ಆ.೩೧, ಸೆ.೧ ಹಾಗೂ ಸೆ.೧೮ ರಂದು ಪ್ರತಿನಿತ್ಯ ನಸುಕಿನ ಜಾವ ಸುಪ್ರಭಾತ, ನಿರ್ಮಾಲ್ಯ ವಿಸರ್ಜನೆ, ೭ ಗಂಟೆಗೆ ಅಷ್ಟೋತ್ತರ ಪಾರಾಯಣ, ೮ ಗಂಟೆಗೆ ಪಂಚಾಮೃತ ಅಭಿಷೇಕ, ೧೦ ಗಂಟೆಗೆ ಅರ್ಚನೆ, ಪಾದಪೂಜೆ, ಕನಕಾಭಿಷೇಕ, ಮಧ್ಯಾಹ್ನ ೧೨ ಗಂಟೆಗೆ ನೈವೇದ್ಯ, ಅಲಂಕಾರ ಪೂಜೆ, ಹಸ್ತೋಧಕ, ಮಹಾಮಂಗಳಾರತಿ ಹಾಗೂ ಮಹಾಪ್ರಸಾದ ನೆರವೇರಲಿದೆ. ಸಂಜೆ ಭಜನೆ, ಸಂಗೀತ, ಸ್ವಸ್ತಿ ವಾಚನ, ಮಹಾಮಂಗಳಾರತಿ ನಡೆಯಲಿದೆ. ಪ್ರತಿ ದಿನ ಸಂಜೆ ಸುಗಮ ಸಂಗೀತ, ದಾಸವಾಣಿ, ಭರನಾಟ್ಯ ಸೇರಿದಂತೆ ವಿವಿಧ ಸಾಂಸ್ಕೃತಿಕ ಹಾಗೂ ಗಾಯನ ಕಾರ್ಯಕ್ರಮ ನಡೆಯಲಿದೆ.
ವಿಪ್ರ ರಾಯರಮಠ:
ನಗರದ ವಿದ್ಯಾಗಿರಿ ಬಡಾವಣೆಯ ವಿಪ್ರ ಅಭಿವೃದ್ಧಿ ಸಂಘದ ಆಶ್ರಯದಲ್ಲಿ ರಾಘವೇಂದ್ರ ಸ್ವಾಮಿಗಳವರ ಆರಾಧನೆ ನಡೆಯಲಿದ್ದು, ಪ್ರತಿದಿನ ಬೆಳಗ್ಗೆ ೬ ಗಂಟೆಗೆ ನಿರ್ಮಲ್ಯ ವಿಸರ್ಜನೆ, ೭ ಗಂಟೆಗೆ ಪಂಚಾಮೃತ ಅಭಿಷೇಕ, ೯ ಗಂಟೆಗೆ ಸಾಮೂಹಿಕ ಅಷ್ಟೋತ್ತರ, ಮಹಾಪೂಜೆ, ಮಧ್ಯಾಹ್ನ ೧ ಗಂಟೆಗೆ ಮಹಾನೈವೇದ್ಯ, ಹಸ್ತೋದಕ, ತೀರ್ಥಪ್ರಸಾದ, ಸಂಜೆ ೬ ಗಂಟೆಗೆ ಪಾಲಕಿ ಸೇವೆ ಜರುಗಲಿದೆ. ಆ.೩೧ ರಂದು ಸಂಜೆ ೫.೩೦ ಗಂಟೆಗೆ ಶುಭದಾ ದೇಶಪಾಂಡೆ ಹಾಗೂ ಶ್ರೀವತ್ಸವ ಕುಲಕರ್ಣಿ ಅವರಿಂದ ದಾಸವಾಣಿ, ಸೆ.೧ ರಂದು ಸಂಜೆ ೬ ಗಂಟೆಗೆ ರುಕ್ಮಿಣಿ ಭಜನಾ ಮಂಡಳಿಯಿಂದ ಭಜನೆ, ಸಂಜೆ ೭ ಗಂಟೆಗೆ ಮಾಧುರಿ ಕುಲಗೋಡ ಹಾಗೂ ಜ್ಯೋತಿ ಮಹೇಶ ಅವರಿಂದ ದಾಸವಾಣಿ ಹಾಗೂ ಸೆ.೨ ರಂದು ಸಂಜೆ ೬.೩೦ ಗಂಟೆಗೆ ಪ್ರತಿಭಾ ಪುರಸ್ಕಾರ, ಸ್ಪರ್ಧಾಳುಗಳಿಗೆ ಬಹುಮಾನ ವಿತರಣೆ ಕಾರ್ಯಕ್ರಮ ಜರುಗಲಿವೆ.
