ನಿಯಮಗಳ ಉಲ್ಲಂಘನೆ, ಆರೋಪ: ಈ ವೈನ್ಸ್ಟೋರ್ನಲ್ಲಿ ಪಾರ್ಸೆಲ್ ಮಾತ್ರ ನೀಡಬೇಕು, ಅಲ್ಲೇ ಕುಡಿಯುವಂತಿಲ್ಲ ಎಂಬ ನಿಯಮವಿದೆ. ಆದರೆ ಇಲ್ಲೇ ಕುಡಿಯುತ್ತಾರೆ. ಇದರ ಬಳಿಯಲ್ಲೇ ನಡಮೇಗಲಮ್ಮ ದೇಗುಲವಿದೆ. ಇದು ಅಪಘಾತ ವಲಯವಾಗಿದೆ. ರಾತ್ರಿ ವೇಳೆ ವಾಹನಗಳನ್ನು ರಸ್ತೆ ಬದಿಯಲ್ಲೇ ನಿಲ್ಲಿಸಲಾಗುತ್ತದೆ. ಇಲ್ಲೇ ತಿಂಡಿ, ತಿನಿಸುಗಳ ಅಂಗಡಿಗಳು, ತಳ್ಳುಗಾಡಿಗಳು ಇದ್ದು ಸಂಜೆಯಾದರೆ ಇಲ್ಲಿ ಜನಜಂಗುಳಿ ನರೆಯುತ್ತದೆ. ಈ ಅಂಗಡಿಯನ್ನು ಬೇರೆಡೆಗೆ ಸ್ಥಳಾಂತರಿಸಬೇಕು ಎಂದು ಪರಿಶಿಷ್ಟ ಜಾತಿ, ವರ್ಗಗಳ ಹಿತರಕ್ಷಣ ಸಭೆಯಲ್ಲಿ ಹಲವು ಬಾರಿ ಮನವಿ ಮಾಡಿದ್ದರೂ ಸಂಬಂಧಪಟ್ಟ ಅಬಕಾರಿ ಇಲಾಖೆ ಅಧಿಕಾರಿಗಳು ಸೂಕ್ತ ಕ್ರಮ ವಹಿಸುತ್ತಿಲ್ಲ. ಅಲ್ಲದೆ ಪಟ್ಟಣದ ಬಳೇಪೇಟೆಯ ಸರ್ಕಲ್ನಲ್ಲೂ ಎರಡು ಅಂಗಡಿಗಳಿದ್ದು ಇದನ್ನೂ ಬೇರೆಡೆ ಸ್ಥಳಾಂತರಿಸಬೇಕು. ನಿಗದಿತ ಬೆಲೆಗಿಂತ ಹೆಚ್ಚು ಬೆಲೆಯಲ್ಲಿ ಖರೀದಿ ಮಾಡುವವರ ವಿರುದ್ಧ ಸೂಕ್ತ ಕ್ರಮ ವಹಿಸಬೇಕು. ಈ ಸ್ಥಳಗಳಲ್ಲಿ ಪೊಲೀಸರನ್ನು ನಿಯೋಜಿಸಬೇಕು. ಅಲ್ಲೇ ಕುಡಿಯುವುದನ್ನು ನಿಷೇಧಿಸಲು ಕ್ರಮ ವಹಿಸಬೇಕು ಎಂದು ಯರಗಂಬಳ್ಳಿ ಗ್ರಾಮದ ರಾಮಕೃಷ್ಣ, ನಾಗರಾಜು ಸೇರಿದಂತೆ ಅನೇಕರು ದೂರಿದರು.
