ಕೆಸರು ಗದ್ದೆಯಂತಾದ ಕಿತ್ತೂರು ರಾಣಿ ಚನ್ನಮ್ಮ ವಸತಿ ಶಾಲೆ ರಸ್ತೆ

ವಸತಿ ಶಾಲೆಯಲ್ಲಿ ನಮಗೆ ಉತ್ತಮ ಸೌಕರ್ಯಗಳ ಜತೆ ಉತ್ತಮ ಶಿಕ್ಷಣವೂ ದೊರೆಯುತ್ತಿದೆ. ಆದರೆ, ದಿನದ 24 ಗಂಟೆಯೂ ಗಣಿಗಾರಿಕೆಯ ಶಬ್ದದಿಂದಾಗಿ ತರಗತಿ ವೇಳೆ ಪಾಠ ಕೇಳಲು ಮತ್ತು ರಾತ್ರಿ ವೇಳೆ ಓದಲು ತೊಂದರೆಯಾಗುತ್ತದೆ. | ವಜ್ರ ಎಸ್.ಎ ವಸತಿ ನಿಲಯದ ವಿದ್ಯಾರ್ಥಿನಿ

ಮಕ್ಕಳನ್ನು ಭೇಟಿ ಮಾಡಲು ಬರಬೇಕೆಂದರೆ ರಸ್ತೆ ಅತ್ಯಂತ ಕೆಟ್ಟದಾಗಿದೆ. ಆಟೋ ರಿಕ್ಷಾಕ್ಕೆ ದುಪ್ಪಟ್ಟು ಹಣ ನೀಡಿದರೂ ಬರಲೊಪ್ಪುತ್ತಿಲ್ಲ. ಮಕ್ಕಳಿಗೆ ಆರೋಗ್ಯ ಕೆಟ್ಟರೆ ತಕ್ಷಣವೇ ಆಸ್ಪತ್ರೆಗೆ ಹೋಗಲು ಸಾಧ್ಯವಾಗುವುದಿಲ್ಲ. ಗಣಿಗಾರಿಕೆಯ ಭಾರಿ ವಾಹನಗಳು ಓಡಾಡುವುದರಿಂದ ಈ ಭಾಗದಲ್ಲಿ ಉತ್ತಮ ರಸ್ತೆ ಅವಶ್ಯ. ಸಂಬಂಧಪಟ್ಟ ಅಧಿಕಾರಿಗಳು ನಿಗಾ ವಹಿಸಬೇಕು. | ನಾರಾಯಣ ಪಿ. ಹರಿಕಂತ್ರ, ಕಾಗಲ, ವಸತಿ ನಿಲಯದ ವಿದ್ಯಾರ್ಥಿ ಪಾಲಕರು

ಕಿತ್ತೂರು ರಾಣಿ ಚನ್ನಮ್ಮ ವಸತಿ ಶಾಲೆಯ ಹತ್ತಿರ ಚಿರೇಕಲ್ಲು ಗಣಿಗಾರಿಕೆಯಲ್ಲಿ ಯಂತ್ರೋಪಕರಣ ಶಬ್ದದ ತೀವ್ರತೆಗೆ ವಿದ್ಯಾರ್ಥಿಗಳಿಗೆ ಪಾಠ ಕೇಳಲು ಮತ್ತು ರಾತ್ರಿ ವೇಳೆ ಓದಲು ತೊಂದರೆ ಆಗುತ್ತಿದೆ ಎಂದು ದೂರಿದ್ದಾರೆ. ಗಣಿಗಾರಿಕೆಗೆ ಸಂಬಂಧಿಸಿ ಇಲಾಖೆಯಿಂದ ಪರವಾನಗಿ ಪಡೆಯಲಾಗಿದೆಯೇ ಎಂದು ಪರಿಶೀಲಿಸಲಾಗುವುದು. ಮಹಾತ್ಮಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆಯಡಿ ರಸ್ತೆ ನಿರ್ಮಾಣ ಮಾಡುವಂತೆ ಜಿಪಂ ಸಿಇಒ ಅವರಲ್ಲಿ ಮನವಿ ಮಾಡಲಾಗುವುದು. | ಅಜ್ಜಪ್ಪ ಗಂಗಪ್ಪ ಸೊಗಲದ ಉಪ ನಿರ್ದೇಶಕರು, ಸಮಾಜ ಕಲ್ಯಾಣ ಇಲಾಖೆ ಕಾರವಾರ (ಉ.ಕ.)

ಹದಗೆಟ್ಟ ರಸ್ತೆಯಿಂದಾಗಿ ವಸತಿ ಶಾಲೆಗೆ ಬೇಕಾದ ದಿನಸಿ, ತರಕಾರಿ ಮುಂತಾದ ಅಗತ್ಯ ವಸ್ತುಗಳನ್ನು ತರಲು ತೊಂದರೆಯಾಗುತ್ತಿದೆ. ಆಟೋ ರಿಕ್ಷಾದವರು ಇಲ್ಲಿಗೆ ಬರಲು ಒಪ್ಪುವುದಿಲ್ಲ. ಈಗಾಗಲೇ ಹಿರಿಯ ಅಧಿಕಾರಿಗಳ ಮಾರ್ಗದರ್ಶನದಲ್ಲಿ ರಸ್ತೆ ನಿರ್ವಿುಸುವ ಕುರಿತು ಬೆಳಸೆ ಮತ್ತು ಶೆಟಗೇರಿ ಗ್ರಾಪಂ.ಗೆ ಲಿಖಿತ ಪತ್ರದ ಬೇಡಿಕೆ ಸಲ್ಲಿಸಿದ್ದೇವೆ. | ಅಶೋಕ ಗಾಂವಕರ ಪ್ರಾಚಾರ್ಯರು, ಕಿತ್ತೂರು ರಾಣಿ ಚನ್ನಮ್ಮ ವಸತಿ ಶಾಲೆ ಬೆಳಸೆ