ಯಾರ್ಯಾರಿಗೆ ಸೋಂಕು
ಪ್ರಕರಣ 1:
ದುಬೈನಿಂದ ಮುಂಬೈ ಮೂಲಕ ಬಂದು ಅಲ್ಲಿಂದ ಸಿಎಸ್ಸಿಟಿ-ಮಂಗಳೂರು ಜಂಕ್ಷನ್ ಎಕ್ಸ್ಪ್ರೆಸ್ ರೈಲಿನಲ್ಲಿ ಮಾ.20 ರಂದು ಬಂದ 65 ವರ್ಷದ ವೃದ್ಧನಲ್ಲಿ ಸೋಂಕು ಇರುವುದು ಮಾ. 23 ರಂದು ಖಚಿತವಾಗಿತ್ತು. ಆತನ 54 ವರ್ಷದ ಪತ್ನಿ, 28 ಹಾಗೂ 23 ವರ್ಷದ ಇಬ್ಬರು ಪುತ್ರಿಯರಲ್ಲೂ ಸೋಂಕು ಇರುವುದು ಶನಿವಾರ ಬೆಳಕಿಗೆ ಬಂದಿದೆ.
ಪ್ರಕರಣ 2
ಇನ್ನು ದುಬೈನಿಂದ ಮಂಗಳೂರು ವಿಮಾನ ನಿಲ್ದಾಣಕ್ಕೆ ಬಂದಿಳಿದ 40 ವರ್ಷದ ವ್ಯಕ್ತಿಯಲ್ಲಿ ಸೋಂಕಿರುವುದು ಮಾ.23 ರಂದು ಖಚಿತವಾಗಿತ್ತು. ಆತ ಸಂಪರ್ಕಕ್ಕೆ ಬಂದ ಸಹೋದರ, ತಾಯಿ ಮುಂತಾದವರು ಗೃಹ ಬಂಧನದಲ್ಲಿದ್ದಾರೆ.
ಪ್ರಕರಣ3:
ಕರೊನಾ ಸೋಂಕು ಇರುವುದು ಶುಕ್ರವಾರ ಖಚಿತವಾಗಿರುವ ಭಟ್ಕಳದ 22 ವರ್ಷದ ವ್ಯಕ್ತಿ ಕಾರವಾರಕ್ಕೆ ಬಂದು ಹೋಗಿದ್ದ. ಆರೋಗ್ಯ ಇಲಾಖೆ ಆತನ ಸಂಚಾರ ವಿವರ ನೀಡಿದ್ದು, ದುಬೈನಿಂದ ಮಾ. 20 ರಂದು ಗೋವಾ ದಾಂಬೋಲಿಂ ವಿಮಾನ ನಿಲ್ದಾಣಕ್ಕೆ ಬಂದು ಇಳಿದ ವ್ಯಕ್ತಿ ಖಾಸಗಿ ಟ್ಯಾಕ್ಸಿ ಮೂಲಕ ಭಟ್ಕಳಕ್ಕೆ ಪ್ರಯಾಣಿಸಿದ್ದ. ಬೆಳಗ್ಗೆ 6.45 ಕ್ಕೆ ಕಾರವಾರಕ್ಕೆ ಬಂದು ಕೋಡಿಬಾಗದ ರತ್ನ ಸಾಗರ ಹೋಟೆಲ್ನಲ್ಲಿ ಚಹಾ ಕುಡಿದು 11 ಗಂಟೆಗೆ ಭಟ್ಕಳ ತಲುಪಿದ್ದ. 46 ವರ್ಷದ ತಾಯಿ, 13 ವರ್ಷದ ತಮ್ಮನ ಸಂಪರ್ಕಕ್ಕೆ ಬಂದಿದ್ದು, ಮಾ.23 ರಂದು ಜ್ವರದಿಂದ ಆಸ್ಪತ್ರೆ ಸೇರಿದ್ದ.
ಪ್ರಕರಣ ದಾಖಲು: ಭಟ್ಕಳದಲ್ಲಿ ಆರೋಗ್ಯ ತುರ್ತು ಪರಿಸ್ಥಿತಿ ಘೊಷಿಸಿದ ನಂತರವೂ ಅನಾವಶ್ಯಕವಾಗಿ ಚಿನ್ನದ ಪಳ್ಳಿ ಸುಲ್ತಾನ ಸ್ಟ್ರೀಟ್ ಬಳಿ ಬೈಕ್ನಲ್ಲಿ ಓಡಾಡುತ್ತಿದ್ದ ತಖಿಯಾ ಸ್ಟ್ರೀಟ್ನ ಕೆ.ಎಂ.ಶಾಝೀರ್(39) ಎಂಬ ವ್ಯಕ್ತಿಯ ವಿರುದ್ಧ ಶನಿವಾರ ಪ್ರಕರಣ ದಾಖಲಾಗಿದೆ. ಆತನ ವಿರುದ್ಧ ಸಾರ್ವಜನಿಕ ಕರ್ತವ್ಯಕ್ಕೆ ಸರ್ಕಾರಿ ನೌಕರನಿಗೆ ಅಡ್ಡಿ, ಮಾರಕ ಕಾಯ್ದೆ ಹರಡಲು ಪ್ರಯತ್ನ, ನಿಂದನೆ, ಪ್ರಚೋದನೆ ಮುಂತಾದ ಆರೋಪ ಹೊರಿಸಲಾಗಿದೆ. ಇದೇ ರೀತಿ ಇನ್ನೂ ಇಬ್ಬರ ವಿರುದ್ಧ ಜಿಲ್ಲೆಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ಎಸ್ಪಿ ಶಿವ ಪ್ರಕಾಶ ದೇವರಾಜು ತಿಳಿಸಿದ್ದಾರೆ.
