ಜಿಲ್ಲಾಧಿಕಾರಿ ಪಿ.ಸುನೀಲಕುಮಾರ ಮಾತನಾಡಿ, ಸಾಮಾಜಿಕ ಪಿಡುಗುಗಳು ನಮ್ಮನ್ನು ಇಂದಿಗೂ ಕಾಡುತ್ತೀವೆ. ಲಿಂಗತ್ವ ಅಲ್ಪಸಂಖ್ಯಾತರನ್ನು ಸ್ವಂತ ಕುಟುಂಬ, ಊರು, ಸಂಬಂಧಿಕರು ವಿರೋಧಿಸುತ್ತಾರೆ. ಗ್ರಾಮದಲ್ಲಿ ಸರ್ಕಾರದಿಂದ ಮನೆ ಮಂಜೂರು ಮಾಡಲು ಅಡ್ಡಿ ಪಡಿಸುವ ಸನ್ನಿವೇಶ ನೋಡಿದ್ದೇವೆ. ಇದು ಆಗಬಾರದು. ಅವರಿಗೂ ಬದುಕುವ ಹಕ್ಕು ಇದೆ. ಎಲ್ಲ ರೀತಿಯ ಅವಕಾಶ ನೀಡಬೇಕು. ನಗರ, ಗ್ರಾಮೀಣ ಪ್ರದೇಶದಲ್ಲಿ ವಾಸ ಮಾಡುವ ಲಿಂಗತ್ವ ಅಲಸಂಖ್ಯಾತರಿಗೆ ಮನೆ, ಪಿಂಚಣಿ ನೀಡಲಾಗುತ್ತಿದೆ. ಏನಾದರು ಸಮಸ್ಯೆ ಉಂಟಾದಲ್ಲಿ ತಕ್ಷಣಕ್ಕೆ ಅಽಕಾರಿಗಳ ಗಮನಕ್ಕೆ ತರಬೇಕು. ಪರಿಹರಿಸಿ ಯೋಜನೆಯ ಫಲಾನುಭವಿಗಳನ್ನಾಗಿ ಮಾಡಲಾಗುವುದು ಎಂದ ಅವರು, ಲಿಂಗತ್ವ ಅಲ್ಪಸಂಖ್ಯಾತರಿಗೆ ಮತದಾನ ಹಕ್ಕು ಇದೆ. ಮತದಾರ ಪಟ್ಟಿಯಲ್ಲಿ ಹೆಸರು ಸೇರ್ಪಡೆಗೊಳಿಸಿ ಕಡ್ಡಾಯವಾಗಿ ಮತದಾನ ಮಾಡಬೇಕು ಎಂದು ಕರೆ ನೀಡಿದರು.
