ತುಂಗಳ ಗ್ರಾಮದಲ್ಲಿ ೧೭೫ಕ್ಕೂ ಅಧಿಕ ಎಕರೆ ಜಾಗೆಯ ೫೦ಕ್ಕೂ ಅಧಿಕ ರೈತರ ಜಮೀನುಗಳ ಪಹಣೆಯಲ್ಲಿ ವಕ್ಫ್ ಹೆಸರು ಇದೆ. ವ್ಯವಸಾಯಗಾರನ ಹಾಗೂ ವಾಸಸ್ಥಳ ಕಾಲಂನಲ್ಲಿ ಮುಲ್ಲಾ ಮಸ್ಜೀದ್ ಸುನ್ನಿ ವಕ್ಫ್ ಆಸ್ತಿ ಎಂದು ದಾಖಲು ಮಾಡಲಾಗಿದೆ. ಇಲ್ಲಿ ಮುಸ್ಲಿಂ ರೈತರು ಸೇರಿದಂತೆ ೫೦ಕ್ಕೂ ಅಽಕ ರೈತರ ಪಹಣೆಯಲ್ಲಿ ವಕ್ ಎಂದು ಉಲ್ಲೇಖಿಸಲಾಗಿದೆ.ಪಹಣೆಯಲ್ಲಿ ವಕ್ಫ್ ಎಂದು ಕುಂತಿರುವುದರಿಂದ ರೈತರಿಗೆ ಸಾಲ ಸೌಲಭ್ಯ ಸಿಗದಾಗಿದೆ. ಕೇಂದ್ರ ಸರ್ಕಾರ ರೈತರಿಗೆ ಕೊಡುವ ೬ ಸಾವಿರ ರೂ. ಕೃಷಿ ಪ್ರೋತ್ಸಾಹ ಧನವೂ ತಮಗೆ ಬರುತ್ತಿಲ್ಲ. ಆಸ್ತಿ ಖರೀದಿ, ಮಾರಾಟವೂ ನಡೆಯುತ್ತಿಲ್ಲ. ಹೀಗಾಗಿ ಮೊದಲು ಪಹಣೆಯಲ್ಲಿನ ವಕ್ಫ್ ಹೆಸರು ತೆರವುಗೊಳಿಸಬೇಕು ಎಂದು ಅಲ್ಲಿನ ರೈತರು ಹೇಳುತ್ತಾರೆ. ರೈತರು ಉಳಿಮೆ ಮಾಡಿಕೊಂಡು ಬಂದಿರುವ ಜಮೀನುಗಳಲ್ಲಿ ರೇಷ್ಮೆ, ಕಬ್ಬು ಸೇರಿ ಇತ್ಯಾದಿ ಬೆಳೆಗಳನ್ನು ಬೆಳೆಯುತ್ತಿದ್ದಾರೆ.
