ಆದರೆ, ವರದಿಯ ಮುಂದುವರಿದ ಭಾಗವಾಗಿ ಗ್ರಾಮದಲ್ಲಿ ಲಕ್ಷಾಂತರ ರೂಪಾಯಿ ಖರ್ಚು ಮಾಡಿ ನಿರ್ಮಿಸಿದ ಉದ್ಯಾನ ಸಹ ಹಾಳಾಗಿದ್ದು ಕಳಪೆ ಕಾಮಗಾರಿಗೆ ಕೈಗನ್ನಡಿಯಾಗಿದೆ. ನೆಲಹಾಸು ಕಿತ್ತು ಹೋಗಿದ್ದು, ಮುಳುಕಂಟಿಗಳಿಂದ ಆವೃತವಾದ ಉದ್ಯಾನ ಸ್ಮಶಾನ ಸದೃಶವಾಗಿ ಗೋಚರಿಸುತ್ತಿದೆ. ಈ ಬಗ್ಗೆ ಪ್ರತಿಕ್ರಿಯೆ ಕೇಳಿದಾಕ್ಷಣ ಕೆಂಡಾಮಂಡಲಗೊಂಡ ಪಿಡಿಒ ವಿರೂಪಾಕ್ಷಿ ನಾಡಗೌಡರು ಒಂದೇ ಸಮ ಅಬ್ಬರಿಸಿದರಲ್ಲದೇ ದೂರು ಕೊಟ್ಟವನು ಯಾವನು? ಎಂದು ಒಂದೇ ಸಮ ಪ್ರಶ್ನಿಸತೊಡಗಿದರು. ಯಾರಾದರೂ ಯಾಕೆ ದೂರು ದೂರು ಕೊಡಬೇಕು, ಅಗತ್ಯವಿದ್ದರೆ ಪ್ರತಿಕ್ರಿಯೆ ನೀಡಬಹುದು ಇಲ್ಲದೇ ಹೋದರೆ ಸಂಬಂಧಿಸಿದ ಹಿರಿಯ ಅಧಿಕಾರಿಗಳಿಂದ ಪಡೆಯಲಾಗುವುದು ಎಂದರೂ ಪಿಡಿಒ ಮಾತ್ರ ಸಿಟ್ಟು ತಣ್ಣಗಾಗಿಸಿಕೊಳ್ಳಲಿಲ್ಲ.
