ನಾಲ್ಕು ಜಿಲ್ಲೆ ಆವರಿಸಿರುವ ಕ್ಷೇತ್ರ: ಧಾರವಾಡ, ಗದಗ, ಹಾವೇರಿ ಹಾಗೂ ಉತ್ತರ ಕನ್ನಡ ಜಿಲ್ಲೆಗಳು ಪಶ್ಚಿಮ ಶಿಕ್ಷಕರ ಮತಕ್ಷೇತ್ರದ ವ್ಯಾಪ್ತಿಯಲ್ಲಿ ಬರುತ್ತವೆ. ಪಕ್ಷೇತರರಾಗಿ, ಜನತಾ ಪಕ್ಷ, ಲೋಕಶಕ್ತಿ, ನವ ನಿರ್ಮಾಣ ವೇದಿಕೆಯಿಂದ ತಲಾ ಒಂದು ಬಾರಿ ಹಾಗೂ ಜೆಡಿಎಸ್ನಿಂದ 3 ಬಾರಿ ಹೊರಟ್ಟಿ ಗೆದ್ದಿದ್ದಾರೆ. 42 ವರ್ಷಗಳಲ್ಲಿ ಕ್ಷೇತ್ರ ಪ್ರತಿನಿಧಿಸಿರುವ ಹೊರಟ್ಟಿ, ಈ ಬಾರಿಯೂ ಗೆಲುವು ಸಾಧಿಸಿದರೆ ಸತತ 8 ಬಾರಿ ವಿಜೇತರಾದ ನೂತನ ದಾಖಲೆ ನಿರ್ವಣಗೊಳ್ಳಲಿದೆ. ಇವರ ಗೆಲುವಿನ ಮೂಲಕ ಬಿಜೆಪಿಗೂ ಇದು ಮೊದಲ ಗೆಲುವಾಗಲಿದೆ. ಕಾಂಗ್ರೆಸ್, ಜೆಡಿಎಸ್, ಪಕ್ಷೇತರರು, ಆಮ್ ಆದ್ಮಿ ಪಾರ್ಟಿ ಬೆಂಬಲಿತ ಅಭ್ಯರ್ಥಿ ಯಾರೇ ಗೆದ್ದರೂ ಅದು ದಾಖಲೆಯ ಪುಟ ಸೇರಲಿದೆ.
