ಸಿದ್ದಿ ಸಮುದಾಯದ ಸ್ವ ಸಹಾಯ ಸಂಘಗಳ ಮಹಿಳೆಯರು ಹೋಂ ಸ್ಟೇ ನಿರ್ಮಾಣಕ್ಕಾಗಿ ಪರಿಶಿಷ್ಟ ವರ್ಗಗಳ ಕಲ್ಯಾಣ ಇಲಾಖೆಯಿಂದ 50 ಲಕ್ಷ ರೂ. ತರಬೇತಿ, ಹೊರ ರಾಜ್ಯದ ಪ್ರವಾಸ, ವೆಬ್ಸೈಟ್ ನಿರ್ವಹಣೆ, ಪ್ರಚಾರಕ್ಕಾಗಿ ಸಂಜೀವಿನಿ-ಎನ್ಆರ್ಎಲ್ಎಂ ಯೋಜನೆಯಡಿ 19. ಲಕ್ಷ ರೂ.ಗಳನ್ನು ಬಿಡುಗಡೆ ಮಾಡಲಾಗಿದೆ. ಸಿದ್ದಿ ಸಮುದಾಯದ ಸಾಂಸ್ಕೃತಿಕ ವೈಭವವನ್ನು ಹೊರ ಜಗತ್ತಿಗೆ ಪರಿಚಯಿಸುವ ಮತ್ತು ಜಿಲ್ಲೆಯ ಸುಂದರ ಪರಿಸರದ ಅನುಭವವನ್ನು ಪ್ರವಾಸಿಗರಿಗೆ ಪರಿಚಯಿಸುವ ಉದ್ದೇಶ ಹೊಂದಲಾಗಿದೆ. ಪಶ್ಚಿಮ ಘಟ್ಟದ ಅರಣ್ಯ ಪ್ರದೇಶದಲ್ಲಿ ಸಿಗುವ ಔಷಧಿಯ ಗುಣವುಳ್ಳ ಸಸ್ಯಗಳ ಪರಿಚಯ, ಅದರ ಉಪಯೋಗ, ಬುಡಕಟ್ಟು ಸಮುದಾಯದ ಜೀವನ ಶೈಲಿಯ ವಿಧಾನ, ಆಚಾರ ವಿಚಾರ, ನಂಬಿಕೆ, ಆಚರಣೆ, ಆಹಾರ ಪದ್ದತಿ, ಜಲಪಾತಗಳ ದರ್ಶನ ಇತ್ಯಾದಿಗಳನ್ನು ಈ ಪರಿಸರ ಸ್ನೇಹಿ ಪ್ರವಾಸೋದ್ಯಮ ಚಟುವಟಿಕೆಯು ಒಳಗೊಂಡಿರುತ್ತದೆ. ಕಳೆದ ಸಾಲಿನಲ್ಲಿ ಜೊಯಿಡಾ ರಾಮನಗರದ ಆದಿಶಕ್ತಿ ಸ್ವ ಸಹಾಯ ಸಂಘಕ್ಕೆ ನೆರವು ನೀಡಲಾಗಿತ್ತು. ಸಂಘವು ಸಂಜೀವಿನಿ ಇಕೊ ಟೂರಿಸಂ ಪ್ರಾರಂಭಿಸಿ ಈಗ ನೆರವು ಪಡೆದು ಉತ್ತುಮವಾಗಿ ಪ್ರವಾಸೋದ್ಯಮ ಚಟುವಟಿಕೆ ನಡೆಸಿದೆ.
