ರಾಜಸ್ಥಾನಿಯರಿಗೆ ಹುಬ್ಬಳ್ಳಿವರೆಗೆ ಬಸ್ ವ್ಯವಸ್ಥೆ ಮಾಡಿದ ವಿಆರ್​ಡಿ ಟ್ರಸ್ಟ್

ದಾಂಡೇಲಿ: ದಾಂಡೇಲಿಯ 18 ಹಾಗೂ ಹಳಿಯಾಳದ 36 ಜನರನ್ನು ವಿಆರ್​ಡಿ ಟ್ರಸ್ಟ್​ನ ಬಸ್​ಗಳ ಮೂಲಕ ಹುಬ್ಬಳ್ಳಿಗೆ ಕಳಹಿಸಿಕೊಡಲಾಯಿತು. ಮಧ್ಯಾಹ್ನ 3 ಗಂಟೆಗೆ ಹುಬ್ಬಳ್ಳಿಯಿಂದ ರಾಜಸ್ಥಾನಕ್ಕೆ ತೆರಳಿದರು.

ಕರೊನಾ ಲಾಕ್​ಡೌನ್​ನಿಂದ ದಾಂಡೇಲಿ ಹಾಗೂ ಹಳಿಯಾಳದಲ್ಲಿ ಉಳಿದಿದ್ದ ರಾಜಸ್ಥಾನದ ಕೂಲಿಕಾರರು, ವ್ಯಾಪಾರಸ್ಥರು ಹಾಗೂ ಪಾನಿಪುರಿ ಅಂಗಡಿಕಾರರು ವ್ಯಾಪಾರ ವಹಿವಾಟು ಇಲ್ಲದೆ ತಮ್ಮ ಊರುಗಳಿಗೆ ತೆರಳಲು ಕಾತುರರಾಗಿದ್ದರು.

ಊರಿಗೆ ತೆರಳಲು ಶಾಸಕ ಆರ್.ವಿ. ದೇಶಪಾಂಡೆ ಅವರಲ್ಲಿ ಕೇಳಿಕೊಂಡ ಹಿನ್ನೆಲೆಯಲ್ಲಿ ವಿಆರ್​ಡಿ ಟ್ರಸ್ಟ್ ಅಧಿಕಾರಿಗಳು ಅವರ ಮಾಹಿತಿಯನ್ನು ಸೇವಾಸಿಂಧು ಆಪ್​ನಲ್ಲಿ ಅಪ್​ಲೋಡ್ ಮಾಡಿ ಅವರ ಪ್ರಯಾಣಕ್ಕೆ ಅನುಕೂಲ ಮಾಡಿದ್ದಾರೆ. ಈ ವೇಳೆ ಕಾರ್ವಿುಕ ಇಲಾಖೆ ಅಧಿಕಾರಿಗಳು ಇದ್ದರು.