ಅತಿ ಅಗತ್ಯ ಇದ್ದರೆ ಮಾತ್ರ ಬನ್ನ
ಹೊರ ಊರಿನವರು ಅತಿ ಅವಶ್ಯಕತೆ ಇದ್ದರೆ ಮಾತ್ರ ಊರಿಗೆ ಬನ್ನಿ ಎಂದು ಜಿಲ್ಲಾಧಿಕಾರಿ ಡಾ.ಹರೀಶ ಕುಮಾರ ಕೆ. ಮನವಿ ಮಾಡಿದ್ದಾರೆ. ಕುಮಟಾದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ನಮ್ಮ ಮೇಲೆ ಮುಂದೆ 15 ದಿನಗಳ ಸವಾಲು ದೊಡ್ಡದು. ಹೊರಗಿನಿಂದ ಬರುವವರು ತೀರ ಅಗತ್ಯ ಇಲ್ಲದಿದ್ದರೆ ಸ್ವಲ್ಪ ದಿನ ಕಾಯಿರಿ. ಒಂದೊಮ್ಮೆ ನಿಮಗೆ ಸೋಂಕು ಇದ್ದರೆ ಇಲ್ಲಿನ ಸಮುದಾಯಕ್ಕೆ ಅನ್ಯಾಯ ಮಾಡಿದಂತಾಗುತ್ತದೆ ಎಂದರು.
ಹೊರ ರಾಜ್ಯದಿಂದ ಬರುವವರು ಅನುಮತಿ ಪಡೆದು ನ್ಯಾಯ ಮಾರ್ಗದಲ್ಲಿ ಬರಬೇಕು. ಇಲ್ಲಿ ಬಂದ ಮೇಲೆಯೂ ನಿಯಮಾವಳಿಯಂತೆ ಸ್ವಯಂ ಪ್ರೇರಣೆಯಿಂದ ಸಾಂಸ್ಥಿಕ ಕ್ವಾರಂಟೈನ್ಗೆ ಸೇರಿಕೊಳ್ಳಬೇಕು ಎಂದು ವಿನಂತಿಸಿದರು.
ನಮ್ಮ ಸಾಂಸ್ಥಿಕ ಕ್ವಾರಂಟೈನ್ ಬಗ್ಗೆ ಕೆಲವರಿಗೆ ಅಸಮಾಧಾನವಿದೆ. ಬೇರೆ ರಾಜ್ಯದಿಂದ ಬಂದ ಶಂಕಿತರನ್ನು ಹೋಂ ಕ್ವಾರಂಟೈನ್ನಲ್ಲಿಟ್ಟರೆ ಸತ್ಯ ಹೇಳುವುದಿಲ್ಲ. ಊರೆಲ್ಲಾ ಸುತ್ತಬಹುದು. ಸದ್ಯ ಹೊರ ರಾಜ್ಯದಿಂದ ಬಂದವರನ್ನು ಮಾತ್ರ ಸಾಂಸ್ಥಿಕ ಕ್ವಾರಂಟೈನ್ ಮಾಡಲಾಗುತ್ತಿದೆ. ರಾಜ್ಯದ ಒಳಗಿನವರನ್ನು ಹೋಂ ಕ್ವಾರಂಟೈನ್ ಮಾಡಲಾಗುತ್ತಿದೆ.
ಹೊರಗಿನಿಂದ ಬಂದವರೆಲ್ಲರೂ ಸೋಂಕಿತರಲ್ಲ. ಎಂಬುದನನು ಜನರೂ ಅರ್ಥ ಮಾಡಿಕೊಳ್ಳಬೇಕು. ಪೂಲ್ ಕರೊನಾ ಟೆಸ್ಟಿಂಗ್ ಮೂಲಕ 25 ಜನರಿಗೆ ಒಂದೇ ಬಾರಿಗೆ ತಪಾಸಣೆ ನಡೆಸಿ ಪಾಸಿಟಿವ್ ಬಂದರೆ ಒಬ್ಬೊಬ್ಬರದೇ ಪ್ರತ್ಯೇಕ ತಪಾಸಣೆ ಮಾಡಲಾಗುವುದು ಎಂದರು. ಉಪವಿಭಾಗಾಧಿಕಾರಿ ಅಜಿತ್ ಎಂ.ರೈ, ತಾಪಂ ಇಒ ಸಿ.ಟಿ.ನಾಯ್ಕ, ತಹಸೀಲ್ದಾರ್ ಮೇಘರಾಜ ನಾಯ್ಕ ಇದ್ದರು.
