ಲಾಕ್ಡೌನ್ ಕಾರಣಕ್ಕೆ ವ್ಯಾಪಾರ- ವಹಿವಾಟು ಸ್ಥಗಿತಗೊಂಡ ಕಾರಣ ಬನವಾಸಿಯ ವಿವಿಧ ಭಾಗದಲ್ಲಿ ಬೆಳೆದ ಅಂದಾಜು 20 ಸಾವಿರ ಟನ್ಗಳಷ್ಟು ಅನಾನಸ್ಗೆ ಮಾರುಕಟ್ಟೆ ಇಲ್ಲದೆ ಬೆಳೆಗಾರರು ಕಂಗಾಲಾಗಿದ್ದರು. ವ್ಯವಸಾಯಕ್ಕೆ ಹಾಕಿದ ಬಂಡವಾಳ ಕೂಡ ಸಿಗದೆ ಹಣ್ಣುಗಳು ಕೊಳೆತು ಹೋಗುವ ವಾತಾವರಣ ನಿರ್ವಣವಾಗಿತ್ತು. ಆದರೆ, ಈಗ ಅದನ್ನು ಖರೀದಿಸಲು ಸ್ವಯಂ ಸೇವಾ ಸಂಸ್ಥೆಗಳು ಮುಂದೆ ಬಂದಿದ್ದು, ಆರಂಭದ ದಿನವೇ 500 ಟನ್ಗಳಷ್ಟು ಅನಾನಸ್ ಹಣ್ಣು ಖರೀದಿಸಲಾಗಿದೆ. ‘ನೋ ಪ್ರಾಫಿಟ್, ನೋ ಲಾಸ್’ ಸ್ಕೀಮ್ ಅಡಿ ಬೆಂಗಳೂರಿನ ಸ್ವಯಂ ಸೇವಾ ಸಂಸ್ಥೆಯೊಂದು ಅಂದಾಜು 250 ಟನ್ ಅನಾನಸ್ ಖರೀದಿಸಿದೆ. ಜತೆಗೆ ಸ್ಥಳೀಯ ತಾರಗೋಡಿನ ಮಧುಮಿತ್ರ ಹಾಗೂ ಅಂಗಡಿಯ ಮಧುಕೇಶ್ವರ ರೈತಮಿತ್ರ ಸಂಘಗಳು ಶೇ.5ರಷ್ಟು ಅನಾನಸ್ ಹಾಗೂ ಕಲ್ಲಂಗಡಿ ಹಣ್ಣುಗಳನ್ನು ಖರೀದಿಸಿವೆ. ನಗರದಲ್ಲಿರುವ ಕದಂಬ ಸೌಹಾರ್ದ ಕೂಡ ನಿತ್ಯ 3 ಟನ್ ಬಾಳೆ ಹಾಗೂ ಕೆಲ ಪ್ರಮಾಣದ ಶುಂಠಿಯನ್ನು ಖರೀದಿಸುತ್ತಿದೆ.
