ನೂತನ ಕರಡು ಸಿದ್ಧ

ಕಾರವಾರ: ನಗರದಲ್ಲಿ ರ್ಪಾಂಗ್ ವ್ಯವಸ್ಥೆಯ ನೂತನ ಕರಡನ್ನು ಸಿದ್ಧಪಡಿಸಲಾಗಿದ್ದು, ಆಕ್ಷೇಪಣೆ ಸಲ್ಲಿಸಲು ಏಳು ದಿನದವರೆಗೆ ಅವಕಾಶವಿದೆ ಎಂದು ಪ್ರಭಾರ ಪೌರಾಯುಕ್ತೆ ಪ್ರಿಯಾಂಗಾ ಎಂ.ತಿಳಿಸಿದ್ದಾರೆ.

ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕರಡು ನೀಲಿನಕ್ಷೆ ಸಿದ್ಧ ಮಾಡಿ ನಗರಸಭೆಯ ಕಚೇರಿಯಲ್ಲಿ ಇಡಲಾಗಿದೆ. ಅಲ್ಲದೆ, ವೆಬ್​ಸೈಟ್​ನಲ್ಲೂ ಪ್ರಕಟಿಸಲಾಗಿದೆ. ನಾಗರಿಕರು ಗಮನಿಸಿ, ಬದಲಾವಣೆ ಬೇಕಿದ್ದಲ್ಲಿ ಸಲಹೆ ನೀಡಬಹುದು. ನಂತರ ಜಿಲ್ಲಾಧಿಕಾರಿ ಅನುಮತಿ ಪಡೆದು ರ್ಪಾಂಗ್ ವ್ಯವಸ್ಥೆ ಜಾರಿಗೆ ತರಲಾಗುವುದು ಎಂದರು.

2500ರಷ್ಟು ಬೈಕ್​ಗಳನ್ನು ವಿವಿಧೆಡೆ ನಿಲ್ಲಿಸಲು ವ್ಯವಸ್ಥೆ ಮಾಡಲಾಗಿದೆ. ಇನ್ನು ನಗರದ ಮುಖ್ಯ ಭಾಗದಲ್ಲಿ 280ರಷ್ಟು ನಾಲ್ಕು ಚಕ್ರದ ವಾಹನ ನಿಲ್ಲಿಸಲು ವ್ಯವಸ್ಥೆ ಮಾಡಲಾಗಿದೆ. ಬಸ್, ಕಾರು ಹಾಗೂ ಆಟೋಗಳಿಗೆ ಪ್ರತ್ಯೇಕ ಸ್ಥಳ ನಿಗದಿ ಮಾಡಲಾಗಿದೆ.

ಗೀತಾಂಜಲಿ ಟಾಕೀಸ್​ನಿಂದ ಗಣಪತಿ ದೇವಸ್ಥಾನದವರೆಗೆ ಭಾರಿ ವಾಹನಗಳಿಗೆ ಮಾತ್ರ ದ್ವಿಮುಖ ಸಂಚಾರಕ್ಕೆ ನಿಷೇಧ ಹೇರಲಾಗಿದೆ. ಸಣ್ಣ ರಸ್ತೆಗಳಲ್ಲಿ ಒಂದೊಂದು ದಿನ ಒಂದೊಂದು ಕಡೆ ವಾಹನ ನಿಲುಗಡೆಗೆ ವ್ಯವಸ್ಥೆ ಮಾಡಲಾಗಿದೆ ಎಂದು ವಿವರಿಸಿದರು. ಎಇಇ ಆರ್.ಪಿ.ನಾಯ್ಕ, ರವಿ ಇದ್ದರು.

ನೋ ರ್ಪಾಂಗ್ ಪ್ರದೇಶ: ಕಾರವಾರ ಇಳಕಲ್ ರಸ್ತೆಯಲ್ಲಿ ಸುಭಾಷ್ ವೃತ್ತದಿಂದ ಜನತಾ ಬಜಾರ್​ವರೆಗೆ, ಜನತಾ ಬಜಾರ್​ನಿಂದ ಸ್ಟ್ರೀಟ್ ಲಿಂಕ್ ರಸ್ತೆ. ಹೈಚರ್ಚ್ ರಸ್ತೆಯಲ್ಲಿ ಧೋಬಿಘಾಟ್​ನಿಂದ ಕಾರವಾರ ಇಳಕಲ್ ರಸ್ತೆಯವರೆಗೆ. ಕಾರವಾರ-ಕೋಡಿಬಾಗ ರಸ್ತೆಯಿಂದ ಗೀತಾಂಜಲಿ ಥಿಯೇಟರ್​ವರೆಗೆ. ಕಮಲಾಕರ ರಸ್ತೆಯಲ್ಲಿ ರಾಷ್ಟ್ರೀಯ ಹೆದ್ದಾರಿ ಸರ್ವೀಸ್ ರಸ್ತೆಯಿಂದ ಎಂಜಿ ರಸ್ತೆಯವರೆಗೆ. ಪಿಕಳೆ ರಸ್ತೆಯಲ್ಲಿ ರಾಷ್ಟ್ರೀಯ ಹೆದ್ದಾರಿಯಿಂದ ಎಂಜಿ ರಸ್ತೆಯವರೆಗೆ, ಸಿವಿಲ್ ಕೋರ್ಟ್ ರಸ್ತೆಯಲ್ಲಿ ಗ್ರೀನ್ ಸ್ಟ್ರೀಟ್​ನಿಂದ ಕಾರವಾರ-ಕೋಡಿಬಾಗ ರಸ್ತೆಯವರೆಗೆ. ಗ್ರೀನ್ ಸ್ಟ್ರೀಟ್​ನಲ್ಲಿ ಟೌನ್ ಪೊಲೀಸ್ ಠಾಣೆಯಿಂದ ಹೊಸ ಮೀನು ಮಾರುಕಟ್ಟೆಯವರೆಗೆ, ಕಾರವಾರ-ಕೋಡಿಬಾಗ ರಸ್ತೆಯಲ್ಲಿ ಸವಿತಾ ಹೋಟೆಲ್​ನಿಂದ ಧೋಬಿಘಾಟ್ ರಸ್ತೆಯವರೆಗೆ. ಎಂಜಿ ರಸ್ತೆಯಲ್ಲಿ ಲೈಬ್ರರಿ ರಸ್ತೆಯಿಂದ ಕಾರವಾರ ಇಳಕಲ್ ರಸ್ತೆಯವರೆಗೆ ಯಾವುದೇ ವಾಹನ ನಿಲುಗಡೆ ನಿಷೇಧಿಸಲಾಗಿದೆ ಎಂದು ವಿವರಿಸಿದರು.