ಇದಕ್ಕೂ ಮೊದಲು ಗದುಗಿನ ತೋಂಟದಾರ್ಯ ಮಠದ ಸಿದ್ದರಾಮ ಸ್ವಾಮೀಜಿ ಬಸವಾದಿ ಶರಣರು, ಕಾಯಕ, ದಾಸೋಹ, ಬಸವಣ್ಣ ಹುಟ್ಟು, ಬಾಲ್ಯದ ಜೀವನ, ಸಾಮಾಜಿಕ ಹೋರಾಟದ ಕುರಿತು ಕನ್ನಡದ ಜೊತೆಗೆ ರಾಹುಲ್ ಗಾಂಽ ಅವರಿಗೆ ತಿಳಿಸಲು ಹಿಂದಿ ಭಾಷೆಯಲ್ಲೂ ಮಾತನಾಡಿದರು.
ವೇದಿಕೆಯಲ್ಲಿ ಕೂಡಲಸಂಗಮ ಲಿಂಗಾಯತ ಪಂಚಮಸಾಲಿ ಪೀಠದ ಜಗದ್ಗುರು ಬಸವಜಯ ಮೃತ್ಯುಂಜಯ ಸ್ವಾಮೀಜಿ, ಕೂಡಲಸಂಗಮ ಬಸವ ಧರ್ಮ ಪೀಠದ ಮಾದೇಶ್ವರ ಸ್ವಾಮೀಜಿ, ವಿಜಯಪುರ ಜ್ಞಾನಯೋಗಾಶ್ರಮದ ಬಸವಲಿಂಗ ಸ್ವಾಮೀಜಿ, ವಿಜಯಪುರ ವನಶ್ರೀಮಠದ ಜಯಬಸವಕುಮಾರ ಸ್ವಾಮೀಜಿ, ಅಥಣಿ ಗಚ್ಚಿನಮಠದ ಶಿವಬಸವ ಸ್ವಾಮೀಜಿ, ಯರನಾಳ ವಿರಕ್ತಮಠದ ಸಂಗನಬಸವ ಸ್ವಾಮೀಜಿ, ಮಮದಾಪುರ ವಿರಕ್ತಮಠದ ಅಭಿನವ ಮುರುಘೇಂದ್ರ ಸ್ವಾಮೀಜಿ, ಕಲಬುರಗಿ ಸಾಲಮಠದ ಮಹಾಂತ ಶಿವಾಚಾರ್ಯರು ಇದ್ದರು.
