ಬಾಡಿಗೆದಾರರಿಗೆ ಬಿ ಮಾದರಿ ನಿವೇಶನಕ್ಕೆ ಚಾಲನೆ ನೀಡಲಾಗಿದ್ದು ಮೂಲ ಸಂತ್ರಸ್ತರಿಗೆ ಹೆಚ್ಚುವರಿ ನಿವೇಶನ ಕೊಡಲು ಸಾಧ್ಯವಾಗಿತ್ತು. ಅಲ್ಲದೆ ಯೂನಿಟ್ -2 ರ ಸಂತ್ರಸ್ತರಿಗೆ 10,000 ನಿವೇಶನ ಸಹ ನೀಡಲಾಗಿತ್ತು. ಮಾದರಿ ನಿವೇಶನವಾದ ಯೂನಿಟ್-3 ನಿರ್ಮಾಣ ಕಾಮಗಾರಿಗೆ ಚಾಲನೆ ಸಿಕ್ಕಿದ್ದು ಸಂಬಂಧಿಸಿದ ಅಧಿಕಾರಿಗಳು ಗುರುತಿಸಿ ಎರಡು ವರ್ಷದಲ್ಲಿ ಪೂರ್ಣಗೊಳಿಸಿ ನಿವೇಶನ ಹಂಚಿಕೆಗೆ ಚಾಲನೆ ನೀಡಬೇಕೆಂದು ಆಗ್ರಹಿಸಿದರು. 1982 ರಲ್ಲಿ ಸ್ಥಾಪನೆಯಾದ ಬಿಟಿಡಿಎ ಬಾಗಲಕೋಟೆ ಜನರ ಆಶಯಕ್ಕೆ ಸಾಕಷ್ಟು ಕೆಲಸ ಮಾಡಿದೆ ಹೀಗಾಗಿ ಬಿಟಿಡಿಎ ಅಂದ್ರೆ ಉಳ್ಳವರ ಪಾಲಿಗೆ ಅರಮನೆ ಆಗಬಾರದೆಂದರು. ನವನಗರಕ್ಕೆ ಸ್ಥಳಾಂತರಗೊಂಡ ಜನರ ಸ್ಥಿತಿಗತಿ ಅರಿಯಲು ಬಿಟಿಡಿಎ ಸಾಮಾಜಿಕ, ಶೈಕ್ಷಣಿಕ, ಔದ್ಯೋಗಿಕ, ಆರ್ಥಿಕ ಸಮೀಕ್ಷೆ ನಡೆಸಿ ಜನರ ಆಶಾಕಿರಣ ಕೇಂದ್ರವಾಗಬೇಕೆಂದರು.
