ಬೀಜ ವಿತರಣೆ: ಉತ್ತಮ ಮಳೆಯಾದ ಕಾರಣ ಕೃಷಿ ಇಲಾಖೆ ಬೀಜ ವಿತರಣೆಗೆ ಮುಂದಾಗಿದೆ. ತಾಲೂಕಿನ ರೈತ ಸಂಪರ್ಕ ಕೇಂದ್ರಗಳಲ್ಲಿ ಈಗಾಗಲೇ 464 ಕ್ವಿಂಟಾಲ್ ಭತ್ತ ಹಾಗೂ 30 ಕ್ವಿಂ. ಮುಸುಕಿನ ಜೋಳದ ಬೀಜ ದಾಸ್ತಾನು ಮಾಡಲಾಗಿದೆ. ಬನವಾಸಿ ರೈತ ಸಂಪರ್ಕ ಕೇಂದ್ರದಲ್ಲಿ ಅಭಿಲಾಷಾ 90 ಕ್ವಿಂಟಾಲ್, ಜಯಾ 60 ಕ್ವಿಂಟಾಲ್, ಎಂಟಿಯು 1010 - 65 ಕ್ವಿಂಟಾಲ್, ಎಂಟಿಯು 1001- 210 ಕ್ವಿಂಟಾಲ್ ಭತ್ತ ಬೀಜ ದಾಸ್ತಾನಿದೆ. 30 ಕ್ವಿಂಟಾಲ್ ಮುಸುಕಿನ ಜೋಳದ ಬೀಜ ಸಂಗ್ರಹವಿದೆ. ಶಿರಸಿ ರೈತ ಸಂಪರ್ಕ ಕೇಂದ್ರದಲ್ಲಿ ಜಯಾ 5 ಕ್ವಿಂಟಾಲ್, ಎಂಟಿಯು 1010- 10 ಕ್ವಿಂಟಾಲ್, ಎಂಟಿಯು 1001-20 ಕ್ವಿಂಟಾಲ್, ಬಿಪಿಟಿ ಸೋನಾ 4 ಕ್ವಿಂಟಾಲ್ ಭತ್ತದ ಬೀಜ ದಾಸ್ತಾನಿದೆ. ಆದರೆ ಹೆಚ್ಚಿನ ರೈತರು ಬೀಜ ಖರೀದಿಗೂ ನಿರಾಸಕ್ತಿ ತೋರುತ್ತಿದ್ದು, ಕೆಲವೇ ರೈತರು ಮಾತ್ರ ಖರೀದಿಸಿ ಕೊಂಡೊಯ್ಯುತ್ತಿದ್ದಾರೆ.
