ಹಳಿಯಾಳ ತಾಲೂಕಿನಲ್ಲಿ 1744 ಹಾಗೂ ದಾಂಡೇಲಿ ತಾಲೂಕಿನಲ್ಲಿ 1130 ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಲಿದ್ದಾರೆ. ಹಳಿಯಾಳ ತಾಲೂಕಿನಲ್ಲಿ 4 ಪರೀಕ್ಷಾ ಕೇಂದ್ರ ಹಾಗೂ 2 ಉಪಕೇಂದ್ರಗಳಲ್ಲಿ ಮತ್ತು ದಾಂಡೇಲಿಯಲ್ಲಿ 3 ಕೇಂದ್ರಗಳಲ್ಲಿ ಪರೀಕ್ಷೆ ನಡೆಯಲಿದೆ. ಪರೀಕ್ಷೆಯನ್ನು ಸುಸೂತ್ರವಾಗಿ ನಡೆಸಲು ಪರೀಕ್ಷೆ ಕೇಂದ್ರಗಳ ಮೇಲ್ವಿಚಾರಣೆಗೆ 7 ಅಧೀಕ್ಷಕರು, 5 ಉಪ ಅಧೀಕ್ಷಕರು, 7 ಪ್ರಶ್ನೆ ಪತ್ರಿಕೆ ಪಾಲಕರು, 233 ಕೊಠಡಿ ಮೇಲ್ವಿಚಾರಕರು, 9 ಮೊಬೈಲ್ ಸ್ವಾಧಿನಾಧಿಕಾರಿಗಳು, 7 ಸ್ಥಾನಿಕ ಜಾಗೃತ ದಳ, 7 ವೀಕ್ಷಕರು, 7 ಅಧಿಕಾರಿಗಳು ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದರ ನಿಗಾ ವಹಿಸಲು, 32 ಆರೋಗ್ಯ ಸಿಬ್ಬಂದಿ, 28 ಸ್ಕೌಟ್ಸ್ ಗೈಡ್ಸ್ ಸ್ವಯಂ ಸೇವಕರು, 21 ಪೊಲೀಸ್ ಸಿಬ್ಬಂದಿ, 4 ಸಂಚಾರಿ ದಳಗಳನ್ನು ನೇಮಿಸಲಾಗಿದೆ.
