ಈಗ ಸಿದ್ದರಾಮಯ್ಯ, ಡಿಕೆಶಿ, ತಿಮ್ಮಾಪುರ ಅವರಿಗೆ ಒಂದೊಂದು ಕಾನೂನು ಇದೆಯಾ? ಆಪಾದನೆ ಬಂದ ತಕ್ಷಣ ನೈತಿಕ ಹೊಣೆ ಹೊತ್ತು ರಾಜೀನಾಮೆ ಕೊಡಬೇಕು. ಆದರೆ, ರಾಜ್ಯ ಕಾಂಗ್ರೆಸ್ ನಾಯಕರು ಇದನ್ನು ಮಾಡುತ್ತಿಲ್ಲ. ಕರ್ನಾಟಕ ರಾಜ್ಯದಲ್ಲಿ ಲೋಕಾಯುಕ್ತ ತನಿಖೆ ಆರಂಭವಾಗಿರುವ ಮೊದಲ ಮುಖ್ಯಮಂತ್ರಿ ಇವರು. ತಕ್ಷಣವೇ ಅವರು ತಪ್ಪಿತಸ್ಥರು ಎಂದು ನಾನು ಹೇಳಲ್ಲ. ಆದರೆ, ಆರೋಪ ಬಂದಾಗ ಬೇರೆಯವರ ರಾಜೀನಾಮೆಗಾಗಿ ಮೆರವಣಿಗೆ ಮಾಡಿದವರು ಈಗ ತಮ್ಮ ಮೇಲೆ ಆಪಾದನೆ ಬಂದಾಗ ರಾಜೀನಾಮೆ ಕೊಡದೇ ಹೇಗೆ ಹೋಗುತ್ತಾರೆ? ರಾಜೀನಾಮೆ ಕೊಡದೇ ಇರುವುದು ಸಿಎಂ ಭಂಡತನ. ಇದು ಬಹಳ ದಿನ ನಡೆಯಲ್ಲ. ಭಗವಂತ ಶಾಪ ಕೊಡಲು ಇವರು ಒಂದೊಂದೇ ತಪ್ಪು ಮಾಡುತ್ತಿದ್ದಾರೆ. ಮುಡಾ ಆಯ್ತು, ಈಗ ವಕ್ ಬಂದಿದೆ. ಇದಕ್ಕೆ ಎಷ್ಟು ಜನ ಸಾಧು ಸಂತರು ಸಿದ್ದರಾಮಯ್ಯ ಅವರಿಗೆ ಹಾಕುತ್ತಿದ್ದಾರೆ. ಸಿದ್ದರಾಮಯ್ಯ ಅವರೇ ಸಾಧು ಸಂತರ ಶಾಪ ಹಾಕಿಕೊಳ್ಳಬೇಡಿ ಎಂದು ಈಶ್ವರಪ್ಪ ಸಲಹೆ ನೀಡಿದರು.
