ಮಗು ತೆಗೆದುಕೊಂಡು ಹೋಗುವ ಮುನ್ನ ಮೆಹಬೂಬಿ ಅವರ ಸಹೋದರಿಯ ಮೊಬೈಲ್ ತೆಗೆದುಕೊಂಡು ಅದರಿಂದ ತನ್ನ ತಾಯಿಗೆ ಫೋನ್ ಮಾಡಿ ತಾವು ಡಾಕ್ಟರ್ ಅಶ್ವಿನಿ ರಾಠೋಡ ಎಂದು ಹೇಳಿಕೊಂಡು ಸಾಕ್ಷಿಗೆ ಈಗ ಹೆರಿಗೆಗೆ ಕರೆದುಕಡು ಹೋಗುತ್ತಿದ್ದೇವೆ ಹೆರಿಗೆ ಆದ ಬಳಿಕ ಬೆಳಗ್ಗೆ ನೀವು ತಾಯಿ ಮಗುವನ್ನು ನೋಡಬಹುದು ಎಂದು ಮಾಹಿತಿ ಕೊಟ್ಟಿದ್ದಾಳೆ. ಆ ಮೂಲಕ ತನ್ನೊಂದಿಗೆ ಕರೆದುಕೊಂಡು ಬಂದಿದ್ದ ಕುಟುಂಬದವರನ್ನ ನಂಬಿಸಿದರೆ ಊರಲ್ಲಿ ತನಗೆ ಮಗುವಾಗಿದೆ ಎನ್ನುವ ಸುದ್ದಿ ಹೋಗುತ್ತದೆ ಎನ್ನುವ ಪ್ಲಾನ್ ಸಾಕ್ಷಿಯದ್ದಾಗಿತ್ತು. ಆದರೆ, ಅದೇ ಫೋನ್ ಮಾಡಿದ್ದೇ ಪೊಲಿಸರಿಗೆ ಆರೋಪಿ ಸುಳಿವು ಸಿಗಲು ಪ್ರಮುಖ ಘಟನೆಯಾಗಿ ಆರೋಪಿ ಪ್ಲಾನ್ ಉಲ್ಟಾ ಹೊಡೆದು ಇದೀಗ ಪೊಲೀಸ್ ಅತಿಥಿ ಆಗಿದ್ದಾಳೆ. ಇನ್ನು 15 ನಿಮಿಷ ಕಳೆದಿದ್ದರೆ ಸಾಕ್ಷಿ ಆಸ್ಪತ್ರೆಯಿಂದ ಮಗುವನ್ನು ತೆಗೆದುಕೊಂಡು ಅಲ್ಲಿಂದ ಪರಾರಿ ಆಗುತ್ತಿದ್ದಳು. ಅಷ್ಟರಲ್ಲಿ ನಾವು ಪತ್ತೆ ಮಾಡಿದೇವು. ನವನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಆರೋಪಿ ಸಾಕ್ಷಿಯನ್ನು ಬಂಧಿಸಿ, ಆಕೆಯ ತಾಯಿ, ತಂದೆ, ಸಹೋದರಿಯ ವಿಚಾರಣೆ ನಡೆಸುತ್ತಿರುವುದಾಗಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಅಮರನಾಥ ರೆಡ್ಡಿ ತಿಳಿಸಿದರು.
