ಇಲ್ಲಿನ ಜಿಲ್ಲಾ ಕೃಷಿ ತರಬೇತಿ ಕೇಂದ್ರದಲ್ಲಿ ಗ್ರಾಮಾಭಿವೃದ್ಧಿ ಯೋಜನೆಯಡಿ ಜಿಲ್ಲೆಯ ಕೃಷಿ ಉಪಕರಣಗಳ ಬಾಡಿಗೆ ಆಧಾರಿತ ಸೇವಾ ಕೇಂದ್ರದ ಪ್ರಬಂಧಕರು ಹಾಗೂ ಚಾಲಕರಿಗೆ ಈಶೀ ಲೈಫ್ ಸಂಸ್ಥೆಯಿಂದ ಗುರುವಾರ ಏರ್ಪಡಿಸಿದ್ದ ಗದ್ದೆ ಕಟಾವು ಯಂತ್ರಗಳ ಚಾಲನೆ ಹಾಗೂ ನಿರ್ವಹಣೆ ತರಬೇತಿ ಉದ್ಘಾಟಿಸಿ ಅವರು ಮಾತನಾಡಿದರು. ಕರೊನಾ ಕಾರಣಕ್ಕೆ ಯುವಕರು ಪಟ್ಟಣದಿಂದ ಪುನಃ ಹಳ್ಳಿಯೆಡೆಗೆ ಮರಳಿ ಕೃಷಿಯತ್ತ ವಾಲುತ್ತಿರುವುದು ಆಶಾದಾಯಕ. ಆದರೆ, ಇತ್ತೀಚಿನ ವಾತಾವರಣದ ಏರುಪೇರು, ವಿಷಮಮಳೆ ಹಾಗೂ ದುಬಾರಿ ಕೂಲಿಯಿಂದ ಭತ್ತ ಕೃಷಿಯಲ್ಲಿ ನಷ್ಟ ಉಂಟಾಗುತ್ತಿದೆ. ಹೀಗಾಗಿ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆಯವರು ಭತ್ತದ ಕೃಷಿಗೆ ಪ್ರೋತ್ಸಾಹ ನೀಡುವ ಉದ್ದೇಶದಿಂದ ಹಾರ್ವೆಸ್ಟರ್ ಬ್ಯಾಂಕ್ಗಳನ್ನು ತೆರೆದಿದ್ದು, ಪ್ರತಿ ತಾಲೂಕಿನಲ್ಲಿ ಇರುವ ಕೃಷಿ ಯಂತ್ರಧಾರೆ ಕೇಂದ್ರಗಳಿಗೆ ಹೊಸ ಮಾದರಿಯ ಗದ್ದೆ ನಾಟಿ, ಕಟಾವು ಮತ್ತು ಒಕ್ಕಣೆ ಯಂತ್ರಗಳನ್ನು ಒದಗಿಸಿದ್ದಾರೆ. ಇದೆಲ್ಲದರ ಸದುಪಯೋಗವಾಗಲಿ ಎಂದರು.
