ಅವರು ಯಾವ ಊರಿನಿಂದ ಬಂದವರು, ತಾಲೂಕಿನಲ್ಲಿ ಅವರು ಇರುವ ವಿಳಾಸ, ಅವರ ಜತೆಗೆ ಇನ್ಯಾರ ಸಂಪರ್ಕವಿದೆ ಮತ್ತು ಮೊಬೈಲ್ ನಂಬರ್ ಈ ಎಲ್ಲ ವಿವರಗಳನ್ನು ತಪಾಸಣೆ ಕೇಂದ್ರದಲ್ಲಿ ಪಡೆಯಲಾಗುವುದು. ನಂತರ ಪರೀಕ್ಷೆ ಮಾಡಿ ಜ್ವರ ಅಥವಾ ಇನ್ಯಾವ ಗುಣ ಲಕ್ಷಣಗಳು ಇಲ್ಲವಾದಲ್ಲಿ ಅವರಿಗೆ ಒಂದು ಪತ್ರ ನೀಡಿ 14 ದಿನಗಳವರೆಗೆ ಮನೆಯಲ್ಲಿಯೇ ಇರಲು ತಿಳಿಸಿ ಕಳುಹಿಸಲಾಗುವುದು. ಆಕಸ್ಮಾತ್ತಾಗಿ ಜ್ವರವೇನಾದರೂ ಇದ್ದರೆ ಅವರಿಗೆ ಚಿಕಿತ್ಸೆ ನೀಡಿ ಕಳುಹಿಸಲಾಗುವದು. ನಂತರ ಅದೇ ವ್ಯಕ್ತಿಗೆ ಉಸಿರಾಟದ ತೊಂದರೆ, ಕೆಮ್ಮು ಅಥವಾ ಗಂಟಲು ನೋವು ಜಾಸ್ತಿಯಾದರೆ ತಕ್ಷಣ ಆಸ್ಪತ್ರೆಗೆ ಬರಲು ತಿಳಿಸಲಾಗುತ್ತದೆ. ಇಲ್ಲಿ ಬಂದು ಹೋದವರ ಮನೆಗೆ ಪ್ರತಿ ದಿನ ಆಶಾ ಕಾರ್ಯಕರ್ತೆಯರು ಮತ್ತು ಆರೋಗ್ಯ ಇಲಾಖೆ ಸಿಬ್ಬಂದಿ ಭೇಟಿ ಕೊಡುತ್ತಾರೆ. ಸ್ಟಾಫ್ ನರ್ಸ್, ಇಬ್ಬರು ಗ್ರುಪ್- ಡಿ ನೌಕರರು ಥರ್ಮಲ್ ಸ್ಕಾ್ಯನರ್ ಮೂಲಕ ಜ್ವರ ತಪಾಸಣೆ ಮಾಡುತ್ತಾರೆ. ಬೆಂಗಳೂರು, ಮಂಗಳೂರು, ಉಡುಪಿ, ಗೋವಾ, ಸುಬ್ರಹ್ಮಣ್ಯ ಇತರ ಕಡೆಗಳಿಂದ ಕೆಲಸಕ್ಕೆ ಹೋದವರು ಬರುತ್ತಿದ್ದಾರೆ.
