ಕಾರ್ಯಕ್ರಮ ಉದ್ಘಾಟಿಸಿದ ಸಚಿವ ಕೋಟ ಶ್ರೀನಿವಾಸ ಪೂಜಾರಿ, ನಮ್ಮ ನಡುವೆ ಇರುವ ರಾಷ್ಟ್ರ ವಿರೋಧಿ ಮಾನಸಿಕತೆಯನ್ನು ಗುರುತು ಹಿಡಿಯಬೇಕಾಗಿದೆ, ಸ್ವಾತಂತ್ರ್ಯ ಬಂದು 75 ವರ್ಷಗಳ ನಂತರವೂ 'ಭಾರತ ಮಾತಾಕಿ ಜೈ' ಎನ್ನಲು ಕೆಲವರು ಅನುಮಾನ ಮಾಡುವುದನ್ನು ನೋಡಿದರೆ ದಿಗ್ಭ್ರಮೆಯಾಗುತ್ತದೆ. ಇದೇ ನೆಲದ ಅನ್ನ ತಿಂದವರು ಕುಕ್ಕರ್ ನಲ್ಲಿ ಬಡವರ ಮಕ್ಕಳ ಶಾಲೆಯ ಎದುರು ಬಾಂಬ್ ಇಡಲು ಮುಂದಾಗುತ್ತಿರುವುದು ಆತಂಕ ಹುಟ್ಟಿಸುತ್ತಿದೆ. ಅಂಥ ದುಷ್ಕೃತ್ಯವನ್ನು ಟಿವಿ ಸ್ಟುಡಿಯೋಗಳಲ್ಲಿ ಕುಳಿತು ಸಮರ್ಥನೆ ಮಾಡುವವರೂ ಇರುವಂಥ ದಿನದಲ್ಲಿ ಸೋದೆ ಸದಾಶಿವರಾಯರಂಥ ದೇಶಭಕ್ತರು ನಮ ಮಕ್ಕಳಿಗೆ ಮಾದರಿಯಾಗಬೇಕು ಎಂದರು.
ಅಧ್ಯಕ್ಷತೆ ವಹಿಸಿದ್ದ ಶಾಸಕಿ ರೂಪಾಲಿ ನಾಯ್ಕ ಮಾತನಾಡಿ, ದೇಶದ ವಿಚಾರ ಬಂದಾಗ ರಾಜಕಾರಣ ಬದಿಗಿಡಬೇಕು. ನಾವೆಲ್ಲ ಒಂದು ಎಂದು ಒಗ್ಗಟ್ಟಿನಿಂದ ಸಾಗಬೇಕು. ಸೋದೆ ಸದಾಶಿವರಾಯರ ಹೆಸರು ರಾಷ್ಟ್ರಮಟ್ಟದಲ್ಲಿ ಜನಜನಿತವಾಗಬೇಕು ಎಂದರು.
ಎಂಎಲ್ಸಿ ಗಣಪತಿ ಉಳ್ವೇಕರ್, ನಗರಸಭೆ ಅಧ್ಯಕ್ಷ ಡಾ.ನಿತಿನ್ ಪಿಕಳೆ, ಉಪಾಧ್ಯಕ್ಷ ಪ್ರಕಾಶ ಪಿ.ನಾಯ್ಕ, ಸ್ಥಾಯಿ ಸಮಿತಿ ಚೇರ್ಮನ್ ಸುಜಾತಾ ತಾಮಸೆ, ಬಿಜೆಪಿ ವಿಭಾಗೀಯ ಸಂಚಾಲಕ ಎನ್.ಎಸ್.ಹೆಗಡೆ, ಕಡವಾಡ ಗ್ರಾಪಂ ಅಧ್ಯಕ್ಷೆ ಪ್ರಿಯಾ ಗೌಡ, ಉಪಾಧ್ಯಕ್ಷ ಆನಂದು ನಾಯ್ಕ, ಬಿಜೆಪಿ ಪ್ರಮುಖರಾದ ರಾಜೇಂದ್ರ ನಾಯ್ಕ, ರಾಜೇಶ ನಾಯ್ಕ, ಸಂಜು ನಾಯ್ಕ,ಉದಯ ಬಶೆಟ್ಟಿ, ಮಹೇಶ ಹೊಸಕೊಪ್ಪ, ಬಿ.ಎನ್.ಸೂರ್ಯಪ್ರಕಾಶ, ನಾಗೇಶ ಕುರ್ಡೇಕರ್ ಉಪಸ್ಥಿತರಿದ್ದರು. ಬಿಜೆಪಿ ಗ್ರಾಮೀಣ ಅಧ್ಯಕ್ಷ ಸುಭಾಷ ಗುನಗಿ ಸ್ವಾಗತಿಸಿದರು. ಕಾರ್ಯಕ್ರಮಕ್ಕೂ ಪೂರ್ವದಲ್ಲಿ ಶೇಜವಾಡ ದೇವಸ್ಥಾನದಿಂದ ಬೈಕ್ ರ್ಯಾಲಿ ನಡೆಸಲಾಯಿತು. ನಿವೃತ್ತ ಸೈನಿಕರಾದ ಬಾಲಕೃಷ್ಣ ಭೋವಿ, ಕಮಲಾಕರ್ ನಾಗೇಕರ್, ಕೃಷ್ಣಾ ಬಾಬುಟಿಯಾ ಗುನಗಿ, ವಿವಿಧ ಕ್ಷೇತ್ರಗಳ ಗಣ್ಯರಾದ ಸುರೇಂದ್ರ ಆಚಾರಿ, ಗಣಪು ಗುನಗಾ, ಅಮಿತ ಗೌಡ, ಶಿವರಾಮ ಹುಲಸ್ವಾರ ಅವರನ್ನು ಸನ್ಮಾನಿಸಲಾಯಿತು.
………….
