ತಾಲೂಕಿನಲ್ಲಿ ಒಟ್ಟು 58,331 ಹೆಕ್ಟೇರ್ ಭೂವಿಸ್ತೀರ್ಣದಲ್ಲಿ 39,641 ಹೆಕ್ಟೇರ್ನಷ್ಟು ಅರಣ್ಯವಿದೆ. ಕೃಷಿ ಹಾಗೂ ತೋಟಗಾರಿಕೆ ಸೇರಿ ಎಲ್ಲಾ ಬೆಳೆಗಳ ಕ್ಷೇತ್ರ 9292 ಹೆಕ್ಟೇರ್ ಇದೆ. ಇದರಲ್ಲಿ 6200 ಹೆಕ್ಟೇರ್ನಲ್ಲಿ ಅತಿಚಿಕ್ಕ ಹಿಡುವಳಿದಾರರೆ ಇದ್ದು, 10 ಹೆಕ್ಟೇರ್ ಮೇಲ್ಪಟ್ಟು ಭಾಗಾಯತ ಇರುವ ದೊಡ್ಡ ಹಿಡುವಳಿದಾರರು ಒಬ್ಬರೂ ಇಲ್ಲ. ಕ್ಷೇತ್ರದಲ್ಲಿ 1096 ಹೆಕ್ಟೇರ್ ಹಣ್ಣು ಹಂಪಲು ಬೆಳೆ ವ್ಯಾಪಿಸಿದ್ದರೆ, 83 ಹೆಕ್ಟೇರ್ ಪ್ರದೇಶದಲ್ಲಿ ತರಕಾರಿ ಬೆಳೆ ಇದೆ. ಆದರೆ, ಒಟ್ಟಾರೆ ಇಳುವರಿಯ ಅರ್ಧಕ್ಕಿಂತ ಹೆಚ್ಚು ಪಾಲು ಮಂಗ, ಕಾಡುಪ್ರಾಣಿ, ಪಕ್ಷಿಗಳ ದಾಳಿಯಿಂದ ನಾಶವಾಗುತ್ತಿದೆ. ತೆಂಗು, ಬಾಳೆಗೆ ಸೀಮಿತವಾಗಿದ್ದ ಮಂಗನ ಉಪದ್ರವ ಅಡಕೆಗೂ ವ್ಯಾಪಿಸಿದ್ದು ಸಿಂಗಾರ, ಚಿಕ್ಕ ಮಿಳ್ಳೆಯನ್ನೂ ಬಿಡದೆ ಚಪ್ಪರಿಸುತ್ತಿವೆ.
