ವ್ಯಾಪಕವಾಗಿ ಹರಡುತ್ತಿರುವ ಕೋವಿಡ್-19 ತಡೆಗಟ್ಟಲು ಲಾಕ್ಡೌನ್ ಜಾರಿಯಾಗಿದ್ದು, ಇದರಿಂದ ಬಡವರು, ಶ್ರಮಿಕರು, ಕೂಲಿಕಾರರು, ವಿಧವೆಯರು ಹೊತ್ತಿನ ಊಟಕ್ಕಾಗಿ ಪರಿತಪಿಸುತ್ತಿದ್ದಾರೆ. ಇದನ್ನು ನಿವಾರಿಸಲು ಮನುವಿಕಾಸ ಸಂಸ್ಥೆಯು ಉತ್ತರ ಕನ್ನಡ ಜಿಲ್ಲೆಯ ಶಿರಸಿ, ಸಿದ್ದಾಪುರ ಹಾಗೂ ಮುಂಡಗೋಡ ತಾಲೂಕುಗಳ 1500 ಬಡ ಹಾಗೂ ನಿರ್ಗತಿಕ ಕುಟುಂಬಗಳಿಗೆ ಅಗತ್ಯ ವಸ್ತುಗಳ ಕಿಟ್ ವಿತರಿಸಲು ಆರಂಭಿಸಿದೆ. ತಲಾ ಕುಟುಂಬಕ್ಕೆ 25 ಕೆ.ಜಿ. ಅಕ್ಕಿ, 3 ಕೆ.ಜಿ. ತೊಗರಿಬೇಳೆ, 2 ಕೆ.ಜಿ. ಸಕ್ಕರೆ, 1 ಲೀಟರ್ ಅಡುಗೆ ಎಣ್ಣೆ, 4 ಕೆ.ಜಿ. ಬಟಾಟೆ, 4 ಕೆ.ಜಿ. ಈರುಳ್ಳಿ, 2 ಸೋಪ್, 1/2 ಕೆ.ಜಿ. ಮೆಣಸಿನ ಪುಡಿ, 2 ಕೆ.ಜಿ. ಅಡುಗೆ ಉಪ್ಪನ್ನು ಒಳಗೊಂಡ 2200 ರೂ., ಮೊತ್ತದ ಕಿಟ್ ಅನ್ನು ವಿತರಿಸಲಾಗುತ್ತಿದೆ. ಪ್ರತಿ ದಿನ 100ಕ್ಕೂ ಹೆಚ್ಚು ಕುಟುಂಬಗಳಿಗೆ ಅಗತ್ಯ ವಸ್ತುಗಳನ್ನು ಪೂರೈಸಲಾಗುತ್ತಿದೆ. ಶಿರಸಿಯ ದೊಡ್ನಳ್ಳಿ, ದೇವನಿಲಯ, ಖಾಜಿಗಲ್ಲಿ, ಸಿದ್ದಾಪುರದ ಕಾನಸೂರು ಸೇರಿ ವಿವಿಧೆಡೆ ಕಿಟ್ ನೀಡಲಾಗಿದೆ.
