ಬಾಗಲಕೋಟೆ: ಜಾತಿಗೆ ಅನುಗುಣವಾಗಿ ಪಕ್ಷ ಅಧಿಕಾರ ಬರುವುದಿಲ್ಲ. ಜಾತ್ಯಾತೀತವಾಗಿ ಅಧಿಕಾರ ಬರುತ್ತದೆ. ಜಾತಿಯ ಆಧಾರ ಮೇಲೆ ಸಿಎಂ ಸ್ಥಾನಕ್ಕೆ ಬೇಡಿಕೆ ಇಟ್ಟರೆ ಅದು ತಪ್ಪು ಎಂದು ಮಾಜಿ ಸಚಿವ, ಶಾಸಕ ಶಿವಾನಂದ ಪಾಟೀಲ ಹೇಳಿದರು.
ನಗರದಲ್ಲಿ ಶುಕ್ರವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕಾಂಗ್ರೆಸ್ನಲ್ಲಿ ಲಿಂಗಾಯತರಿಗೂ ಅಧಿಕಾರ ಸಿಕ್ಕಿದೆ. ವೀರೇಂದ್ರ ಪಾಟೀಲ ಲಿಂಗಾಯತ ಹಾಗೂ ದಕ್ಷ ಆಡಳಿತಗಾರ ಎಂದು 180 ಸ್ಥಾನಗಳನ್ನು ರಾಜ್ಯದ ಜನರು ಕೊಟ್ಟಿದ್ದರು. ಲಿಂಗಾಯತರಿಗೂ ಕೂಡ ಅವಕಾಶ ಬಂದೇ ಬರುತ್ತದೆ. ನಾನಂತು ಸಿಎಂ ಆಗುವ ನಿರೀಕ್ಷೆಯಲ್ಲಿ ಇಲ್ಲ. ನಮ್ಮ ವಿಜಯಪುರ ಜಿಲ್ಲೆಯ ಕಾಂಗ್ರೆಸ್ ಗುಂಪು ಇಲ್ಲ. ಆಂತರಿಕ ಭಿನ್ನಾಭಿಪ್ರಾಯ ಇದೆ. ಅದನ್ನು ನಾವು ಬಹಿರಂಗಕ್ಕೆ ಇಟ್ಟಿಲ್ಲ. ಆಂತರಿಕ ಭಿನ್ನಾಭಿಪ್ರಾಯ ಬಂದಾಗ ನಾನು ಅವರ ವಿರುದ್ದ ಪ್ರತಿಭಟನೆ ಮಾಡುತ್ತೇನೆ. ಅವರು ನಮ್ಮ ವಿರುದ್ಧ ಪ್ರತಿಭಟನೆ ಮಾಡುತ್ತಾರೆ ಎಂದರು.
ಬಿಜೆಪಿ ಮುಖಂಡ ಲಕ್ಷ್ಮಣ ಸವದಿ ಹೇಳಿಕೆಗೆ ತಿರುಗೇಟು ನೀಡಿದ ಶಿವಾನಂದ ಪಾಟೀಲ, ವಿಧಾನಸಭೆ ಚುನಾವಣೆ ಬಂದಾಗ ಕಾಂಗ್ರೆಸ್ ಪಕ್ಷಕ್ಕೆ ಜನ ಅಽಕಾರ ಕೊಡುತ್ತಾರೆ. ಈ ನಿರೀಕ್ಷೆ ನನಗೂ ಇದೆ, ಜನಸಾಮಾನ್ಯರಿಗೂ ಇದೆ. ದೇಶದಲ್ಲಿ ಏನೇ ವಾತಾವರಣ ಇರಬಹುದು. ಕರ್ನಾಟಕದಲ್ಲಿ ಭಿನ್ನ ಇದೆ. ಕರ್ನಾಟಕದಲ್ಲಿ ಬಂಜೆನೂ ಹಡೆಯಬಹುದು ಎಂಬುದು ಆ ವೇಳೆ ತೀರ್ಮಾನ ಆಗುತ್ತದೆ ಎಂದು ಹೇಳಿದರು.ನಾನು ಯಾವ ಕಾರಣಕ್ಕೂ ಪಕ್ಷ ಬಿಡುತ್ತಿಲ್ಲ. ಆ ಸಂದರ್ಭ ಬಂದಾಗ ಹೇಳುತ್ತೇನೆ. ಹೋಗುವ ಹಾಗೇ ಇದ್ದರೇ ಹೇಳಿ ಹೋಗುತ್ತೇನೆ.ಪಕ್ಷ ಹಾಗೂ ವ್ಯಕ್ತಿ ಕೂಡಿದಾಗ ಸಮ್ಮಿಲನ ಆಗುತ್ತದೆ. ಹಿಂದೆ ವೀರೇಂದ್ರ ಪಾಟೀಲ ಕಾಂಗ್ರೆಸ್ಗೆ ಬಂದಾಗ ಬಹುಮತ ಸಿಕ್ಕು ಸಿಎಂ ಆದರು. ರಾಮಕೃಷ್ಣ ಹೆಗಡೆ ಅವರಿಗೆ ಪಕ್ಷ, ಜಾತಿ ಇರಲಿಲ್ಲ. ಅವರಿಗೂ ಅವಕಾಶ ಕೊಟ್ಟಿದ್ದರು. ಹೀಗೆ ವ್ಯಕ್ತಿತ್ವ ಇರತಕ್ಕಂತವರು ನಿರೀಕ್ಷೆ ಮಾಡಬಹುದು ಎಂದು ತಿಳಿಸಿದರ
