ಆದರೆ, ಕರೊನಾ ಲಾಕ್ಡೌನ್ ಕಾರಣದಿಂದ ಕಾಮಗಾರಿ ವಿಳಂಳಬವಾಗಿದೆ. ಸದ್ಯ ತಾತ್ಕಾಲಿಕ ಸೇತುವೆ ಮೇಲೆ ವಾಹನ ಸಂಚಾರಕ್ಕೆ ಅವಕಾಶ ಕಲ್ಪಿಸಲಾಗಿದೆ. ಆದರೆ, ಹುಬ್ಬಳ್ಳಿ ಧಾರವಾಡ ಭಾಗದಲ್ಲಿ ಹೆಚ್ಚು ಮಳೆಯಾದ ತಕ್ಷಣ ಹಳ್ಳ ಉಕ್ಕಿ ಬಂದು ಸೇತುವೆ ಮುಚ್ಚಿ ಹೋಗುತ್ತದೆ. ಕಳೆದ ಸೋಮವಾರ ಸುರಿದ ಮಳೆಯಿಂದ 5 ತಾಸು ಮುಂಡಗೋಡ-ಯಲ್ಲಾಪುರ ನಡುವೆ ವಾಹನ ಸಂಚಾರ ಬಂದಾಗಿತ್ತು. ಪ್ರತಿ ದಿನ 300ಕ್ಕೂ ಅಧಿಕ ಜನ ಓಡಾಡುವ ಮಾರ್ಗವಾಗಿದ್ದು, ಈ ಮಳೆಗಾಲದಲ್ಲಿ ಇನ್ನೂ ಹಲವು ದಿನ ಇದೇ ಪರಿಸ್ಥಿತಿ ಉಂಟಾಗುವ ಆತಂಕವಿದೆ. ಬೇಗ ಸೇತುವೆ ಕಾಮಗಾರಿ ಮುಗಿಸಿಕೊಡಬೇಕು ಎಂದು ಗ್ರಾಮಸ್ಥರಾದ ಸಿ.ಕೆ. ಅಶೋಕ, ಸುಬ್ರಾಯ ಭಟ್ಟ, ಉದಯಕುಮಾರ ನಾಯ್ಕ ಪ್ರಕಾಶ ಮಹಾಲೆ, ಎಸ್.ವಿ. ಚಕ್ರಸಾಲಿ, ಪರಶುರಾಮ ಗೌಡಣ್ಣವರ ಮನವಿ ಮಾಡಿದ್ದಾರೆ.
