ಅದಾಲತ್ನಲ್ಲಿ ರಾಜಿ ಸಂಧಾನಕ್ಕೆ ಸೂಕ್ತವಾದಂತಹ ಸಿವಿಲ್ ಹಾಗೂ ಕ್ರಿಮಿನಲ್ ಪ್ರಕರಣಗಳನ್ನು ಇತ್ಯರ್ಥಪಡಿಸಿಕೊಳ್ಳಲು ಅವಕಾಶವಿದೆ. ಪ್ರಸ್ತುತ ನ್ಯಾಯಾಲಯದಲ್ಲಿ 145 ಎಂವಿಸಿ ಪ್ರಕರಣಗಳು, 17 ಎಂಎಂಆರ್ಡಿ ಪ್ರಕರಣ, 12 ಎಲ್ವಿಸಿ ಪ್ರಕರಣ, 115 ವಿಭಾಗ ದಾವೆ, 125 ಇತರೆ ಸಿವಿಲ್ ಪ್ರಕರಣ, 185 ನಿರ್ದಿಷ್ಟ ಪರಿಹಾರಕ್ಕಾಗಿ ದಾವೆ ಪ್ರಕರಣ, 25 ಕ್ರಿಮಿನಲ್ ಪ್ರಕರಣ, 310 ಎನ್ಐ ಆಕ್ಟ್ ಪ್ರಕರಣಗಳನ್ನು ಸೇರಿದಂತೆ ಒಟ್ಟು 934 ಪ್ರಕರಣಗಳನ್ನು ರಾಜಿ ಆಗಲು ಅವಕಾಶವಿರುವ ಪ್ರಕರಣಗಳು ಎಂದು ಗುರುತಿಸಲಾಗಿದೆ. ಪಂಚಾಯಿತಿಗಳು, ಪುರಸಭೆಗಳಲ್ಲಿ ನೀರಿನ ಬಿಲ್ ಪಾವತಿ, ಟೆಲಿಫೋನ್ ಬಿಲ್, ವಿದ್ಯುತ್ ಬಿಲ್ ಹಾಗೂ ಸಣ್ಣಪುಟ್ಟ ಬ್ಯಾಂಕ್ ಸಾಲ ವಸೂಲಾತಿ, ಚೆಕ್ಬೌನ್ಸ್ ಪ್ರಕರಣಗಳನ್ನು ಸಹ ರಾಜಿಸಂಧಾನದ ಮೂಲಕ ಇತ್ಯರ್ಥ ಪಡಿಸಿಕೊಳ್ಳಬಹುದಾಗಿದೆ. ಕಳೆದ ಅದಾಲತ್ನಲ್ಲಿ ಗುರುತಿಸಲಾಗಿದ್ದ 6,908 ಪ್ರಕರಣಗಳ ಪೈಕಿ 233 ಪ್ರಕರಣ ಇತ್ಯರ್ಥಪಡಿಸಲಾಗಿದೆ. ಕೋರ್ಟ್ನಲ್ಲಿ ದಾವೆ ಹಾಕದ 5186 ವ್ಯಾಜ್ಯ ಪೂರ್ವ ಪ್ರಕರಣಗಳನ್ನು ಸಹ ಇತ್ಯರ್ಥಪಡಿಸಲಾಗಿದೆ ಎಂದರು.
