ತಾಲೂಕಿನಲ್ಲಿ ಮಳೆಯ ಪ್ರಮಾಣ ತೀರಾ ಕಡಿಮೆಯಾಗಿದ್ದು, ರೈತರು ಸಂಕಷ್ಟದಲ್ಲಿದ್ದಾರೆ. ಭತ್ತ, ರಾಗಿಯಂತಹ ಬೆಳೆಗಳನ್ನೇ ಅವಲಂಬಿಸಿದ್ದ ರೈತ ಕುಟುಂಬಗಳು ಯಾವುದೇ ಬೆಳೆಗಳನ್ನು ಬೆಳೆಯಲಾಗದೆ ಹೈರಾಣಾಗಿದ್ದಾರೆ. ಇದನ್ನು ಅರಿತು ಕೆರೆಕಟ್ಟೆಗಳಿಗಾದರೂ ನೀರು ತುಂಬಿಸಿ ಕೊಳವೆ ಬಾವಿಗಳ ಅಂತರ್ಜಲ ಕುಸಿಯದಂತೆ ನೋಡಿಕೊಳ್ಳುವುದು ಹಾಗೂ ಕೆರೆಕಟ್ಟೆಗಳ ಹಿಂಭಾಗದ ರೈತರು ಸಂಗ್ರಹವಾಗುವ ನೀರಿನಲ್ಲಿ ಬೆಳೆಗಳನ್ನು ಬೆಳೆದು ಆರ್ಥಿಕ ಮುಗ್ಗಟ್ಟಿನಿಂದ ಪಾರಾಗಲು ನೀರು ಬಿಡಲಾಗುತ್ತಿದೆ. ಅರೆ ನೀರಾವರಿ ಪ್ರದೇಶವಾದ ನಮ್ಮ ತಾಲೂಕಿನಲ್ಲಿ ಮಳೆಯೂ ಇಲ್ಲ, ಕಾಲುವೆಯ ನೀರೂ ಇಲ್ಲ ಎಂದರೆ ರೈತರು ಏನು ಮಾಡಬೇಕು. ನೀರಾವರಿ ಇಲಾಖೆಯ ಅಧಿಕಾರಿಗಳು ರೈತರ ಸಂಕಷ್ಟಕ್ಕೆ ಸ್ಪಂದಿಸುವ ಕೆಲಸ ಮಾಡಬೇಕು. ಮೊದಲು ತಾಲೂಕಿನ ಜನತೆಗೆ ನ್ಯಾಯ ಒದಗಿಸುವ ಕೆಲಸ ಮಾಡಬೇಕಿದೆೆ ಎಂದು ಸೂಚನೆ ನೀಡಿದರು.
