ಗಾಂಜಾ ಮಾರುತ್ತಿದ್ದ ಒಡಿಶಾದ ವ್ಯಕ್ತಿಯ ಬಂಧನ

ಕುಮಟಾ: ಪಟ್ಟಣದ ರೈಲ್ವೆ ನಿಲ್ದಾಣದ ರಸ್ತೆಯಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದ ಒಡಿಶಾ ಮೂಲ ವ್ಯಕ್ತಿಯನ್ನು ಪೊಲೀಸರು ಶನಿವಾರ ಬಂಧಿಸಿದ್ದಾರೆ.

ಹಾಲಿ ಗೋವಾದಲ್ಲಿ ನೆಲೆಸಿರುವ ರಾಕೇಶಕುಮಾರ ಪ್ರವಾಕರ ದಾಸ್ ಬಂಧಿತ ವ್ಯಕ್ತಿ. ಆತನಿಂದ 40 ಸಾವಿರ ರೂ. ಮೌಲ್ಯದ 1.5 ಕೆಜಿ ತೂಕದ ಗಾಂಜಾವನ್ನು ವಶಕ್ಕೆ ಪಡೆಯಲಾಗಿದೆ.

ಇನ್ಸ್‌ಪೆಕ್ಟರ್ ತಿಮ್ಮಪ್ಪ ನಾಯ್ಕ, ಪಿಎಸ್ ಐ ನವೀನ ನಾಯ್ಕ ನೇತೃತ್ವದಲ್ಲಿ , ರವಿ ಗಿಡ್ಡಿ, ಚಂದ್ರಮತಿ ಪಟಗಾರ, ಪದ್ಮಾ ದೇವಳಿ ಹಾಗೂ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿದ್ದರು.