ಕುಮಟಾ: ತಾಲೂಕಿನ ದಿವಗಿಯಲ್ಲಿ ಗುರುವಾರ ಶ್ರೀ ರಾಮಾನಂದ ಸ್ವಾಮೀಜಿ ಮಠ ಟ್ರಸ್ಟಿನ ವತಿಯಿಂದ ಪಿಎಂ ಕೇರ್ಫಂಡ್ಗೆ 50 ಸಾವಿರ ರೂ. ಹಾಗೂ ಸಿಎಂ ಪರಿಹಾರ ನಿಧಿಗೆ 50 ಸಾವಿರ ರೂ. ಸೇರಿ ಒಟ್ಟು 1 ಲಕ್ಷ ರೂ. ಚೆಕ್ಅನ್ನು ಅವಧೂತ ಶ್ರೀ ರಾಮಾನಂದ ಸ್ವಾಮೀಜಿ ಅವರು ಶಾಸಕ ದಿನಕರ ಶೆಟ್ಟಿ ಅವರ ಮೂಲಕ ಸರ್ಕಾರಕ್ಕೆ ಸಲ್ಲಿಸಿದರು. ಜಗತ್ತು ಶೀಘ್ರ ಕರೊನಾ ವೈರಾಣುವಿನ ಸಂಕಷ್ಟದಿಂದ ಮುಕ್ತವಾಗಲಿ. ಜನರು ನೆಮ್ಮದಿಯಿಂದ ಬಾಳುವಂತಾಗಲಿ ಎಂದು ಸ್ವಾಮೀಜಿ ಅವರು ಹರಸಿದರು. ಈ ವೇಳೆ ಮಠ ಟ್ರಸ್ಟಿಗಳಾದ ಕೃಷ್ಣಮೂರ್ತಿ ಭಟ್ಟ, ಪ್ರಕಾಶ ಪಂಡಿತ, ಡಾ. ಜಿ.ಜಿ. ಹೆಗಡೆ ಹಾಗೂ ಬಿಜೆಪಿ ಜಿಲ್ಲಾಧ್ಯಕ್ಷ ವೆಂಕಟೇಶ ನಾಯಕ, ಮಂಡಲಾಧ್ಯಕ್ಷ ಹೇಮಂತಕುಮಾರ ಗಾಂವಕರ, ಸತೀಶ ಅಂಬಿಗ, ಅನಿಲ್ ಭಂಡಾರಿ, ಸುಭಾಷ ಅಂಬಿಗ, ಮಠದ ಭಕ್ತರಾದ ಎಂ.ಎಸ್. ಹೆಗಡೆ ಇನ್ನಿತರರು ಇದ್ದರು.
