು ವಾಪಸ್ ವಸೂಲಿ ಮಾಡಿದ್ದಾರೆ ಎಂಬ ಆರೋಪವೂ ಕೇಳಿ ಬಂದಿದೆ.

ನರೇಗಾದಡಿ ಯಾವುದೇ ಕಾಮಗಾರಿ ಮಾಡಿದರೂ ಅದರ ಹಣ ಡ್ರಾ ಮಾಡಿಕೊಳ್ಳಬೇಕಾದರೆ ಜಿಪಿಎಸ್ ಮಾಡಬೇಕು. ಕೂಲಿ ಕಾರ್ವಿುಕರಿಂದ ಎನ್​ಎಂಆರ್​ಗೆ ಸಹಿ ಮಾಡಿಸಿಕೊಳ್ಳಬೇಕು. ಕಾಮಗಾರಿಯ ಅಂದಾಜು ವೆಚ್ಚವನ್ನು ಸಿದ್ಧಪಡಿಸಿಕೊಳ್ಳಬೇಕು. ಇಷ್ಟೆಲ್ಲ ದಾಖಲಾತಿ ಮಾಡಿದಾಗ ಮಾತ್ರ ನರೇಗಾ ಹಣ ಕೂಲಿ ಕಾರ್ವಿುಕರ ಖಾತೆಗೆ ಜಮಾ ಆಗಲಿದೆ.

ಆದರೆ, ಹರನಗಿರಿ ಗ್ರಾಪಂನಲ್ಲಿ ಘನತ್ಯಾಜ್ಯ ಘಟಕ ನಿರ್ವಿುಸದೇ ಸರ್ಕಾರದಿಂದ ಹಣ ಡ್ರಾ ಮಾಡಿಕೊಂಡಿರುವುದು ಹಲವು ಅನುಮಾನಕ್ಕೆ ಎಡೆಮಾಡಿಕೊಟ್ಟಿದೆ. ಈ ಕುರಿತು ಗ್ರಾಪಂ ಪಿಡಿಒ ರಂಗಪ್ಪ ಕೊರಕಲಿ ಅವರನ್ನು ವಿಚಾರಿಸಿದಾಗ, ‘ಜಾಗದ ಸಮಸ್ಯೆ ಬಗೆಹರಿದಿದೆ. ಈಗ ಕಾಮಗಾರಿ ಮಾಡುತ್ತೇವೆ’ ಎಂದು ಸಮಜಾಯಿಷಿ ನೀಡಿದ್ದಾರೆ. ಆದರೆ, ಹಣ ಡ್ರಾ ಮಾಡಿಕೊಂಡ ಬಗ್ಗೆ ಮಾಹಿತಿ ನೀಡಲು ನಿರಾಕರಿಸಿದರು.