ಬಿಜೆಪಿ ಮುಖಂಡರು ಸಿದ್ದಪಡಿಸಿದ ಸೂತ್ರದಂತೆ ಅಧ್ಯಕ್ಷ ಸ್ಥಾನಕ್ಕೆ ಆರು ಜನ ಮಹಿಳೆಯರು ಇದ್ದು, ಈ ಪೈಕಿ ಶೋಭಾ ರಾವ್, ಸವಿತಾ ಲೆಂಕಣ್ಣವರ ಹೆಸರು ಗುಂಯ್ ಗುಟ್ಟುತ್ತಿದೆ. ಜೊತೆಗೆ ಶಿವಲೀಲಾ ಪಟ್ಟಣಶೆಟ್ಟಿ, ರತ್ನಾ ಕೆರೂರ, ರೇಖಾ ಕಲಬುರಗಿ, ಪಾರ್ವತಿ ಅಕ್ಕಿಮರಡಿ ಅವರ ಹೆಸರು ಕೇಳಿ ಬರುತ್ತಿದೆ. ಇನ್ನು ಉಪಾಧ್ಯಕ್ಷರ ರೇಸ್ ನಲ್ಲಿ ಚನ್ನವೀರಯ್ಯ ಹಿರೇಮಠ, ಶಿವಬಸವ ಬಳ್ಳಾರಿ ಹೆಸರು ಸೂತ್ರದ ಅನ್ವಯ ಇದೆ. ಆದರೆ, ಅಧ್ಯಕ್ಷ ಸ್ಥಾನದ ಜೊತೆಗೆ ಉಪಾಧ್ಯಕ್ಷ ಸ್ಥಾನವನ್ನು ಮಹಿಳೆಯರಿಗೆ ಕೊಟ್ಟರೆ ಹೇಗೆ ಎನ್ನುವ ಮಾತನ್ನು ಮಾಜಿ ಶಾಸಕ ಚರಂತಿಮಠ ಅವರು ಬುಧವಾರ ನಗರಸಭೆ ಸದಸ್ಯರ ಸಭೆಯಲ್ಲಿ ಹರಿಬಿಟ್ಟಿದ್ದಾರೆ. ಹೀಗಾಗಿ ಎರಡು ಸ್ಥಾನಗಳನ್ನು ಮಹಿಳೆಯರಿಗೆ ಕೊಡುತ್ತಾರಾ ಅಥವಾ ಉಪಾಧ್ಯಕ್ಷ ಸ್ಥಾನವನ್ನು ಪುರುಷರಿಗೆ ಕೊಡುತ್ತಾರಾ ಎನ್ನುವುದು ಗುರುವಾರ ಬೆಳಗ್ಗೆಯೇ ಸ್ಪಷ್ಟವಾಗಲಿದೆ.
