ಕಾರವಾರ: ಇಯರ್ ಎಂಡ್, ಕ್ರಿಸ್ ಮಸ್ ಎಂದು ಜಿಲ್ಲೆಗೆ ಭೇಟಿ ನೀಡುತ್ತಿರುವ ಪ್ರವಾಸಿಗರ ಸಂಖ್ಯೆ ಹೆಚ್ಚಿದೆ. ತಾಣಗಳಲ್ಲಿ ಪ್ರವಾಸಿಗರು ಮೋಜು, ಮಸ್ತಿಯಲ್ಲಿ ತೊಡಗಿದ್ದು, ಅವಘಡಗಳೂ ಹೆಚ್ಚಾಗುತ್ತಿವೆ. ಶನಿವಾರ ಮುರ್ಡೇಶ್ವರದಲ್ಲಿ ಅಪಾಯಕ್ಕೆ ಸಿಲುಕಿದ್ದ ಹಾಸನ ಜಿಲ್ಲೆಯ ಅರಸೀಕೆರೆಯ ಧನಂಜಯ ಎಂಬಾತನನ್ನು ಲೈಫ್ಗಾರ್ಡ್ಗಳು ರಕ್ಷಿಸಿದ್ದಾರೆ. ಅಂಕೋಲಾ ತಾಲೂಕಿನ ಅಚವೆ ವಿಭೂತಿ ಪಾಲ್ಸ್ಗೆ ವಿಕ್ಷಣೆಗೆ ಬಂದಿದ್ದ ಪ್ರವಾಸಿಗನೊಬ್ಬ ಪಾಲ್ಸ್ನಲ್ಲಿ ಈಜಾಡುತ್ತಿದ್ದ ವೇಳೆ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದಾನೆ. ಆಂದ್ರಪ್ರದೇಶದ ವಿಶಾಖಪಟ್ಟಣಂ ಜಿಲ್ಲೆಯ ಪರ್ವಿನ್ ಮಾರ್ಬಲ್ಸ್ ಶಿರಡಿ ಸಾಯಿ ನಗರದ ನಿವಾಸಿ ಮತ್ತು ಬೆಂಗಳೂರು ವಿಪ್ರೋ ಕಂಪನಿಯಲ್ಲಿ ಸಾಪ್ಟವೇರ್ ಇಂಜಿನಿಯರ್ ಶ್ಯಾಮ ವೀರವೆಂಕಟ ದುರ್ಗಾ (21) ಸಾವನ್ನಪ್ಪಿದವರು. ತನ್ನ 10 ಮಂದಿ ಗೆಳೆಯ ರೊಂದಿಗೆ ಬೆಂಗಳೂರು ನಿಂದ ರೈಲಿನಲ್ಲಿ ಬಂದು ಅಲ್ಲಿಂದ ಖಾಸಗಿ ವಾಹನ ಮೂಲಕ ವಿಭೂತಿ ಪಾಲ್ಸ್ಗೆ ಬಂದಿದ್ದ ಎನ್ನಲಾಗಿದೆ.
