ಮಹಿಳೆಯರು ಮಕ್ಕಳಿಗೆ ತೊಂದರೆ: ಶನಿವಾರ ರಾತ್ರಿ ಮೈಸೂರಿನಿಂದ ಪಟ್ಟಣಕ್ಕೆ ಬರುತ್ತಿದ್ದ ಬಸ್ ನಂಜನಗೂಡು ಸಮೀಪ ಕೆಟ್ಟುನಿಂತ ಪರಿಣಾಮ ಮಹಿಳೆಯರು, ಮಕ್ಕಳು, ವೃದ್ಧರು ಬೇರೆ ಬಸ್ಗಳಿಗಾಗಿ ಸುಮಾರು ಎರಡು ಗಂಟೆಗಳ ಕಾಲ ರಸ್ತೆಯಲ್ಲಿ ಕಾದು ನಿಲ್ಲುವಂತಾಗಿತ್ತು. ಎಲ್ಲ ಬಸ್ಗಳಲ್ಲಿಯೂ ಪ್ರಯಾಣಿಕರನ್ನು ತುಂಬಿಕೊಂಡಿದ್ದರಿಂದ ಅಲ್ಲಿ ನಿಲ್ಲಿಸದೆ ಹೋಗುತ್ತಿದ್ದವು. ಗ್ರಾಮಾಂತರ ಪ್ರದೇಶಗಳ ಜನರು ತಮ್ಮ ಊರುಗಳಿಗೆ ಹೋಗುವ ಬಸ್ಗಳು ಸಿಕ್ಕದಿದ್ದರೆ ತುಂಬಾ ತೊಂದರೆಯಾಗುತ್ತದೆ ಎಂದು ಆತಂಕಕ್ಕೊಳಗಾದ ಜನರು ಬಸ್ ಕೆಟ್ಟಿರುವ ಬಗ್ಗೆ ಡಿಪೋ ಅಧಿಕಾರಿಗಳಿಗೆ ಮಾಹಿತಿ ನೀಡಿದರೆ ದುರಹಂಕಾರದಿಂದ ಉತ್ತರಿಸಿದ್ದು, ಪ್ರಯಾಣಿಕರನ್ನು ಕೆರಳುವಂತೆ ಮಾಡಿತ್ತು. ಶಾಸಕ ಎಚ್.ಎಂ.ಗಣೇಶ್ಪ್ರಸಾದ್ ಅವರ ಗಮನಕ್ಕೆ ತಂದ ನಂತರ ಬೇರೆ ಬಸ್ ಕಳಿಸಿದರು ಎಂದು ಪ್ರಯಾಣಿಕರು ಅಧಿಕಾರಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
