ಬಾಗಲಕೋಟೆ: ರಜೆಗಾಗಿ ಊರಿಗೆ ಬಂದಿದ್ದ ಭಾರತೀಯ ಸೇನೆಯ ಯೋಧ ತನ್ನ ಬಾಮೈದನಿಂದಲೇ ಭೀಕರ ಹತ್ಯೆಗೆ ಒಳಗಾಗಿರುವ ಘಟನೆ ಬಾದಾಮಿ ತಾಲೂಕಿನ ನೀರಲಕೇರಿ ಗ್ರಾಮದಲ್ಲಿ ಗುರುವಾರ ರಾತ್ರಿ ನಡೆದಿದೆ.
ಯೋಧನ ಪತ್ನಿ ಗಂಡನ ಬಗ್ಗೆ ತನ್ನ ಸಹೋದರನಿಗೆ ಮತ್ತೆ ಮತ್ತೆ ದೂರ ನೀಡಿತ್ತಿದ್ದಳು. ಗುರುವಾರ ರಾತ್ರಿಯೂ ಅದು ಮುಂದುವರೆದಿತ್ತು. ಇದರಿಂದ ಚಾಕು ಸಮೇತ ಯೋದನ ಮನೆಗೆ ಆಗಮಿಸಿ ಬಾಮೈದ ಸಹೋದರಿ ಗಂಡನನ್ನು ಕೂಗಿ ಹೊರ ಕರೆದು ಭೀಕರವಾಗಿ ಹತ್ಯೆಗೈದಿದ್ದಾನೆ.
ಬಾದಾಮಿ ತಾಲೂಕಿನ ಕೆರೂರ ಪೊಲೀಸ್ ಠಾಣೆಯ ನೀರಲಕೇರಿ ಗ್ರಾಮದ ಕರಿಸಿದ್ದಪ್ಪ ಕಳಸದ(28) ಕೊಲೆಯಾಗಿರುವ ದುರ್ದೈವಿ
ಸೈನಿಕ. ಕಳೆದ ಹತ್ತು ದಿನಗಳ ಹಿಂದೆ ರಜೆಗಾಗಿ ಊರಿಗೆ ಬಂದಿದ್ದ. ಗುರುವಾರ ರಾತ್ರಿ ಯೋಧನ ಪತ್ನಿ ವಿದ್ಯಾಶ್ರೀ ಅವರ ಸಹೋದರ ಧರಿಗೌಡ ದೂಳಪ್ಪನವರ ಚಾಕುವಿನಿಂದ ಕತ್ತಿಗೆ, ಹೊಟ್ಟೆ, ಸೊಂಟಕ್ಕೆ ಇರಿದು ಯೋಧನನ್ನು ಬರ್ಬರವಾಗಿ ಕೊಲೆ ಮಾಡಿದ್ದಾನೆ.
ಸದ್ಯ ಕೊಲೆಗೆ ಸಂಬಂಧಿಸಿದಂತೆ ಕೆರೂರ ಠಾಣೆ ಪೊಲೀಸರು ಯೋಧನ ಪತ್ನಿ ವಿದ್ಯಾಶ್ರೀ, ಬಾಮೈದ ಧರಿಗೌಡ, ಅತ್ತೆ ಶಾಂತವ್ವ, ಮಾವ ಫಕೀರಗೌಡ ಅವರನ್ನು ಪೊಲೀಸರು ಬಂಸಿದ್ದು, ತನಿಖೆ ಮುಂದುವರೆಸಿದ್ದಾಗಿ ಎಸ್ಪಿ ಜಯಪ್ರಕಾಶ ತಿಳಿಸಿದ್ದಾರೆ.
ಘಟನೆಗೆ ಏನು ಕಾರಣ…?
ಯೋಧ ಕರಿಸಿದ್ದಪ್ಪ ಅವರು ಸೇನೆಗೆ ಸೇರಿ 8 ವರ್ಷಗಳು ಆಗಿವೆ. ಸದ್ಯ ರಾಜಸ್ತಾನದ 213 ರಾಕೆಟ್ ರೆಜಿಮೆಂಟ್ನಲ್ಲಿ ಸೇವೆಯಲ್ಲಿ ಇದ್ದರು. ಯೋಧ ಕರಿಸಿದ್ದಪ್ಪ ಕಳೆದ ನಾಲ್ಕು ವರ್ಷಗಳ ಹಿಂದೆ ತಮ್ಮದೇ ನೀರಲಕೇರಿ ಗ್ರಾಮದ ವಿದ್ಯಾಶ್ರೀಯನ್ನು ಪ್ರೀತಿಸಿ ಎರಡು ಕುಟುಂಬಗಳ ಸಮ್ಮುಖದಲ್ಲಿ ಮದುವೆ ಆಗಿದ್ದರು. ಆದರೆ, ಪ್ರೀತಿಸಿ ಮದುವೆಯಾಗಿದ್ದರೇನೋ ನಿಜ. ಆದರೆ, ಆರಂಭದ ಕೆಲ ದಿನ ಹೊರತುಪಡಿಸಿದರೆ ಪತಿ-ಪತ್ನಿ ನಡುವೆ ಹೊಂದಾಣಿಕೆ ಇರಲಿಲ್ಲ. ಯೋಧ ರಜೆಗೆ ಬಂದಾಗಲೆಲ್ಲ ಪತ್ನಿ ಕದನಕ್ಕೆ ಇಳಿಯುತ್ತಿದ್ದಳು. ಕರ್ತವ್ಯದಲ್ಲಿ ಇದ್ದಾಗಲೂ ಪೋನ್ ಮಾಡಿ ಜಗಳವಾಡುತ್ತಿದ್ದಳು. ತನ್ನ ಪತಿ ಬೇರೆಯವರ ಜೊತೆ ಅನೈತಿಕ ಸಂಬಂಧ ಹೊಂದಿದ್ದಾನೆ ಎನ್ನುವುದು ಪತ್ನಿ ವಿದ್ಯಾಶ್ರೀ ಗುಮಾನಿ. ಇದರಿಂದ ಜಗಳಗಳು ಆಗುತ್ತಿದ್ದವು. ಈ ಬಗ್ಗೆ ಒಂದು ಸಾರಿ
ಪೊಲೀಸ್ ಠಾಣೆಯಲ್ಲಿ ರಾಜೀ ಕೂಡ ಆಗಿತ್ತು.
