ತಾಲೂಕಿನ ಬಿದ್ರಕಾನ ಗ್ರಾಪಂ ವ್ಯಾಪ್ತಿಯ ಕೊಡ್ಗಿಬೈಲ್ ಸಕಿಪ್ರಾ ಶಾಲೆಯ ಶಿಕ್ಷಕ ಆರ್.ಜಿ. ಗೌಡ ಅವರು ಜು. 21ರಿಂದ ಮಕ್ಕಳಿಗೆ ಬಯಲು ಶಾಲೆ ಮೂಲಕ ನಿತ್ಯ ಪಾಠ ಮಾಡುವುದಕ್ಕೆ ಮುಂದಾಗಿದ್ದಾರೆ. ಕೇವಲ ಈ ಶಾಲೆಯ ಮಕ್ಕಳು ಮಾತ್ರ ಅಲ್ಲ ಅಜ್ಜನ ಮನೆಗೆ ಬಂದ ಬಳೂರು, ಕಿಲವಳ್ಳಿ ಹಾಗೂ ಶಿರಸಿ ತಾಲೂಕಿನ ಕೋಣನಬಿಡಕಿ ಊರಿನ 25 ಮಕ್ಕಳು ಇದ್ದಾರೆ. ಒಂದನೇ ತರಗತಿಯಿಂದ ಐದನೇ ತರಗತಿಯವರೆಗೆ ನಿತ್ಯ ಎಲ್ಲ ವಿಷಯಗಳ ಕುರಿತು ಮಕ್ಕಳನ್ನು ಪರಸ್ಪರ ಅಂತರದಲ್ಲಿ ಕೂಡ್ರಿಸುವ ಮೂಲಕ ಪಾಠ ಮಾಡಲಾಗುತ್ತಿದೆ. ಮಕ್ಕಳು ಮಾಸ್ಕ್ ಧರಿಸಿಯೇ ಶಾಲೆಗೆ ಬರುತ್ತಿರುವುದು ಸ್ವಾಗತಾರ್ಹವಾಗಿದೆ ಎಂದು ಶಾಲಾ ಶಿಕ್ಷಕ ಆರ್.ಜಿ. ಗೌಡ ಹಾಗೂ ಸಮೂಹ ಸಂಪನ್ಮೂಲ ವ್ಯಕ್ತಿ ಎಂ.ಎಸ್. ಹೆಗಡೆ ಹೇಳುತ್ತಾರೆ.
