ಕೋಲಾರದ ಬೆಳ್ಳೂರಿನ ಆದಿತ್ಯ ಚಕ್ರವರ್ತಿ(19) ಇಂಗ್ಲಿಷ್ ವಿಷಯದಲ್ಲಿ ಫೇಲಾಗಿದ್ದಕ್ಕೆ ನರಸಾಪುರ ದೊಡ್ಡ ಕೆರೆಗೆ ಹಾರಿದ್ದಾನೆ. ಹರಿಹರದಲ್ಲಿ ಎಂಕೆಇಟಿ ಕಾಲೇಜಿನ ವಿಜ್ಞಾನ ವಿಭಾಗದ ವಿದ್ಯಾರ್ಥಿ ಜಯರಾಮ್ (18) ನೇಣು ಬಿಗಿದುಕೊಂಡಿದ್ದಾನೆ. ಶಿವಮೊಗ್ಗದ ಚಿಕ್ಕಮರಸ ಗ್ರಾಮದ ವಿದ್ಯಾರ್ಥಿನಿ ಚಿತ್ರಾ (17) ಮನೆಯಲ್ಲಿ ಯಾರೂ ಇಲ್ಲದ ವೇಳೆ ನೇಣು ಹಾಕಿಕೊಂಡಿದ್ದಾಳೆ. ಅರಕಲಗೂಡು ತಾಲೂಕಿನ ದಾಸಯ್ಯನಕೊಪ್ಪಲು ಗ್ರಾಮದ ಭೂಮಿಕಾ (18) ಕ್ರಿಮಿನಾಶಕ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಬೆಂಗಳೂರಿನಲ್ಲಿ ವಿನಾಯಕನಗರ ನಿವಾಸಿ ರಾಹುಲ್ ರೆಡ್ಡಿ (21) ನೇಣು ಬಿಗಿದುಕೊಂಡಿದ್ದರೆ, ಬಾಬಾನಗರ ನಿವಾಸಿ ಪ್ರವೀಣ್ (19) ಕೂಡ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಕೋಲಾರದ ಕಾಮಸಮುದ್ರ ಕೇತಗಾನಹಳ್ಳಿ ಕಾಂತ (17) ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.
